അപ്പോസുത്തലാര് 13:12 - സാമി സേദി

¹² ഇദ്‌ന കണ്ട് അയി അദിഗാരി ഏസ്സ്‌ന നമ്പ്‌നാന്. ആണ്ടവാന്‌ന പറ്റി പഡ്‌സ്‌നാദ്‌ന ദൊഡ്ഡാദ്‌ക്ക് അദിസ്യാമ് പട്ടാന്.

അപ്പോസുത്തലാര് 13:12 ပူးပေါင်းရင်းမြစ်များ

മത്തായി 27:54

നൂറു പട്ടളഗാറാര് തലെവാന്‌മ് അയാളോഡൊപ്പ ഏസ്സ്‌ക്ക് കാവ ഇന്തവാര്‌മ് ബൂമി അദ്‌റ്‌ന്താദ്‌നാമ് അദ്‌ല് നഡാന്ത കാര്യഗാള്‌നാമ് ഒട്ടുക്കു കണ്ട് സെരിക്ക്‌മ് അഞ്ചിക്കെപട്ട്: <<നേര്‌മായിമ് ഇയാള് സാമിമഗാന് ആയിന്താന്>> എന്റ് സൊന്നാര്.

ലൂക്കോസു 4:22

അദ്‌ലിന്തവാര് ഒട്ടുക്കു അയാള്‌ന ഉജാത്തി സൊല്ലികൊണ്ടു അയാള് സൊന്ന അരിമ്യാന നായഗാള്‌ന കേ്ട്ട് അദിസ്യപട്ടാര്. <<ഇയാള് ഓസേപ് മഗാനല്ല?>> എന്റ് അവാര് സൊന്നാര്.

ലൂക്കോസു 7:16

അദുക്കുള അവാര്‌ക്കൊട്ടുക്കു ഇദ്‌ന കണ്ട് അഞ്ചിക്കെ പ്‌ഡിത്ത് സാമി ദൊഡ്ഡവാന്‌ത്തെന്റ് സൊന്നാര്. <<ഒന്റു ദൊഡ്ഡ സാമിദാസ് നമ്മ് പട്ട്‌ക്ക് ബന്ത്‌റ്‌ന്റാന്. സാമി തന്ന് ജനഗാള്‌ന കാപാറ്റ്യ ബേ്ണ്ടി ബന്ത്‌റ്‌ന്റാന്>> എന്റ്‌മ് അവാര് സൊന്നാര്.

ഓഗന്നാന് 7:46

അദുക്കുള അയി കാവ കാക്കുവ പട്ടളഗാറാര്: <<അയാള് നായനൊഡിവ പാസെ ഇന്നാവരിദി ആര്‌മ് നായനൊഡ്യാലെ>> എന്റ് സൊന്നാര്.

അപ്പോസുത്തലാര് 13:48

എഗുദാര് അല്ലാത്ത ജാദിഗാള് ഇദ്‌ന കേ്ട്ട് പിര്യപട്ട് ആണ്ടവാന് സേദി സെരിക്ക്‌മ് നല്ലാദ്‌ത്തെ എന്റ് സാമിന ബാര്‌ദിക്ക്‌നാര്. എന്നാല്‌ക്ക്‌മ് ഇര്‌ക്കുവ ഉജുരു കെ്ഡേക്ക്യ തെരിന്തെ്ഡ്‌ത്ത ആള്‌ഗാള് ഏസ്സ്‌ന നമ്പ്‌നാര്.

അപ്പോസുത്തലാര് 13:49

അത്തെ ആണ്ടവാന് സൊല്ലുസുലാക്കാന അയി നാഡ്‌ല് മൊത്തു മൊത്ത ആള്‌ഗാള് കേ്ട്ട്‌കൊണ്ടിന്താര്.

അപ്പോസുത്തലാര് 13:7

അയാള് സെ്റ്‌ഗിയോസു പവുലോസുക്കു എ്ണേവുഗാറാന് ആയിന്താന്. നല്ല ബുദ്ദിസാലി ആയിന്ത ഈ സെ്റ്‌ഗിയോസു പവുലോസു അയി കുപ്പുറോസുല നാഡ്‌ഗാള്‌ക്ക് അദിഗാരി ആയിന്താന്. അയാള് സാമി സൊല്ലുസുലാക്കാന കേ്ള്‌ക്ക്യ ബേ്ണ്ടി ബറ്‌ണവാസ്‌നാമ്, സവുലുനാമ് തന്ന് പട്ട്‌ക്ക് ബ്‌ളിത്ത് ബര്‌സ്സ്‌നാന്.

അപ്പോസുത്തലാര് 13:8

ആന മന്ത്‌റവാദി ഏലിമാസ് (എവന നായാത്ത്‌ല് ബറ്ഏസ്സ്‌ന ഏലിമാസ് എന്റ്‌ത്തെ ബ്‌ളിത്തിന്താദ്) സാമി സൊല്ലുസുലാക്കാന സൊല്ല്യ അവാര്‌ന ബ്‌ഡാലെ. അയി അദിഗാരി ഏസ്സ്‌ന നമ്പാദിരിക്ക്യ ബേ്ണ്ടിമ് ബറ് ഏസ്സ് ഓരാഡ്‌നാന്.

അപ്പോസുത്തലാര് 15:35

പവുലോസുമ്, ബറ്‌ണവാസ്‌മ് ഒന്റരെ മാസ അന്തോക്ക്യാല് താനെ ഇന്താര്. അവാര് അദ്‌ലിര്‌ക്കുവ ബേ്റെ എഞ്ചോ ആള്‌ഗാളോഡൊപ്പ ആണ്ടവാന് സൊല്ലുസുലാക്കാന സൊല്ലികൊണ്ട്‌മ്, പഡിസികൊണ്ടുമു ഇന്താര്.

അപ്പോസുത്തലാര് 15:36

ഒന്റുറാഡ് മാസ കളിന്ത പ്‌റ പവുലോസു ബറ്‌ണവാസ്‌ക്ക്: <<നമ്മ ആണ്ടവാന് സൊല്ലുസുലാക്കഗാള്‌ന സൊന്ന പട്ടണഗാള്‌ക്ക്‌റാഗ പിന്നേമ് പോഗ, അദ്‌ല ഏസ്സ്‌ഗാറാര് എത്തെ ഇര്‌ന്റാര് എന്റ് നോഡുഗ>> എന്റ് സൊന്നാന്.

അപ്പോസുത്തലാര് 18:12

ഗല്ല്യോനു അഗായ ദേസാക്ക് അദിഗാരി ആയി ആണ്ടിന്താന്. അയി ഗളിഗേല് എഗുദാര് ഒന്റായി എ്ണേന്ത് പവുലോസുന പ്‌ഡിത്ത് റോമ കോഡിദിക്ക് എ്ഡ്‌ത്ത് പോനാര്.

അപ്പോസുത്തലാര് 19:10

ഇത്തെ റാഡ് ബര്‌സ്സ ഗേന്തിന്താദ്‌നാലെ ആസ്യ നാഡ്‌ലിന്ത എഗുദാര് ഒട്ടുക്കുമു എഗുദാര് അല്ലാത്ത ജാദിഗാള് ഒട്ടുക്കുമു ആണ്ടവാന് സൊല്ലുസുലാക്കാന കേ്ട്ടാര്.

അപ്പോസുത്തലാര് 19:20

ഇത്തെ ആണ്ടവാന് സൊല്ലുസുലാക്കാന മൊത്തു മൊത്ത ആള്‌ഗാള്‌മ് കേ്ട്ടാര്, മൊത്തു മൊത്ത ആള്‌ഗാള്‌മ് നമ്പ്‌നാര്.

അപ്പോസുത്തലാര് 19:38

ആന ദെമോത്തിര്യോസുക്കുമു അയാള് ഗിലാസഗാറാര്‌ക്ക്‌മ് ആര്‌നാറ്റ പറ്റി സാഡി സൊല്ല്യ ഇന്തദാന അദ്‌ന കേ്ള്‌ക്ക്യ നമ്മ് ദേസാത്ത്‌ല് അദിഗാരിഗാള്‌മ് കോഡിദില് ഒന്റൊന്റു നാള്‌മ് ഇര്‌ക്ക്‌ന്റ്. അയി നാള്‌ഗാള്‌ല് അദ്‌ക്ക് ബന്ത് അവാര്‌ക്ക് സാഡിന സൊല്ലുല.

അപ്പോസുത്തലാര് 19:7

അവാര് പന്നന്റ് ഗണ്ടാള്‌ക്ക് പക്ക ഇന്താര്.

അപ്പോസുത്തലാര് 28:7

ഈ മാള്‌ട്ട എന്നുവ നാഡ് മൂപ്പാന് പുബുളിയോസുക്കു അദ്‌ല് ലേസ കാഡ് ഇന്ത്‌ദ്. അയാള് എമാന തന്ന് ബീ്ഡ്‌ക്ക് ബരിസ്സി മൂറു നാള് നലമായി നോഡുനാന്.

അപ്പോസുത്തലാര് 6:10

ആന സാമിനിഗാല് തെപാനോസുക്കു നലമായി നായനൊഡ്യ ബുദ്ദി കൊഡുത്താന്. അദ്‌നാലെ അവാര്‌ക്ക് അദ്‌ന തപ്പ് എന്റ് കാട്ടി കൊഡുക്ക്യ മുഡ്യാലെ.

അപ്പോസുത്തലാര് 8:25

പത്ത്‌റോസുമു, ഓഗന്നാന്‌മ് സാമി തമാക്ക് ഗേന്ത് കൊഡുത്താദ്‌നാമ്, ആണ്ടവാന് സൊല്ലുസുലാക്കനാമ് പറ്റി സൊന്നാര്. അദ്‌ക്ക് പ്‌റ അവാര് എര്‌സലേമ്‌ക്ക് തിരിഗി പോനാര്. അത്തെ പോഗാട്ടി അവാര് സമര്യാല എഞ്ചോ ഊരുക്ക്‌റാഗ ആണ്ടവാന് നല്ല സേദിന സൊന്നാര്.