അപ്പോസുത്തലാര് 15:10 - സാമി സേദി

¹⁰ അദ്‌നാലെ നമ്മ് പാട്ടനാമ്‌ക്കൊ, നമാക്കൊ ഗേയ മുഡ്യാത്ത കാര്യന ഏസ്സ്‌ഗാറാര് ഗേഡൊ എന്റ് നിമ്മ ആസെപഡ്‌ന്റ്‌റ്. ഇത്തെ ആസെപട്ട് സാമിന സോദണെ ഗേവാദ് എന്ത്‌ക്ക്?

അപ്പോസുത്തലാര് 15:10 ပူးပေါင်းရင်းမြစ်များ

മത്തായി 23:4

ആള്‌ഗാള്‌ക്ക് ബുദ്ദിമുട്ടു മാഡുവ കഡ്‌പ്പമാന സട്ടഗാള് അവാര് ബെത്ത് അദേ സട്ടപഡി നഡാക്ക്യ ആള്‌ഗാള്‌ന നത്ത്‌ന്റാര്. ആന അവാര് ബെക്കുവ സട്ടഗാള് പഡി നഡാക്ക്യ ആള്‌ഗാള്‌ക്ക് ഒന്റു ഉദാവിമ് ഗേയ അവാര്‌ക്ക് മനേസ്സില്ലെ.

മത്തായി 4:7

അദുക്കുള ഏസ്സ്: << <നിന്ന് സാമി ആയിര്‌ക്കുവ ആണ്ടവാന്‌ന സോദണെ ഗേഗബേ്ഡ> എന്റ്‌മ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്>> എന്റ് സൊന്നാന്.

അപ്പോസുത്തലാര് 5:9

അദുക്കുള പത്ത്‌റോസു: <<സാമിനിഗാല്‌ന സോദണെ ഗേയ നീയിമ് നിന്ന് ആളാന്‌മ് മുഡിവു എ്ഡ്‌ത്താദ് എന്ത്‌ക്ക്? ഈങ്ക് നോഡു നിന്ന് ആളാന്‌ന പാത്ത്‌നവാര് ബാസാക്ക് അര്‌ഗെ ഇന്നാല് എജ്ജിര്‌ന്റാര്, അദേപാസെ അവാര് നിനാന ഗുഡി ബെ്ളിഗെ എ്ഡ്‌ത്ത് പോവാര്!>> എന്റ് സൊന്നാന്.

ഗലാത്ത്യഗാറാര് 4:9

ആന ഇന്നാല് നിമാക്ക് സാമിന തെരിന്ത്‌റ്‌ക്ക്‌ന്റ്, അല്ല സാമിക്ക് നിമാനാമ് തെരിമ്. എന്റിന്ത് ഗുഡി ഒന്റുക്കുമു ഉവഗരപഡാദേമ് ഒന്റുമു ഗേയ മുഡ്യാദേമ് ഇര്‌ക്കുവ ഈ ഉലഗാത്ത്‌ല ഒന്റൊന്റു സട്ട്‌മെ്ട്ട്‌ഗാള്‌ന ഗേന്ത് പിന്നേമ് അദ്‌ക്ക് അഡിമെഗാളായ ആസെപഡുവാദ് എന്ത്‌ക്ക്?

ഗലാത്ത്യഗാറാര് 5:1

അഡിമെഗാളാഗാദെ പെ്ളേക്ക്യത്തെ ക്‌റ്‌സ്‌ത്ത് നമാന ബ്‌ഡ്‌സ്‌നാദ്. പിന്നേമ് നിമ്മ മോസെ ബെത്ത സാമി സട്ടാക്ക് അഡിമെഗാളാഗാദെ ഒറേത്ത് നില്ല്‌ന്.

എവുറായാര് 3:9

അദ്‌ല് ബെത്ത് നിമ്മ് പാട്ടനാമ് എനാന സോദണെ ഗേന്താര്, നാപ്പദ് ബര്‌സ്സ നാന് ഗേന്താദ്‌ന കണ്ട് ഗുഡി അവാര് എനാന സോദിത്താര്.

എവുറായാര് 9:9

ഗുഡുസുലുല മുദാല് ബാഗ ഇന്നാല്‌ല കാലാത്ത്‌ല് ഒന്റൊന്റുന പഡിസി തന്റ്. സാമിക്ക് നേര്‌സെഗാള് കൊഡുക്കുവാദ്‌നാലേമ് ബേ്ണ്ട്‌ഗാള്‌ന പലി കൊഡുക്കുവാദ്‌നാലേമ് തമ്മ് പാവഗാള്‌ക്ക് ഒന്റേപെ്ട്ട് പൊറിമെ കെ്ഡേത്ത്‌റ്‌ന്റ് എന്റ് ആള്‌ഗാള് മനേസ്സ്‌ല് ഒറേപ്പ് കെ്ഡേക്കുവാദില്ലെ എന്റ്‌ത്തെ അദ്.