അപ്പോസുത്തലാര് 17:17 - സാമി സേദി

¹⁷ അദ്‌നാലെ എഗുദാര് പരേസുവ ബീ്ഡ്‌ല് ബെത്ത് എഗുദാരോഡാമ്, സാമിന കുമ്മുഡി നഡാന്തിന്ത എഗുദാരല്ലാത്ത ജാദിഗാളോഡാമ് പവുലോസു നായ നൊഡിന്താന്. അദേപാസെ സന്തേക്ക്‌റാഗ ബന്ത് പോന്റവാര്‌ല് പവുലോസു സൊല്ലുവാദ്‌ന കേ്ള്‌ക്ക്‌ന്റവാരോഡാമ് പവുലോസു നാള്‌ക്ക്‌മ് നായ നൊഡിന്താന്.

അപ്പോസുത്തലാര് 17:17 ပူးပေါင်းရင်းမြစ်များ

അപ്പോസുത്തലാര് 13:16

അദുക്കുള പവുലോസു ഇ്ളാഗി കയിന ഉജാത്തി കാട്ടി കൊണ്ടു ഇത്തെ സൊന്നാന്: <<ഇസ്‌റവേല് ഗണ്ടാള്‌ഗാളെ, സാമിന കുമ്മുഡുവ എഗുദാരല്ലാത്ത ജാദിഗാളെ, നാന് സൊല്ലുവാദ്‌ന കേ്ള്‌ന്.

അപ്പോസുത്തലാര് 9:20

അദ്‌ക്ക് പ്‌റ അയാള് ഏസ്സ്‌ത്തെ സാമിമഗാന് എന്റ് എഗുദാര് പരേസുവ ബീ്ഡ്‌ക്ക്‌റാഗ പോയി സൊല്ല്യ പ്‌ഡിത്താന്.

ലൂക്കോസു 12:3

നിമ്മ സൂഗാന സൊന്ന നായഗാള്‌നെല്ല എല്ലാ ആള്‌ഗാള്‌മ് കേ്ള്‌ക്കുവാര്. ഉളാക്ക്‌ല കുച്ചുലു പജിക്കി സൊന്ന നായഗാള്‌നെല്ല ബീ്ഡ് മ്‌ഗാള് കുദ്ദാക്കിന്ത് സൊല്ലുവാര്>> എന്റ് സൊന്നാന്.

മര്‌ക്കോസു 16:15

അദ്‌ക്ക് പ്‌റ അയാള് അവാര്‌ക്ക് ഇത്തെ സൊന്നാന്. <<നിമ്മ ഉലഗാക്ക് ഒട്ടുക്കു പോയി ആള്‌ഗാള്‌ക്ക് പൂര ഈ നല്ല സേദിന സൊല്ലുഡൊ.

2 തിമിത്തോസു 3:5

അവാര് സാമിക്ക് ബേ്ണ്ടി നലമായി പെ്ളേക്ക്‌ന്റവാരെന്റ് നഡിക്കുവാര്. ആന അവാര് സാമിക്ക് ബേ്ണ്ടി നലമായി പെ്ളേക്കുവാദ്‌ക്ക് കെ്ഡേക്കുവ ബിലാന ബേ്ഡ എന്റ് തള്ള്‌ന്റാര്. അത്തവ ആള്‌ഗാള് കൂട്ടാക്ക് നീ എ്ണേഗാദെ.

2 തിമിത്തോസു 3:2

അയി കാലാത്ത്‌ല് ആള്‌ഗാള് അവനവാന് കാര്യഗാള്‌ന താനെ നോഡി നഡാക്ക്‌ന്റവാര്‌മ്, പണാക്ക് ബേ്ണ്ടി ആസെപഡ്‌ന്റവാര്‌മ്, ഏസ്സി നഡാക്ക്‌ന്റവാര്‌മ്, പെരിമെനായ സൊല്ലുന്റവാര്‌മ്, സാമിന കുറ്റ സൊല്ലുന്റവാര്‌മ്, അപ്പാനവ്വെ സൊല്ലുപഡിക്ക് നഡാക്കാത്തവാര്‌മ്, നണ്ണില്ലത്തവാര്‌മ്, സാമിന മദ്‌സാത്തവാര്‌മ്,

അപ്പോസുത്തലാര് 10:2

അയാള് ഒന്റു ബക്‌തിഗാറാന് ആയിന്താന്. അയാള്‌മ് അയാള് ബീ്ഡ്‌ഗാറാര്‌മ് ഒട്ടുക്കു സാമിന കുമ്മുഡി നഡാന്തിന്താര്. അയാള് ഏ്ളെഗാള് ആയിര്‌ക്കുവ എഗുദാര്‌ക്ക് എഞ്ചോ ദറ്‌മ്മഗാള് ഗേന്തിന്താന്. അദ് അല്ലാദെ താനെ അയാള് എന്നാല്‌ക്ക്‌മ് സാമിന പരേസികൊണ്ടു ഇന്താന്.

അപ്പോസുത്തലാര് 8:2

ഒന്റരെ ബക്‌തിഗാറാര് തെപാനോസുന പാത്ത്‌ന പ്‌റസാരി അയാള്‌ക്ക് ദൊഡ്ഡാദ്‌ക്ക് അഗാറി ബ്‌ന്ത് കേ്യിന്താര്.

അപ്പോസുത്തലാര് 13:43

കൂട്ട പിരിന്ത പ്‌റ ആള്‌ഗാളെല്ല പോഗാട്ടി എഞ്ചോ എഗുദാര്‌മ്, എഗുദാര് പരേസുവ ബീ്ഡ്‌ക്ക് പോവ എഞ്ചോ എഗുദാര് അല്ലാത്ത ജാദിഗാള്‌മ് അവാരോഡൊപ്പ പോനാര്. പവുലോസുമ്, ബറ്‌ണവാസ്‌മ് അവാരോഡ നായാമ് നൊഡിന്ത്, സാമിന മറാന്ത് പെ്ളേക്കദേന് എന്റ് സൊല്ലി അവാര്‌ന ദയിരാമ് പഡ്‌സ്‌നാര്.

അപ്പോസുത്തലാര് 13:50

ആന സാമിന കുമ്മുഡിന്ത എഗുദാര് അല്ലാത്ത മദ്‌പ്പ് ഇര്‌ക്കുവ പെ്ണ്ണ്‌മക്കാള്‌നാമ് പട്ടണാത്ത്‌ല ദൊഡ്ഡുദൊഡ്ഡ തലെവാര്‌ഗാള്‌നാമ് എഗുദാര് ഗോളിസി ബ്‌ട്ട് പവുലോസുനാമ് ബറ്‌ണവാസ്‌നാമ് കൊഡിമെപഡിസ്യ പ്‌ഡിത്താര്. അത്തെ അവാര് അയി ദേസാലിന്ത് അവാര്‌ന മുഡുക്കുനാര്.