അപ്പോസുത്തലാര് 14:3 - സാമി സേദി3 എന്റിന്ത് ഗുഡി പവുലോസുമു ബറ്‌ണവാസ്‌മ് ആണ്ടവാന്‌ന പറ്റി ദയിരത്തോഡ നായ സൊല്ലികൊണ്ടു എഞ്ചോ കാല അദ്‌ല് താനെ ഇന്താര്. ആണ്ടവാന് അവാര്‌ക്ക് അദിസ്യഗാള്‌മ് അഡ്യാളഗാള്‌മ് ഗേവാദ്‌ക്കുള്ള സക്‌തി കൊഡുത്താന്. അത്തെ സാമി തനാക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ തന്ന് സേദിന സത്ത്യ എന്റ് കാട്ട്‌നാന്. အခန်းကိုကြည့်ပါ။ |
അപ്പോസുത്തലാര് 14:3
17 ပူးပေါင်းရင်းမြစ်များ
ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.
എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.
ကြော်ငြာတွေ