12 അവാര് ബറ്ണവാസ്ന സീയോസ് എന്റ്മ് പവുലോസു ദൊഡ്ഡ നായഗാറാന് ആയിന്താദ്നാലെ അയാള്ന എര്മോസ് എന്റ്മ് സൊന്നാര്.
കഡേഗല പട്ടണ തലെവാന് ആള്കൂട്ടാന സപ്പാന മാഡികൊണ്ടു ഇത്തെ സൊന്നാന്, <<എപസോസുലവാരെ, എപസോസു പട്ടണത്തെ ദൊഡ്ഡ അറ്ത്തമിസമ്മ കോയാല്നാമ്, മേലോഗാത്ത്ലിന്ത് അഡി അലേന്ത സുത്താപ്പോഡ ഇര്ക്കുവ അയി കല്ല്നാമ് കാക്കുവാദ് എന്റ് ആള്ഗാള്ക്ക് ഒട്ടുക്കുമു തെരിമല്ല?
പവുലോസു ഗേന്താദ്ന കാണ്ഗാട്ടി <<സാമിഗാള് മന്സാര്ഗാള്ന പാസെ നമ്മ് പട്ട്ക്ക് ഇ്റാഗി ബന്ത്റ്ന്റാര്>> എന്റ് ജനഗാള് ലുക്കവോന്യ നായാത്ത്ല് ദൊഡ്ഡാദ്ക്ക് സൊന്നാര്.
അയി പട്ടണാക്ക് മുന്നുസാരി ഒന്റു സീയോസു സാമി കോയാല് ഇന്ത്ദ്. അദ്ല പൂസാരി ഓരി മാഡ്ഗാള്നാമ് പൂമാലെഗാള്നാമ് പട്ടണ ബാസ പട്ട്ക്ക് എ്ഡ്ത്തന്താന്. എന്ത്ക്കെന്റ് സൊന്ന അയാള്മ് ആള്ഗാള്മ് അപ്പോസുത്തലാര്ക്ക് പലി കൊഡുക്ക്യ ആസെപട്ടിന്താര്.