അപ്പോസുത്തലാര് 12:4 - സാമി സേദി

⁴ എരോദ പത്ത്‌റോസുന പ്‌ഡിത്ത് ജെയില്‌ക്ക് ഇക്ക്‌നാന്. പദ്‌നാറ് പട്ടളഗാറാര് പത്ത്‌റോസുക്കു കാവ നിന്റാര്. പെസഗെ നോമ്പിക്ക് പ്‌റ എഗുദ കോഡിദിക്ക് കൊഡുക്ക്യാത്തെ എരോദ അത്തെ ഗേന്താദ്.

അപ്പോസുത്തലാര് 12:4 ပူးပေါင်းရင်းမြစ်များ

മത്തായി 24:9

അയി ഗളിഗേക്ക് അവാര് നിമാന കൊഡിമെപഡിസ്യ കൊഡുക്കുവാര്. അവാര് നിമാന കൊല്ലുവാര്. നിമ്മ എനാന പറ്റി സൊല്ലുവാദ്‌നാലെ എല്ലാ ജാദിഗാള്‌മ് നിമാന തൊറേന്ത് തള്ളുവാര്.

മത്തായി 26:5

ആന നോമ്പി ഗളിഗേല് അത്തെ ഗേന്ത ജനഗാള് ഇ്ളാഗി കലമ്പാല് മാഡുവാര്. അദ്‌നാലെ നോമ്പി ഗളിഗേല് അദ് ഗേയ പാങ്കില്ലെന്റ് അവാര് സൊന്നാര്.

മര്‌ക്കോസു 14:1

പുളില്ലാത്ത അഡെ സുഡുവ നോമ്പിക്ക്‌മ് പെസഗെ നോമ്പിക്ക്‌മ് ഇന്നാല് ഇന്നി റാഡ് നാള്‌ത്തെ ഇര്‌ക്ക്‌ന്റ്. അയി ഗളിഗേല് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന ഓസണോഡ പ്‌ഡിത്ത് കൊല്ല്യ നോഡികൊണ്ടിന്താര്.

ലൂക്കോസു 21:12

ഇദ്‌ഗാളെല്ല നഡാക്കുവാദ്‌ക്ക് മുദാല് എനാന നമ്പുവാദ്‌നാലെ അവാര് നിമാന പ്‌ഡിത്ത് കൊഡിമെപഡിസിമ്, എഗുദാര് പരേസുവ ബീ്ഡ് അദിഗാരിഗാള് കയിക്ക് കൊഡുത്തു ജെയില്‌ക്ക്‌മ് അഡേക്കുവാര്. അദല്ലാദെ നിമാന രാജാവുഗാള് കയിക്ക്‌മ് നാഡ് തലെവാര്‌ഗാള് കയിക്ക്‌മ് കൊഡുക്കുവാര്.

ലൂക്കോസു 22:33

അദുക്കുള പത്ത്‌റോസു: <<ആണ്ടവാനെ, നിന്നോഡൊപ്പ ജെയില്‌ക്ക് ബര്യാമ് സായാമ് നാന് ഒരിങ്കിര്‌ക്ക്‌ന്റെ>> എന്റ് സൊന്നാന്.

ഓഗന്നാന് 19:23

പട്ടളഗാറാര് ഏസ്സ്‌ന കുരുസുക്കു സേത്തി ആണി അഡിത്ത പ്‌റ അയാള് ഉഡുപ്പുന എ്ഡ്‌ത്ത് ഒന്റൊന്റു പട്ടളഗാറാര്‌ക്ക്‌മ് ഒന്റൊന്റു പങ്ക് എന്നുവ കണാക്ക് മാഡി നാക്ക് പങ്ക് മാഡ്‌നാര്. അവാര് ജൊഗെനാമ് എ്ഡ്‌ത്താര്. അയി ജൊഗെ തുന്നാദെ അഡിലിന്ത് മുഡിമാട്ട്‌ക്ക് പെ്ണേന്ത ജൊഗെത്തെ ആയിന്ത്‌ദ്.

ഓഗന്നാന് 21:18

നാന് നിനാക്ക് സത്ത്യമായിമ് സൊന്റെ, നീ ബീ്ണാനായിര്‌ക്കാട്ടി നീ താനെ ഒഡെ മുറുക്കികെ്ട്ടി നിനാക്ക് നെനേത്ത പട്ട്‌ക്കെല്ല പോനായി. ആന പേരാളാന പ്‌റ നീ കയിന നീ്ട്ടുവായി. അദുക്കുള അഡ്‌ത്തവാര് നിന്ന് ഒഡെന കെ്ട്ടി നിനാക്ക് പ്‌ഡിക്കാത്ത പട്ട്‌ക്ക് എ്ഡ്‌ത്ത് പോവാര്.>>

അപ്പോസുത്തലാര് 12:3

അദ്‌ന എഗുദാര് പിര്യപട്ടാര് എന്റ് എരോദ കണ്ടാന്. അദ്‌നാലെ അയാള് പത്ത്‌റോസുനാമ് പ്‌ഡിത്ത് ജെയില്‌ക്ക് ഇക്കുഡൊ എന്റ് മുഡിവു എ്ഡ്‌ത്താന് (പുളി ഇല്ലാത്ത അഡെ നോമ്പിഗളിഗേല്‌ത്തെ അദ് ഗേന്താദ്.)

അപ്പോസുത്തലാര് 12:5

അത്തെ പത്ത്‌റോസു ജെയില്‌ല് ഇന്താന്. ആന ഏസ്സ്‌ഗാറാര് കൂട്ട പത്ത്‌റോസുക്കു ബേ്ണ്ടി സാമിക്ക് നലമായി പരേസി ഇന്താര്.

അപ്പോസുത്തലാര് 4:28

നീ മുദാല് താനെ മുഡിവെ്ഡ്‌ത്ത് ബെത്തിന്ത കാര്യഗാള്‌ന നഡാത്ത്യാത്തെ അവാര് ഇത്തെ കൂഡുനാദ്. നിന്ന് സക്‌തിനാലേമ്, ആസെനാലേമ്‌ത്തെ ഇദ്‌ഗാളെല്ല നഡാന്താദ്.

അപ്പോസുത്തലാര് 4:3

നേര മജാക്കെ ആനാദ്‌നാലെ അവാര് അപ്പോസുത്തലാര്‌ന പ്‌ഡിത്ത് മറ്‌നാള് മാട്ട്‌ക്ക് ജെയില്‌ക്ക് അഡേത്ത് ബെത്തിന്താര്.

അപ്പോസുത്തലാര് 5:18

അവാര് അപ്പോസുത്തലാര്‌ന പ്‌ഡിത്ത് ജെയില്‌ക്ക് അഡേത്താര്.

അപ്പോസുത്തലാര് 8:3

ആന സവുലു ബീ്ഡ് ബീ്ഡ പോയി ഏസ്സ്‌ഗാറാര് കൂട്ടാത്ത്‌ല പെ്ണ്ണ്‌മക്കാള്‌നാമ്, ഗണ്ടാള്‌നാമ് ഇ്ള്‌ത്ത്‌ബലിത്ത് എ്ഡ്‌ത്ത് പോയി ജെയില്‌ക്ക് അഡേത്താന്. അയാള് അത്തെ ഗേന്ത് ഏസ്സ്‌ഗാറാര് കൂട്ടന കെ്ഡിസ്യ ഓരാഡ്‌നാന്.