അപ്പോസുത്തലാര് 16:34 - സാമി സേദി

³⁴ അദ്‌ക്ക് പ്‌റ ജെയില് അദിഗാരി പവുലോസുനാമ്, സീലാസ്‌നാമ് ബീ്ഡ്‌ക്ക് കൂട്ടി എ്ഡ്‌ത്ത് പോയി അവാര്‌ക്ക് തിന്ന്യ തീനി കൊഡുത്താന്. സാമിന നമ്പ്‌നാദ്‌നാലെ അയാള്‌മ് അയാള് ബീ്ഡ്‌ഗാറാര് ഒട്ടുക്കുമു പിര്യപിര്യാത്ത് ആനാര്.

അപ്പോസുത്തലാര് 16:34 ပူးပေါင်းရင်းမြစ်များ

റോമഗാറാര് 15:13

നമ്മ സാമിന നമ്പുവാദ്‌നാലെ സാമി നമാക്ക് നിമ്മ്‌ദ്യാന പെ്ളേപ്പ്‌മ് പിര്യരിമുള്ള പെ്ളേപ്പ്‌മ് തര്‌ഡൊ. എന്ത്‌ക്കെന്റ് സൊന്ന അയി സാമിനത്തെ നമ്മ നെഞ്ചഡെ ബെത്ത്‌റ്‌ന്റാമ്. അത്തെ സാമി തന്ന് നിഗാല് സക്‌തിനാലെ നിമ്മ് നെഞ്ചഡെന സേത്തി സേത്തി ബരുസുഡൊ.

പിലെമോനു 1:7

പൊന്നാ, നീ ഏസ്സ്‌ഗാറാരോഡ സീവാന്‌ബെത്ത് അവാര്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുത്തു അവാര് മനേസ്സ്‌ന ദ്‌ഡ്‌ക്കന മാഡ്‌നായി. അദ്‌നാലെ എനാക്ക് പിര്യാമ് ബന്ത്‌ദ്, എനാക്ക് ദ്‌ഡ്‌ക്കനാമ് ആറ്റ്.

റോമഗാറാര് 5:11

അദ്‌താനേമല്ല, നമ്മ ഇന്നാല് സാമിന പറ്റി പെരിമെപഡ്‌ന്റാമ്, എന്ത്‌ക്കെന്റ് സൊന്ന, സാമി നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ന ബെത്ത് നമാന തന്നോഡ രാജി കൂഡുസുനാന്.

അപ്പോസുത്തലാര് 2:46

അവാര് നാള്‌ക്ക്‌മ് സാമിബീ്ഡ്‌ക്ക് ബന്ത് ഒന്റായി എജേവാര്. അവാര് തമ്മ ഒന്റൊന്റാള് ബീ്ഡ്‌ക്ക്‌റാഗ പോയി ഒന്റായി തീനി തിന്റിന്താര്, അവാര് ഒന്റൊന്റാള് നല്ല പിര്യത്തോഡത്തെ തിന്ന്യ തീനി കൊഡുത്തിന്താദ്.

1 ഓഗന്നാന് 3:18

പ്‌ള്ളെഗാളെ, സീവാന് ഇര്‌ക്ക്‌ന്റ് എന്റ് നമ്മ ബായില് സൊല്ലി നഡാക്കാദെ നേര്‌മാന സീവാനിര്‌ക്ക്‌ന്റ് എന്റ് കാട്ടുവാദ്‌ക്കുള്ള കാര്യഗാള്‌മ് ഗേഡൊ.

പിലിപ്പ്യഗാറാര് 4:17

നിമ്മ എനാക്ക് എന്താറ്റ തര്‌ഡൊ എന്റ് ആസെപഡുവാദ്‌നാലെ അല്ല നാന് ഇത്തെ സൊല്ലുവാദ്. നിമ്മ നല്ല കാര്യഗാള് സേത്തി സേത്തി ഗേഗാട്ടി സാമി സേത്തി സേത്തി നിമാക്ക് നല്ലാദ് ഗേവാന്. അത്തെ നിമാക്ക് നല്ലാദ് കെ്ഡേക്കുഡൊ എന്റ് ആസെപഡുവാദ്‌നാലെത്തെ നാന് ഇത്തെ സൊല്ലുവാദ്.

പിലിപ്പ്യഗാറാര് 4:4

നിമ്മ ആണ്ടവാന്‌ന നമ്പി നഡാക്കുവാദ്‌നാലെ എന്നാല്‌ക്ക്‌മ് പര്യപിര്യാത്തിര്‌ന്, പിര്യപിര്യാത്തിര്‌ന് എന്റ് നാന് പിന്നേമ് നിമാക്ക് സൊന്റെ.

റോമഗാറാര് 5:2

ക്‌റ്‌സ്‌ത്ത് ഏസ്സോഡ ബെത്ത്‌റ്‌ക്കുവ നമ്പിക്കെനാലെ സാമി പ്‌ണ്ണ്യ ഗേന്ത് കെ്ഡേത്ത ഈ പെ്ളേപ്പ്‌ക്ക് നമാക്ക് ഇന്നാല് എജ്ജ്യ മുഡിന്ത്‌ദ്. അത്തെ നമ്മ സാമി മദ്‌പ്പ്‌ക്ക് പങ്ക്‌ഗാറാര് ആവാമ് എന്നുവ നെഞ്ചഡെന പറ്റി നമ്മ പെരിമെപഡ്‌ന്റാമ്.

അപ്പോസുത്തലാര് 11:14

നിനാനാമ്, നിന്ന് ബീ്ഡ്‌ഗാറാര്‌നാമ് കാപാറ്റുവാദ്‌ക്കുള്ള നായഗാള്‌ന അയാള് നിനാക്ക് സൊല്ലുവാന്> എന്റ് ദൂദാന് തനാക്ക് സൊന്നാന് എന്റ്‌മ് എമാക്ക് സൊന്നാന്.

അപ്പോസുത്തലാര് 8:39

അവാര് നീര്‌ലിന്ത് ഏ്ട്ടിക്ക് ഏ്റ്‌ഗാട്ടി സാമിനിഗാല് പീലിപോസുന എ്ഡ്‌ത്ത് പോനാന്. അയി പെ്ണ്ട്‌രിപെ്ണ്യാന് പിന്നെ അയാള്‌ന കാണാലെ. എന്റാല്‌മ് അയാള് പിര്യപിര്യത്തോഡ പിന്നെ നഡാക്ക്യ പ്‌ഡിത്താന്.

ലൂക്കോസു 19:6

അദുക്കുള സക്കായി കദമൊദ ഇ്റാഗി ബന്ത് പിര്യപിര്യാത്ത് ഏസ്സ്‌ന തങ്കാരിത്താന്.

ലൂക്കോസു 15:32

ആന ഈ നിന്ന് തമ്പി സത്ത് പോനവാന്‌ന പാസെ ആയിന്താന്. ആന അയാള് ഇന്നാല് ഉജുരോഡ കെ്ഡേത്ത്‌റ്‌ന്റാന്. ഇവാന് കയിബ്‌ട്ട് പോയിന്താന്. ഇന്നാല് കയിക്ക് കെ്ഡേത്ത്‌റ്‌ന്റാന്. അദ്‌നാലെ നമ്മ കണ്ടിപ്പായിമ് മദിമറാന്ത് പിര്യപൊങ്കുഡൊ> എന്റ് സൊന്നാന്.>>

ലൂക്കോസു 5:29

പ്‌റ ലേവി ഏസ്സ്‌ക്ക് ബേ്ണ്ടി തന്ന് ബീ്ഡ്‌ല് ദൊഡ്ഡ ഒന്റു 1ബിര്‌ന്തട്ടാന്. കന്ത്യ കെ്ട്ടുവ കാസ് പിരിക്ക്‌ന്റവാര്‌മ് ബേ്റെ ആള്‌ഗാള്‌മ് കൂഡി മൊത്തന ഒന്റു ജനകൂട്ട അവാരോഡൊപ്പ തീനി തിന്ന്യ കുക്കാന്തിന്താര്.

ഗലാത്ത്യഗാറാര് 5:22

ആന സാമിനിഗാല് സൊല്ലുക്കു കെ്ട്ട്‌പട്ട് നഡാക്ക്‌ന്റ്‌വാര് പളാക്കഗാള്: അവാര് സീവാനിര്‌ക്ക്‌ന്റവാര്‌മ്, പിര്യപിര്യാത്ത് ഇര്‌ക്ക്‌ന്റവാര്‌മ്, നിമ്മ്‌ദ്യോഡ ഇര്‌ക്ക്‌ന്റവാര്‌മ്, പൊറിമുള്ളവാര്‌മ്, ഗവപഡ്‌ന്റവാര്‌മ്, ഉവഗര ഗേന്റവാര്‌മ്, നമ്പ്യ മുഡിന്റവാര്‌മ്,

അപ്പോസുത്തലാര് 16:15

അത്തെ അവാള്‌മ് അവാള് ബീ്ഡ്‌ഗാറാര്‌മ് നീര്‌ക്ക് മുളുഗുനാര്. <<ആണ്ടവാന് ഏസ്സോഡ എനാക്ക് നേര്‌മായി നമ്പിക്കെ ഇര്‌ക്ക്‌ന്റ് എന്റ് നിമ്മ കണാക്കാക്കിന്താദാന സെറ്റെ ബീ്ഡ്‌ക്ക് ബന്ത് തങ്കുഡൊ>> എന്റ് സൊല്ലി അവാള് എമാന ബ്‌ളിത്ത് നത്ത്‌നാള്. അത്തെ എമ്മ അവാള് ബീ്ഡ്‌ക്ക് പോനേമ്.

അപ്പോസുത്തലാര് 16:35

ബെ്ഡിന്ത പ്‌റ <<അവാര്‌ന ബെ്ളിഗെ പോയ ബ്‌ഡ്‌ന്>> എന്റ് റോമ നാഡ് അദിഗാരിഗാള് പോലിസിഗാള്‌ക്ക് സൊല്ലി ബ്‌ട്ടാര്.