നിമ്മ എനാന തെരിന്തെ്ഡ്‌ക്കാലെ, നാന്‌ത്തെ നിമാന തെരിന്തെ്ഡ്‌ത്ത്‌റ്‌ക്കുവാദ്. നിമ്മ പോയി കായി ബ്‌ഡ്യാമ് അയി ബ്‌ഡുവ കായി എന്നാല്‌ക്ക്‌മ് കൊട്ടാദിര്‌ക്ക്യാമ് ബേ്ണ്ടി നാന് നിമാന എ്ഡ്‌ത്ത് ബെത്ത്‌റ്‌ക്ക്‌ന്റെ. അന്നാപ്പ് നിമ്മ എന്ന് പേര്‌ല് അപ്പാന് സാമ്യോഡ കേ്ള്‌ക്കുവാദ്‌ന ഒട്ടുക്കുമു അയാള് നിമാക്ക് തരുവാന്.
അപ്പോസുത്തലാര് 15:7 - സാമി സേദി7 എഞ്ചോ ഗളിഗെ തറ്‌ക്ക്‌ന പ്‌റ പത്ത്‌റോസു ഇ്ളാഗി ഇത്തെ സൊന്നാന്. <<ഏസ്സ്‌ഗാറാരെ, എഗുദാര് അല്ലാത്ത ജാദിഗാള് നല്ല സേദിന കേ്ട്ട് നമ്പ്യ ബേ്ണ്ടി, അവാര്‌ക്ക് നല്ല സേദിന സൊല്ല്യ എന്നലോ താനെ സാമി എനാന നിമ്മ് പട്ട്‌ലിന്ത് തെരിന്തെ്ഡ്‌ത്താന്. അദ് നിമാക്കെല്ല തെരിമല്ല. အခန်းကိုကြည့်ပါ။ |
അപ്പോസുത്തലാര് 15:7
25 ပူးပေါင်းရင်းမြစ်များ
പവുലോസുമു, ബറ്‌ണവാസ്‌മ് ബണങ്കാദെ അവാരോഡ സെരിക്ക്‌മ് തറ്‌ക്ക്‌നാര്. അദ്‌നാലെ ഈ തറ്‌ക്ക്‌ന കാര്യന പറ്റി എര്‌സലേമ്‌ല അപ്പോസുത്തലാരോഡാമ് മൂപ്പനാമോഡാമ് കേ്ള്‌ക്കുഡൊ എന്റ് അവാര് നെനേത്താര്. അദ്‌ക്ക് ബേ്ണ്ടി പവുലോസുനാമ്, ബറ്‌ണവാസ്‌നാമ്, അന്തോക്ക്യാല് ഇര്‌ക്കുവ ലേസ ആള്‌ഗാള്‌നാമ് എര്‌സലേമ്‌ക്ക് ബ്‌ഡ്യ മുഡിവെ്ഡ്‌ത്താര്.
എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
കയിസര്യ എന്നുവ കഡാലോര പട്ടണാത്ത്‌ല ലേസ ഏസ്സ് സൊല്ലുപഡി നഡാക്ക്‌ന്റവാര് എമ്മോഡ എര്‌സലേമ്‌ക്ക് ബന്താര്. മുദാല് ഏസ്സ്‌ന നമ്പ്‌നവാര്‌ല് ഒന്റാള് ആയിന്ത മനാസോനു എന്നുവ ആള് ബീ്ഡ്‌ക്ക് അവാര് എമാന കൂട്ടി എ്ഡ്‌ത്ത് പോനാര്. അയാള് കുപ്പുറോസുഗാറാന് ആയിന്താന്. അയാള് പട്ട്‌ല്‌ത്തെ എമ്മ തങ്ക്യ എന്റ് നെനേത്ത് പോനാദ്.
ကြော်ငြာတွေ