അപ്പോസുത്തലാര് 12:3 - സാമി സേദി

³ അദ്‌ന എഗുദാര് പിര്യപട്ടാര് എന്റ് എരോദ കണ്ടാന്. അദ്‌നാലെ അയാള് പത്ത്‌റോസുനാമ് പ്‌ഡിത്ത് ജെയില്‌ക്ക് ഇക്കുഡൊ എന്റ് മുഡിവു എ്ഡ്‌ത്താന് (പുളി ഇല്ലാത്ത അഡെ നോമ്പിഗളിഗേല്‌ത്തെ അദ് ഗേന്താദ്.)

അപ്പോസുത്തലാര് 12:3 ပူးပေါင်းရင်းမြစ်များ

മത്തായി 26:17

പുളില്ലാത്ത അഡെ സുഡുവ നോമ്പി നാള്‌ക്ക് മുദാല് നാള് തന്ന് സൊല്ലുപഡി നഡാക്ക്‌ന്റവാര് ഏസ്സ് പട്ട്‌ക്ക് ബന്ത്: <<എമ്മ ഏദ് പട്ട്‌ക്ക് പോയി നിനാക്ക് പെസഗെ സാപ്പാഡ് ഒരുക്ക്യ?>> എന്റ് കേ്ട്ടാര്.

ഓഗന്നാന് 12:43

സാമിലിന്ത് കെ്ഡേക്കുവ പേര്‌പെരിമെന ബ്‌ഡ മന്‌സാന്‌ലിന്ത് കെ്ഡേക്കുവ പേര്‌പെരിമെനാത്തെ അവാര് ദൊഡ്ഡാദെന്റ് നെനേത്താര്.

ഓഗന്നാന് 19:11

അദ്‌ക്ക് ഏസ്സ്: <<സാമിലിന്ത് നിനാക്ക് അദിഗര കെ്ഡേക്കാദെ ഇന്തിന്തദാന നിനാക്ക് എനാന ഒന്റുമു ഗേയ മുഡ്യമാട്ടായിന്ത്‌ദ്. അദ്‌നാലെ എനാന നിന്ന് കയിക്ക് തന്തവാന് അദിഗ പാവ ഗേന്തവാന്‌ത്തെ>> എന്റ് സൊന്നാന്.

ഓഗന്നാന് 21:18

നാന് നിനാക്ക് സത്ത്യമായിമ് സൊന്റെ, നീ ബീ്ണാനായിര്‌ക്കാട്ടി നീ താനെ ഒഡെ മുറുക്കികെ്ട്ടി നിനാക്ക് നെനേത്ത പട്ട്‌ക്കെല്ല പോനായി. ആന പേരാളാന പ്‌റ നീ കയിന നീ്ട്ടുവായി. അദുക്കുള അഡ്‌ത്തവാര് നിന്ന് ഒഡെന കെ്ട്ടി നിനാക്ക് പ്‌ഡിക്കാത്ത പട്ട്‌ക്ക് എ്ഡ്‌ത്ത് പോവാര്.>>

അപ്പോസുത്തലാര് 12:4

എരോദ പത്ത്‌റോസുന പ്‌ഡിത്ത് ജെയില്‌ക്ക് ഇക്ക്‌നാന്. പദ്‌നാറ് പട്ടളഗാറാര് പത്ത്‌റോസുക്കു കാവ നിന്റാര്. പെസഗെ നോമ്പിക്ക് പ്‌റ എഗുദ കോഡിദിക്ക് കൊഡുക്ക്യാത്തെ എരോദ അത്തെ ഗേന്താദ്.

അപ്പോസുത്തലാര് 2:14

അദുക്കുള പത്ത്‌റോസു പദ്‌നൊണ്ണു അപ്പോസുത്തലാരോഡ ഇ്ളാഗി നിന്റ് ആള്‌ഗാള്‌ക്ക് ദൊഡ്ഡുദൊഡ്ഡാദ്‌ക്ക് ഇത്തെ നായ സൊല്ല്യ പ്‌ഡിത്താന്: <<എഗുദാരേ, എര്‌സലേമ്‌ല് ഇര്‌ക്ക്‌ന്റവാരെ, എന്ന് നായന കേ്ള്‌ന്, ഇദ് എന്തെന്റ് നിമാക്ക് നാന് സൊല്ലി തന്റെ.

അപ്പോസുത്തലാര് 20:6

പുളി ഇല്ലാത്ത അഡെ നോമ്പി തീന്ത പ്‌റ എമ്മ പിലിപ്യാലിന്ത് കപ്പാല് ഏ്റ്‌നേമ്. അയിദ് നാള് ആഗാട്ട്യെല്ല തോവാസ്‌ല് ഇര്‌ക്കുവ അവാര് പട്ട്‌ക്ക് എജ്ജ്‌നേമ്. അദ്‌ല് എമ്മ ഏ്ള് നാള് തങ്ക്‌നേമ്.

അപ്പോസുത്തലാര് 24:27

റാഡ് ബര്‌സ്സ കളിന്ത് പേലിക്‌സ്‌ക്ക് ബദ്‌ല പൊറുക്ക്യോസു പെസ്‌തോസു അയി നാഡദിഗാരി ആയി ബന്താന്. അദുക്കുള എഗുദാര്‌ലിന്ത് പേര് കെ്ഡേസ്യ പേലിക്‌സ്‌ക്ക് ആസെ ഇന്താദ്‌നാലെ അയാള് പവുലോസുന ജെയില്‌ല് താനെ ബെത്ത്‌തള്ളി പോനാന്.

അപ്പോസുത്തലാര് 25:9

ആന പെസ്‌തോസുക്കു എഗുദാര്‌ന പിര്യപഡ്‌സുഡൊ എന്റിന്ത്‌ദ്. അദ്‌നാലെ അയാള്: <<എര്‌സലേമ്‌ക്ക് പോയി അദ്‌ല് ബെത്ത് എന്ന് മുന്നുക്കു നിനാക്ക് നേരെ ഇവാര് സൊല്ലുവ കുറ്റഗാള് നേരൊ പൊയ്യൊ എന്റ് സൊല്ല്യ ആസെ ഇര്‌ക്ക്‌ന്റ?>> എന്റ് പവുലോസുന കേ്ട്ടാന്.

അപ്പോസുത്തലാര് 4:13

പത്ത്‌റോസുമു, ഓഗന്നാന്‌മ് അത്ത്‌റ പഡിപ്പ്‌ഗാറാര്‌മ് അല്ല അത്ത്‌റ ദൊഡ്ഡ ആള്‌ഗാള്‌മ് അല്ല എന്റ് തെരിന്താദ്‌നാലേമ്, ഇവാര് ദയിരന കണ്ടാദ്‌നാലേമ് അദ്‌ക്ക് കൂഡിന്ത എഗുദ കോഡിദിഗാറാര് അദിസ്യപട്ടാര്. പത്ത്‌റോസുമു, ഓഗന്നാന്‌മ് ഏസ്സോഡൊപ്പ ഇന്തവാര് എന്റ്‌മ് അദുക്കുള അവാര്‌ക്ക് തെരിന്ത്‌ദ്.

ഗലാത്ത്യഗാറാര് 1:10

<<നാന് സൊല്ലുവാദ്‌ത്തെ നേരെന്റ്>> ആള്‌ഗാള് സൊല്ല്യ ബേ്ണ്ടിത്തേഗ നാന് ഇത്തെ സൊല്ലുവാദ്? അല്ല, അദ്‌ക്ക് ബദ്‌ല സാമിത്തെ നാന് സൊല്ലുവാദ്‌ന നേരെന്റ് സൊല്ലുഡൊ. നാന് മന്‌സാര്‌ഗാള്‌ന പിര്യപഡിസ്യ നോഡുന്റേന? ഇല്ലെ, ഇന്നാല്‌മ് നാന് മന്‌സാര്‌ഗാള്‌ന പിര്യപഡിസ്യ നോഡുവദാന ക്‌റ്‌സ്‌ത്ത്‌ക്ക് ഗിലാസഗാറാന് ആയിര്‌ക്കമാട്ടെ.

1 തെസെലോനിക്ക്യഗാറാര് 2:4

എന്ത്‌ക്കെന്റ് സൊന്ന, എമാന നല്ല സേദി സൊല്ലുന്റവാര് മാഡ്യ ബേ്ണ്ടി സാമി എമാന നോഡി നമ്പി എ്ഡ്‌ത്ത് ബെത്താന്. അദ്‌നാലെ എമ്മ മന്‌സാര്‌ഗാള്‌ന പിര്യപഡിസ്യല്ല, എമ്മ് മനേസ്സ്‌ന സോദണെ ഗേവ സാമിന പിര്യപഡിസ്യത്തെ എമ്മ നല്ല സേദിന സൊല്ലുവാദ്.