അപ്പോസുത്തലാര് 13:5 - സാമി സേദി

⁵ അവാര് സലാമീസ് പട്ടണാക്ക് എജ്ജ്‌ഗാട്ടി എഗുദാര് പരേസുവ ബീ്ഡ്‌ക്ക്‌റാഗ പോയി സാമി സൊല്ലുസുലാക്കാന സൊന്നാര്. ഓഗന്നാന് എന്നുവ മര്‌ക്കോസു അവാര്‌ക്കൊപ്പ കയിതാങ്ക്യ ഇന്താന്.

അപ്പോസുത്തലാര് 13:5 ပူးပေါင်းရင်းမြစ်များ

മത്തായി 20:26

ആന നിമ്മ അവാര്‌ന പാസെ ആയ പാങ്കില്ലെ. നിമാക്ക് ആര്‌ക്കാറ്റ ദൊഡ്ഡവാനായ ആസെ ഇന്തദാന അയാള് എല്ലാര്‌ക്ക്‌മ് ഗിലാസഗാറാന് ആയിര്‌ക്കുഡൊ.

അപ്പോസുത്തലാര് 12:12

പത്ത്‌റോസുക്കു ഇദ് തെരിന്ത പ്‌റ അയാള് മര്‌ക്കോസു എന്റ് സൊല്ലുവ ഓഗന്നാന് അവ്വേസി മറിയ ബീ്ഡ്‌ക്ക് പോനാന്. അദ്‌ല് മൊത്തന ആള്‌ഗാള് ഒന്റായിന്ത് പരേസി കൊണ്ടിന്താര്.

അപ്പോസുത്തലാര് 12:25

ബറ്‌ണവാസ്‌മ് സവുലുമു തമാക്ക് ഗേയ ഇന്ത ഗിലാസാന ഗേന്ത് തീത്ത പ്‌റ മര്‌ക്കോസു എന്റ് സൊല്ലുവ ഓഗന്നാന്‌ന കൂട്ടി എ്ഡ്‌ത്ത് എര്‌സലേമ്‌ല് ഇന്ത് തിരിഗി പോനാര്.

അപ്പോസുത്തലാര് 13:14

അവാര് പെ്റ്‌ഗ എന്നുവ പട്ടണാത്ത്‌ലിന്ത് പിസിദ്യ എന്നുവ നാഡ്‌ല് ഇര്‌ക്കുവ അന്തോക്ക്യ പട്ടണാക്ക് എജ്ജ്‌നാര്. ഒയിവു നാള് അവാര് അദ്‌ല എഗുദാര് പരേസുവ ബീ്ഡ്‌കുളാക്ക് പോയി കുക്കാന്താര്.

അപ്പോസുത്തലാര് 13:46

ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.

അപ്പോസുത്തലാര് 14:1

പവുലോസുമു ബറ്‌ണവാസ്‌മ് ഇക്കോന്യ പട്ടണാക്ക് പോനാര്. അദ്‌ക്ക് പ്‌റ ഒപ്പ ഗേവ പാസെ അവാര് അദ്‌ലിന്ത എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ക്ക് നായ സൊന്നാര്. അത്തെ അവാര് നലമായി നായ സൊന്നാദ്‌നാലെ അദ്‌ല്‌മ് എഞ്ചോ എഗുദാര്‌മ്, എഞ്ചോ എഗുദാര് അല്ലാത്ത ജാദിഗാള്‌മ് ഏസ്സ്‌ന നമ്പ്‌നാര്.

അപ്പോസുത്തലാര് 15:37

ഓഗന്നാന് എന്നുവ മര്‌ക്കോസുനാമ് തമ്മോഡ കൂട്ടി പോയ ബറ്‌ണവാസ് ആസെപട്ടാന്.

അപ്പോസുത്തലാര് 17:17

അദ്‌നാലെ എഗുദാര് പരേസുവ ബീ്ഡ്‌ല് ബെത്ത് എഗുദാരോഡാമ്, സാമിന കുമ്മുഡി നഡാന്തിന്ത എഗുദാരല്ലാത്ത ജാദിഗാളോഡാമ് പവുലോസു നായ നൊഡിന്താന്. അദേപാസെ സന്തേക്ക്‌റാഗ ബന്ത് പോന്റവാര്‌ല് പവുലോസു സൊല്ലുവാദ്‌ന കേ്ള്‌ക്ക്‌ന്റവാരോഡാമ് പവുലോസു നാള്‌ക്ക്‌മ് നായ നൊഡിന്താന്.

അപ്പോസുത്തലാര് 18:4

ആന ഒയിവു നാളൊട്ടുക്കു അയാള് എഗുദാര് പരേസുവ ബീ്ഡ്‌ക്ക് പോയി എഗുദാരോഡാമ് എവനഗാറാരോഡാമ് ബാദിത്ത് കൊണ്ടു അവാര് ഏസ്സ്‌ന നമ്പ്യ ബേ്ണ്ടി ഓരാഡികൊണ്ടിന്താന്.

അപ്പോസുത്തലാര് 19:22

തന്ന് തൊണെഗാറാര് തിമിത്തോസുനാമ്, എരസ്‌തോസുനാമ് മക്കെദോന്യ നാഡ്‌ക്ക് സൊല്ലി ബ്‌ട്ട പ്‌റ പവുലോസു ആസ്യ നാഡ്‌ല് താനെ ലേസ കാല ഇന്താന്.

അപ്പോസുത്തലാര് 19:29

അത്തെ അയി കലമ്പാല് പട്ടണാക്ക് ഒട്ടുക്കു പജാന്ത്‌ദ്. ജനകൂട്ട ഒന്റായി പവുലോസോഡ നഡാന്തിന്ത ഗായോസുനാമ്, അരിസ്‌ത്തറ്‌ഗോസുനാമ് പ്‌ഡിത്താര്. അവാര് റാഡാള്‌മ് മക്കെദോന്യഗാറാര് ആയിന്താര്. പ്‌റസാരി കലമ്പാല് മാഡ്‌നവാര് അവാര്‌ന ഉന്ത്യെ്ഡ്‌ത്ത് കൊണ്ടു പട്ടണാത്ത്‌ല് ആള്‌ഗാള് കൂട്ട കൂഡുവ പട്ട്‌ക്ക് ഓഡി പോനാര്.

അപ്പോസുത്തലാര് 19:8

പവുലോസു എഗുദാര് പരേസുവ ബീ്ഡ്‌ക്ക്‌റാഗ പോയി മൂറു മാസ കാല ദയിരത്തോഡ ആള്‌ഗാള്‌ക്ക് നായ സൊന്നാന്. സാമി ആള്യ പോവ കാലന പറ്റി അവാര്‌ക്ക് തെരിവ മാട്ട്‌ക്ക് അയാള് അവാരോഡ തറ്‌ക്ക്‌നാന്.

അപ്പോസുത്തലാര് 9:20

അദ്‌ക്ക് പ്‌റ അയാള് ഏസ്സ്‌ത്തെ സാമിമഗാന് എന്റ് എഗുദാര് പരേസുവ ബീ്ഡ്‌ക്ക്‌റാഗ പോയി സൊല്ല്യ പ്‌ഡിത്താന്.

കൊലേസ്യഗാറാര് 4:10

ഈങ്ക് എന്നോഡൊപ്പ ജെയില്‌ല് ഇര്‌ക്കുവ അരിസ്‌ത്തറ്‌ഗോസുമു മര്‌ക്കോസുമു നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാര്. ബറ്‌ണവാസ്‌ക്ക് സൊന്തഗാറാനാന ഈ മര്‌ക്കോസു നിമ്മ് പട്ട്‌ക്ക് ബര്‌ഗാട്ടി നിമ്മ അയാള്‌ന സൊക്കാന നോഡുഡൊ. അയാള്‌ക്ക് എന്തെന്തെല്ല ഗേന്ത് കൊഡുക്കുഡൊ എന്റ് നാന് മുന്നുക്കു താനെ നിമാക്ക് സൊല്ലിര്‌ക്ക്‌ന്റേനല്ല.

2 തിമിത്തോസു 4:11

ആന ഇന്നാല്‌മ് എന്നോഡ ഇര്‌ക്കുവാദ് ലൂക്കോസുത്തെ. അദ്‌നാലെ നാന് ഗേവ ഗിലാസാല് എനാന കയിതാങ്ക്യ മര്‌ക്കോസുനാമ് നീ ബര്‌ഗാട്ടി കൂട്ടി ബരുഡൊ.