അപ്പോസുത്തലാര് 17:20 - സാമി സേദി

²⁰ നീ സൊല്ലുവ ഈ കാര്യഗാള് എമ്മ ഇന്നാല്‌ത്തെ കേ്ള്‌ക്ക്‌ന്റേമ്. അദ്‌നാലെ അദ്‌ക്ക് ഇര്‌ക്കുവ അര്‌ത്ത എന്ത് എന്റ് തെരിന്തിരിക്ക്യ എമാക്ക് ആസെ ഇര്‌ക്ക്‌ന്റ്.>>

അപ്പോസുത്തലാര് 17:20 ပူးပေါင်းရင်းမြစ်များ

1 പത്ത്‌റോസു 4:4

ആന അയി ഗളിഗേല് നിമ്മോഡൊപ്പ ഇന്ത പള്യ എ്ണേവുഗാറാര് ഇന്നാല് നിമ്മ അവാരോഡൊപ്പ എ്ണേന്ത് കെ്ട്ട കാര്യഗാള് ഗേഗാത്താദ്‌ന കണ്ട് അദിസ്യപട്ട് നിമാന കുറ്റ സൊന്റാര്.

1 കൊരിന്ത്യഗാറാര് 2:14

ആന സാമിനിഗാല് ഇല്ലാത്ത മന്‌സാന് സാമിനിഗാല് പഡുസുവ നായഗാള്‌ന കാദ്‌ക്കിക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന ബുദ്ദിഗെ്ട്ട കാര്യഗാള് എന്റ്‌ത്തെ അയാള് നെനേക്കുവാദ്. അയി കാര്യഗാള് അയാള്‌ക്ക് നെപ്പ്‌കെ്ഡേക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന സാമിനിഗാല് ഉദാവിനാലെത്തെ അയാള് സൊക്കാന പുരുപ്പു മാഡി എ്ഡ്‌ക്കുവാദ്.

1 കൊരിന്ത്യഗാറാര് 1:23

ആന എമ്മാഗൊ, കുരുസുലു സത്ത ക്‌റ്‌സ്‌ത്ത്‌ന പറ്റിത്തെ സൊല്ലുവാദ്. അയി സേദി എഗുദാര്‌ക്ക് തൊന്തറെ മാഡുവാദ്‌മ് എഗുദാരല്ലാത്ത ജാദിഗാള്‌ക്ക് ബുദ്ദിഗെ്ട്ട നായാമ്‌ത്തെ.

1 കൊരിന്ത്യഗാറാര് 1:18

കുരുസുലു സത്ത ക്‌റ്‌സ്‌ത്ത്‌ന പറ്റ്യുള്ള സേദി കെ്ട്ട് പോന്റവാര്‌ക്ക് ബുദ്ദിഗെ്ട്ട നായത്തെ. ആന തപ്പിസി കഡാക്കുവ നമാക്ക് അദ് സാമി സക്‌തിത്തെ.

എവുറായാര് 5:11

എമാക്ക് ഇദ്‌ന പറ്റി മൊത്തന കാര്യഗാള് സൊല്ല്യ ഇര്‌ക്ക്‌ന്റ്. ആന നിമ്മ അദ്‌ന സട്ടന നെപ്പ്കെ്ഡേസത്താദ്‌നാലെ സൊക്കാന സൊല്ലി തര്യ ബുദ്ദിമുട്ടു ഇര്‌ക്ക്‌ന്റ്.

അപ്പോസുത്തലാര് 10:17

ഈ തോറ്റാക്ക് അര്‌ത്ത എന്തെന്റ് പത്ത്‌റോസു അദിസ്യപട്ട് ഇന്താന്. അദുക്കുള കൊറ്‌ന്നല്ലോസു സൊല്ലി ബ്‌ട്ട ആള്‌ഗാള് സീമോനു ബീ്ഡ് ബാസ മുന്നുക്കു എജ്ജ്‌നാര്.

അപ്പോസുത്തലാര് 2:12

ഇദ്‌ല് നഡാക്കുവാദ് എന്ത് എന്റ് തെര്യാദെ എല്ലാവാര്‌മ് അദിസ്യപട്ടാര്, <<ഇദ്‌ക്ക് എന്ത് അര്‌ത്ത?>> എന്റ് ആള്‌ഗാള് ഒട്ടുക്കു തമാക്ക് തമാക്ക് സൊല്ലി അങ്കലാപ്‌പട്ടാര്.

ഓഗന്നാന് 6:60

ഏസ്സ് സൊല്ലുപഡി നഡാക്ക്‌ന്റവാര്‌ല് എഞ്ചോ ആള്‌ഗാള് ഈ സൊന്ന നായഗാള്‌ന കേ്ട്ട്: <<ഈ നായ സെറ്റെ കഡ്‌പ്പാത്തെ. ഇദ്‌ന ആര്‌ക്ക് കേ്ള്‌ക്ക്യ മുഡിമ്?>> എന്റ് സൊന്നാര്.

മര്‌ക്കോസു 9:10

അദ്‌നാലെ അവാര് കണ്ടാദ് ഒന്റുനാമ് ആര്‌ക്ക്‌മ് സൊല്ലാലെ. ആന സത്തവാര് പട്ട്‌ലിന്ത് ഉജുര്‌ളാഗുവെ എന്റ് അയാള് സൊന്ന അര്‌ത്ത എന്തെന്റ് അവാര് തമ്മ തമ്മ നായനൊഡിന്ത് കൊണ്ടു ഇന്താര്.

അപ്പോസുത്തലാര് 17:19

അദ്‌നാലെ അവാര് പവുലോസുന കൂട്ട്യെ്ഡ്‌ത്ത് പട്ടണഗാറാര് കൂട്ട കൂഡുവ അര്യോവ ഗുഡ്ഡേക്ക് പോയി ഇത്തെ സൊന്നാര്, <<നീ സൊല്ലുവ ഈ പുദ്യ കാര്യന പറ്റി എമാക്ക് തെരിന്ത്‌റ്‌ക്കുഡൊ എന്റ് ആസെ ഇര്‌ക്ക്‌ന്റ്.

അപ്പോസുത്തലാര് 17:21

(ആദാന്‌സ്‌ഗാറാര്‌ക്ക്‌മ്, അയി പട്ടണാത്ത്‌ല് കുഡി ബന്തിന്ത ബേ്റെ നാഡ്‌ഗാറാര്‌ക്ക്‌മ് ഏദ്‌ഗളിഗേമ് പുദ്യ കാര്യഗാള് സൊല്ല്യാമ്, കേ്ള്‌ക്ക്യാമ്‌ത്തെ ആസെ ഇന്ത്‌ദ്.)