അപ്പോസുത്തലാര് 15:5 - സാമി സേദി5 ആന പരിസാര് കച്ചിഗാറാര്‌ല് ലേസ ഏസ്സ്‌ഗാറാര് ഇ്ളാഗി ഇത്തെ സൊന്നാര്: <<ഇസ്‌റവേല്‌ഗാറാരെ, എഗുദാര് അല്ലാത്ത ജാദിഗാള്‌ന പരിസേദനെ സാത്ത്‌റ ഗേയാമ് മോസെ സട്ടപഡി നഡാക്ക്യാമ് സൊല്ലുഡൊ.>> အခန်းကိုကြည့်ပါ။ |
അപ്പോസുത്തലാര് 15:5
14 ပူးပေါင်းရင်းမြစ်များ
അദ്‌ന കേ്ള്‌ക്കാട്ടി അവാര്: <<സാമി എത്ത്‌റാഗോ ദൊഡ്ഡവാന്>> എന്റ് സൊന്നാര്. അദ്‌ക്ക് പ്‌റ അവാര് അയാള്‌ക്ക് ഇത്തെ സൊന്നാര്: <<അയ്യാ പവുലോസെ, എഞ്ചായിര എഗുദാര് ഏസ്സ്‌ന നമ്പിര്‌ന്റാര് എന്റ് നിനാക്ക് തെരിമ്. അവാര് ഒട്ടുക്കു മോസെ കൊഡുത്ത സട്ടഗാള്‌ന ഒന്റുനാമ് തെ്റിന്ത് തള്ളാദെ ഇന്നാല്‌മ് അദ്‌ന എ്ഡ്‌ത്ത് നഡാത്തി ബന്റാര്.
ആന ഒന്റു കാര്യ നേര് എന്റ് എനാക്ക് തെരിമ്: ഏസ്സ് സൊല്ലുപഡി നഡാക്കുവാദ്‌ന തപ്പെന്റ് അവാര് സൊല്ലുന്റാര്. ആന അത്തെ നഡാന്ത്‌ത്തെ നാന് എമ്മ് പാട്ടനാമ് സാമിന കുമ്മുഡി നഡാക്ക്‌ന്റെ. അദല്ലാദെ താനെ മോസെ എ്ള്‌ദിര്‌ക്കുവ സട്ടഗാള്‌നാമ് സാമിദാസ്‌ഗാള് ബൊക്കുലു എ്ള്‌ദിര്‌ക്കുവ കാര്യഗാള്‌നാമ് ഒട്ടുക്കുമു നാന് നമ്പ്‌ന്റെ.
ആന ഒന്റു ഗളിഗേല് പത്ത്‌റോസു അന്തോക്ക്യ പട്ടണാക്ക് ബന്തിന്താന്. അയി ഗളിഗേല് അയാള് ഗേന്ത ഒന്റു കുറ്റന കണ്ട് നാന് ആള്‌ഗാള് മുന്നുക്കു ബെത്ത് അയാള്‌ന നൊഡിന്തേന്. അയാള് അന്തോക്ക്യ പട്ടണാക്ക് ബന്ത്‌റ്‌ക്കാട്ടി ഏസ്സ്‌ന നമ്പിര്‌ക്കുവ എഗുദാരല്ലാത്ത ജാദിഗാളോഡ ഒന്റായിന്ത് തിന്റ്‌കുഡിത്ത് കൊണ്ടിന്താന്. ആന അയി ഗളിഗേല് ആക്കോവു സൊല്ലി ബ്‌ട്ട ലേസ എഗുദാര്‌ഗാള് അദ്‌ക്ക് ബര്‌ഗാട്ടി പത്ത്‌റോസു ഏസ്സ്‌ന നമ്പിര്‌ക്കുവ എഗുദാരല്ലാത്ത ബേ്റെ ജാദിഗാള് പട്ട്‌ക്ക് അണ്ടാദേമ് തീനി തിന്നാദേമ് ഇന്താന്. എന്ത്‌ക്കെന്റ് സൊന്ന അയാള് പരിസേദനെ സാത്ത്‌റ ഗേവ എഗുദാര്‌ഗാള്‌ന അഞ്ചിന്താന്.
അവാര് നേര്‌മാന നല്ല സേദിക്ക് എ്ണേന്ത ദിന്‌സ്‌ല് നഡാക്കുവാദില്ലെന്റ് കാണ്‌ഗാട്ടി എല്ലാര് മുന്നുക്കു ബെത്ത് പത്ത്‌റോസുന നൊഡിന്ത്‌കൊണ്ടു നാന് ഇത്തെ സൊന്നെ: <<നീ എഗുദ ജാദിക്ക് പട്ടവാനായിന്ത് ഗുഡി എഗുദാര് സട്ട്‌മെ്ട്ട്‌പഡിക്ക് പെ്ളേക്കാദെ ബേ്റെ എഗുദാരല്ലാത്ത ജാദിഗാളോഡ എ്ണേന്ത് നഡാന്തായല്ല. അത്തെ നഡാക്കുവ നീ എഗുദാരല്ലാത്ത ബേ്റെ ജാദിഗാള്‌ന എഗുദാര്‌ന പാസെ പെ്ളേക്ക്യ നത്തുവാദ് എന്ത്‌ക്ക്?>>
ကြော်ငြာတွေ