അപ്പോസുത്തലാര് 13:27 - സാമി സേദി

²⁷ എര്‌സലേമ്‌ഗാറാര്‌ക്ക്‌മ് അവാര് തലെവാര്‌ഗാള്‌ക്ക്‌മ് ഏസ്സ് കാപാറ്റ്‌ന്റവാന് എന്റ് തെര്യാലെ. അദേപാസെ എല്ലാ ഒയിവു നാള്‌ല്‌മ് ഇദ്‌ന പറ്റി സൊല്ലിര്‌ക്കുവ സാമിദാസ്‌ഗാള് സൊല്ലു സുലാക്കഗാള്‌ന പഡിത്തിന്ത് ഗുഡി അദ്‌ക്ക് ഇര്‌ക്കുവ അര്‌ത്ത എന്തെന്റ് അവാര്‌ക്ക് പുരുപ്പാഗാലെ. എന്റാല്‌മ് അവാര് ഏസ്സ്‌ന ദെ്ണ്ടണേക്ക് ബിദിത്ത് അയി സാമിദാസ്‌ഗാള് സൊന്നാദ്‌ന നേരെന്റ് കാട്ട്‌നാര്.

അപ്പോസുത്തലാര് 13:27 ပူးပေါင်းရင်းမြစ်များ

അപ്പോസുത്തലാര് 3:17

അണ്ണനാമെ തമ്പ്യാമെ, നിമാക്ക്‌മ് നിമ്മ് തലെവാര്‌ഗാള്‌ക്ക്‌മ് എന്ത് ഗേഡൊ എന്റ് തെര്യാദെ ഇന്താദ്‌നാലെത്തെ ഏസ്സ്‌ന ഇത്തെല്ല ഗേന്താദെന്റ് എനാക്ക് തെരിമ്.

റോമഗാറാര് 11:25

ഏസ്സ്‌ഗാറാരെ, നിമ്മ ബുദ്ദിസാലിഗാളെന്റ് നിമാന പറ്റി നെനേക്കാദിര്‌ക്ക്യ ഈ കാര്യന തെര്യാദെ ഇര്‌ക്കദേന് എന്റ് നാന് ആസെപഡ്‌ന്റെ. എഗുദാരല്ലാത്ത ജാദിഗാള്‌ലിന്ത് സാമിസാരി ബന്റവാര് കണാക്ക് തെഗേഗ മാട്ട്‌ക്ക് ഇസ്‌റവേല്‌ഗാറാര്‌ല് ലേസ ആള്‌ഗാള് മരനെഞ്ച്‌ഗാറാര് ആയിര്‌ക്ക്‌ന്റാര്.

അപ്പോസുത്തലാര് 15:21

എന്ത്‌ക്കെന്റ് സൊന്ന മുന്തെല കാലാത്ത്‌ലിന്തേ എല്ലാ ഒയിവു നാള്‌ല്‌മ് എഗുദാര് പരേസുവ ബീ്ഡ്‌ല് മോസെ സട്ടഗാള്‌ന പഡിത്ത് കാട്ടിന്താര്. അദ്‌താനെ അല്ല എല്ലാ പട്ടണഗാള്‌ക്ക്‌റാഗാമ് ഇദ്‌ന പഡിസിന്താര്.>>

ലൂക്കോസു 24:20

നമ്മ് പൂസാരി തലെവാര്‌ഗാള്‌മ് എഗുദാര് തലെവാര്‌ഗാള്‌മ് കൊല്ല്യ ബേ്ണ്ടി ബിദിക്ക്യ അയാള്‌ന ബ്‌ട്ട് കൊഡുത്താര്. അത്തെ അയാള്‌ന കുരുസുക്കു സേത്തി ആണി അഡിത്താര്.

2 കൊരിന്ത്യഗാറാര് 4:4

ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.

2 കൊരിന്ത്യഗാറാര് 3:14

ഇദ്‌ന തെര്യാത്ത ഇസ്‌റവേല്‌ഗാറാര് നെഞ്ച് മര നെഞ്ച് ആയി തള്ള്‌ട്ട്. അവാര് പള്യ ഒപ്പന്തന പഡിക്കാട്ടി മോസെ മോന്തെന മറേസിന്ത പാസെ അവാര് മനേസ്സ് സത്ത്യന നെപ്പ്‌കെ്ഡേസാദെ മറേന്ത്‌റ്‌ക്ക്‌ന്റ്. ആന ക്‌റ്‌സ്‌ത്ത്‌ന നമ്പ്‌ഗാട്ടി ഈ മറെ ജറേന്ത് പോന്റു.

1 കൊരിന്ത്യഗാറാര് 2:8

ഈ ഉലഗാന ആള്‌ന്റവാര്‌ക്ക് ഈ അറുവുമ് ബുദ്ദിമ് ഉള്ള നായന നെപ്പ്കെ്ഡേക്കാലെ. ഈ നായന നെപ്പ്കെ്ഡേസിന്തദാന മദ്‌പ്പുള്ള ആണ്ടവാന്‌ന അവാര് കുരുസുലു കൊന്റ്‌റ്‌ക്കമാട്ടാര്.

അപ്പോസുത്തലാര് 28:23

അവാര് പവുലോസോഡ നായനൊഡ്യ ഒന്റു നാള് സൊല്ലി ബെത്താര്. അത്തെ അയി നാള് മൊത്തന എഗുദാര്‌ഗാള് പവുലോസു ഇര്‌ക്കുവ പട്ട്‌ക്ക് ബന്താര്. റാവെതാനിന്ത് സന്ത്യോഡ മാട്ട്‌ക്ക് സാമി ആള്യ പോവ കാലന പറ്റി അവാര്‌ക്ക് സൊക്കാന സൊല്ലി കൊഡുത്താന്. മോസെ സട്ടാത്ത്‌ല്‌മ് സാമിദാസ്‌ഗാള് എ്ള്‌ദി ബെത്ത്‌റ്‌ക്കുവ ബൊക്കുലുമു സൊല്ലിര്‌ക്കുവ കാര്യഗാള്‌ന സൊല്ലി കൊഡുത്തു കൊണ്ടു ഏസ്സ് ആര് എന്റ് അവാര്‌ക്ക് തെ്ള്‌വു മാഡി കൊഡുത്താന്.

ഓഗന്നാന് 15:21

എന്റാല്‌മ് എനാന സൊല്ലി ബ്‌ട്ടവാന്‌ന അവാര്‌ക്ക് തെര്യാത്താദ്‌നാലേമ് നിമ്മ എന്ന് ആള്‌ഗാള് ആനാദ്‌നാലേമ് ഇദൊട്ടുക്കു നിമാക്ക്‌മ് അവാര് ഗേവാര്.

1 തിമിത്തോസു 1:13

നാന് ഏസ്സ്‌ന നമ്പാത്താദ്‌ക്ക് മുദാല് ക്‌റ്‌സ്‌ത്ത് ഏസ്സ്‌ന കുറ്റ സൊല്ലികൊണ്ടുമു, ഏസ്സ്‌ന നമ്പി നഡാക്ക്‌ന്റവാര്‌ന കൊഡിമെ പഡിസികൊണ്ടുമു, അട്ടുളി ഗേന്ത് കൊണ്ടുമു ഇന്തേന്. ആന ഇത്തെ ഗേവാദെല്ല തപ്പ് എന്റ് തെര്യാത്താദ്‌നാലേമ് ഏസ്സ്‌ന നമ്പാത്ത മുദാല് ഗേന്താദ്‌നാലേമ് സാമിക്ക് എനാന ബേ്റ്‌വെന്ത്‌ദ്.

ഓഗന്നാന് 16:3

എനാനഗൊ, എന്ന് അപ്പാന് സാമിനഗൊ അവാര്‌ക്ക് തെര്യാത്താദ്‌നാലെ അവാര് നിമാന ഇത്തെല്ല ഗേവാര്.

ഓഗന്നാന് 8:28

അദ്‌നാലെ ഏസ്സ് പിന്നേമ്: <<നിമ്മ മന്‌സാനായി പ്‌റാന്തവാന്‌ന ഉജാത്ത്‌ന പ്‌റ നാന് ആരെന്റ് സൊന്നേനൊ അദേ ആള്‌ത്തെ നാന് എന്റ് നിമാക്ക് തെരിമ്. നാന് എന്ന് അദിഗരാത്ത്‌ല് ഒന്റുമു ഗേഗാദെ എന്നപ്പാന് സാമി എനാക്ക് പഡ്‌സ്‌നാദ്‌നാത്തെ നാന് സൊന്റേനെന്റ്‌മ് നിമാക്ക് തെരിമ്.

ലൂക്കോസു 22:34

അദുക്കുള ഏസ്സ് പത്ത്‌റോസുക്കു: <<ഇന്റ് കോയി ജാമാക്ക് കോയി കൂഗാത്ത മുദാല് എനാന തെര്യാഗേ തെര്യ എന്റ് നീ മൂറു ജമ്പ് സൊല്ലുവായി എന്റ് നാന് നിനാക്ക് സൊന്റെ>> എന്റ് സൊന്നാന്.

മത്തായി 22:29

അദുക്കുള ഏസ്സ്: <<സാമി ബൊക്കുലു എ്ള്‌ദിര്‌ക്കുവാദ്‌നാമ് സാമിക്ക് എല്ലാമ് ഗേയ മുഡിമ് എന്റ്‌മ് നിമാക്ക് തെര്യാത്താദ്‌നാലെത്തെ നിമാക്ക് തപ്പ് ബന്ത്‌റ്‌ക്കുവാദ്.

ലൂക്കോസു 23:13

പീലത്തോസു എഗുദാര് പൂസാരി തലെവാര്‌ഗാള്‌നാമ്, എഗുദാര് തലെവാര്‌ഗാള്‌നാമ്, ആള്‌ഗാള്‌നാമ് ബ്‌ളിത്ത് ബരിസ്സി

ഓഗന്നാന് 5:39

സാമി സൊല്ലുസുലാക്കന നിമ്മ സൊക്കാന പഡിത്ത് നോഡുന്റുറു. എന്ത്‌ക്കെന്റ് സൊന്ന അദ് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്റ് എന്റ് നിമ്മ നെനേക്ക്‌ന്റ്‌റ്. ഈ സാമി സൊല്ലുസുലാക്ക നാന് ആരെന്റ് എനാന പറ്റി സൊല്ലി തന്റ്.