അപ്പോസുത്തലാര് 16:3 - സാമി സേദി

³ പവുലോസു അയാള്‌നാമ് തന്നോഡൊപ്പ കൂട്ടി പോഡൊ എന്റ് ആസെപട്ടാന്. തിമിത്തോസു അപ്പനച്ചാന് എവന നാഡ്‌ഗാറാന് എന്റ് അയി ദേസഗാള്‌ല് ഇര്‌ക്കുവ എഗുദാര്‌ക്ക് ഒട്ടുക്കു തെരിന്തിന്ത്‌ദ്. അദ്‌നാലെ പവുലോസു തിമിത്തോസുന പരിസേദനെ സാത്ത്‌റ ഗേസ്‌നാന്.

അപ്പോസുത്തലാര് 16:3 ပူးပေါင်းရင်းမြစ်များ

അപ്പോസുത്തലാര് 15:20

ആന അവാര്‌ക്ക് ഇത്തെ ഒന്റു എ്ള്‌ത്ത് എ്ള്‌ദി ബ്‌ഡ്‌ഡൊ. സെലെഗാള്‌ക്ക് മേല്‌സ ബെത്താദ്‌നാലെ അയിത്ത്യ ആന തീനിഗാള്‌ന തിന്ന ബേ്ഡ, ബേസ്യാഡ ബേ്ഡ, മുട്ടുമുട്ടുത്തു സത്ത ബേ്ണ്ട്‌ഗാള്ത്ത് സോരെ സൂസി തള്ളാത്താദ്‌നാലെ അയി ബേ്ണ്ട്‌ഗാള് കറിന തിന്ന ബേ്ഡ, ഏദ് ബേ്ണ്ട് സോരെനാമ് കുഡിക്ക ബേ്ഡ എന്റ് എ്ള്‌ദ്‌ന മദി.

അപ്പോസുത്തലാര് 15:37

ഓഗന്നാന് എന്നുവ മര്‌ക്കോസുനാമ് തമ്മോഡ കൂട്ടി പോയ ബറ്‌ണവാസ് ആസെപട്ടാന്.

അപ്പോസുത്തലാര് 15:40

പവുലോസു സീലാസ്‌ന തെരിന്തെ്ഡ്‌ത്ത് പോഗാട്ടി അയി ഏസ്സ്‌ഗാറാര് അവാര്‌ക്ക് ആണ്ടവാന് പാദ്‌ഗാപ്പ്‌മ് ഉദാവിമ് കെ്ഡേക്ക്യ ബേ്ണ്ടി സാമി കയിക്ക് അവാര്‌ന ഒപ്പുസുനാര്.

1 കൊരിന്ത്യഗാറാര് 7:19

ഒരുത്താന് പരിസേദനെ സാത്ത്‌റ ഗേന്താനൊ ഗേഗാദിന്താനൊ എന്നുവാദല്ല മുക്ക്യമാന കാര്യ, സാമി സട്ടപഡി നഡാക്കുവാദ്‌ത്തെ മുക്ക്യമാന കാര്യ.

1 കൊരിന്ത്യഗാറാര് 9:20

എഗുദാര്‌ന ക്‌റ്‌സ്‌ത്ത്‌ക്ക് കെ്ഡേസ്യ ബേ്ണ്ടി എഗുദാര് പട്ട്‌ല് നാന് എഗുദാര്‌ന പാസെ പെ്ളേത്തെ. മോസെ ബെത്ത സാമി സട്ടാക്ക് കെ്ട്ട്‌പട്ട് ഇര്‌ന്റവാര്‌ന ക്‌റ്‌സ്‌ത്ത്‌ക്ക് കെ്ഡേസ്യ ബേ്ണ്ടി നാന് അയി സട്ടാക്ക് കെ്ട്ട്‌പട്ട് ഇര്‌ന്റവാര്‌ന പാസെ പെ്ളേത്തെ.

ഗലാത്ത്യഗാറാര് 2:3

നാന് സൊന്ന ഈ കാര്യഗാള്‌ക്ക് അവാര് ഒത്തുപട്ടാര്. എന്നോഡിന്ത എവന നാഡ്‌ക്ക് പട്ട തീത്തോസുന പരിസേദനെ സാത്ത്‌റ ഗേസുഡൊ എന്റ് ഈ തലെവാര്‌ഗാള് നത്താലെ.

ഗലാത്ത്യഗാറാര് 2:8

എഗുദാര് പട്ട്‌ല് നല്ല സേദിന സൊല്ല്യ ബേ്ണ്ടി പത്ത്‌റോസുന അപ്പോസുത്തലാനായി ബിലപഡ്‌സ്‌ന സാമി എഗുദാരല്ലാത്ത ജാദിഗാള് പട്ട്‌ല് നല്ല സേദിന സൊല്ല്യ ബേ്ണ്ടി എനനാമ് അപ്പോസുത്തലാനായി ബിലപഡ്‌സ്‌നാന്.

ഗലാത്ത്യഗാറാര് 5:6

ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ പരിസേദനെ സാത്ത്‌റ ഗേവാദൊ ഗേഗാദിര്‌ക്കുവാദൊ അല്ല ദൊഡ്ഡ കാര്യ. ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ നമ്മ ബെത്ത് നഡാക്കുവ സീവാന്‌ത്തെ ദൊഡ്ഡ കാര്യ.

പിലിപ്പ്യഗാറാര് 2:22

ആന അയാള് നല്ല മനേസ്സ്‌ഗാറാനെന്റ് നിമാക്ക് തെരിമല്ല. ഒന്റു മഗാന് അപ്പാനോഡൊപ്പ ഗിലാസ ഗേവ പാസെ അയാള് എന്നോഡൊപ്പിന്ത് നല്ല സേദിന സൊല്ലിര്‌ക്ക്‌ന്റാന്.