അപ്പോസുത്തലാര് 12:1 - സാമി സേദി

¹ അയി കാലാത്ത്‌ല് എരോദ രാജാവു ഏസ്സ്‌ഗാറാര് കൂട്ടാത്ത്‌ല ലേസ ആള്‌ഗാള്‌ന കൊഡിമെപഡിസ്യ പ്‌ഡിത്താന്.

അപ്പോസുത്തലാര് 12:1 ပူးပေါင်းရင်းမြစ်များ

മത്തായി 14:1

അയി ഗളിഗേല് ഗലീല നാഡ് തലെവാനായിന്ത എരോദ ഏസ്സ്‌ന പറ്റി സൊല്ലുവ സേദിന കേ്ട്ട്:

മത്തായി 14:3

ഈ എരോദ രാജാവു തന്ന് അണ്ണാന് പീലിപോസു പെ്ണ്ട് ഏരോദ്യന തന്ന് പെ്ണ്ടച്ച്യായി എ്ഡ്‌ത്തിന്താദ്‌നാലെ <<അവാള് നിനാക്ക് പെ്ണ്ടച്ച്യായിര്‌ക്കുവാദ് സട്ടപഡി തപ്പ്>> എന്റ് ഈ ഓഗന്നാന് എരോദാവുക്കു സൊല്ലിന്താന്. അദ്‌നാലെ ഓഗന്നാന്‌ന പ്‌ഡിത്ത് കെ്ട്ടി ജെയില്‌ക്ക് ഇക്കി ബെത്തിന്താര്.

മത്തായി 14:6

ആന എരോദാവു പ്‌റാന്തനാള് ആഗാട്ടി ഏരോദ്യ മഗാള് ആള്‌കൂട്ട മുന്നുക്കു ആട്ടാഡി എരോദാവുന പിര്യപഡ്‌സ്‌നാള്.

മത്തായി 24:9

അയി ഗളിഗേക്ക് അവാര് നിമാന കൊഡിമെപഡിസ്യ കൊഡുക്കുവാര്. അവാര് നിമാന കൊല്ലുവാര്. നിമ്മ എനാന പറ്റി സൊല്ലുവാദ്‌നാലെ എല്ലാ ജാദിഗാള്‌മ് നിമാന തൊറേന്ത് തള്ളുവാര്.

ലൂക്കോസു 22:53

നാന് നാള്‌ക്ക്‌മ് സാമിബീ്ഡ്‌ല് നിമ്മോഡൊപ്പ ഇന്തേനല്ല. അദുക്കുളെല്ല നിമ്മ എനാന പ്‌ഡിക്കാലെ. ആന ഇ്റ്‌ട്ട്‌ക്കിര്‌ക്കുവ അദിഗര ആളുവ ഈ സമ്യത്തെ നിമാക്ക് എനാന പ്‌ഡിക്കുവാദ്‌ക്കുള്ള സമ്യ>> എന്റ് സൊന്നാന്.

ഓഗന്നാന് 15:20

<ഗിലാസഗാറാന് തന്ന് പണ്ണാഡിന ബ്‌ഡ ദൊഡ്ഡവാനല്ല> എന്റ് നിമാക്ക് സൊന്ന നായന നെനേത്ത്‌റ്‌ന്. അവാര് എനാന കൊഡിമെപഡ്‌സ്‌നാര്, അത്ത്യാന നിമാനാമ് കൊഡിമെപഡുസുവാര്, അവാര് എന്ന് സൊല്ലുപഡി നഡാന്തിന്തദാന നിമ്മ് സൊല്ലുപഡിമ് നഡാക്കുവാര്.

ഓഗന്നാന് 16:2

അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

അപ്പോസുത്തലാര് 11:30

അവാര് അത്തെ ഗേന്ത് കെ്ഡേത്ത പണാന എഗുദാല് ഇര്‌ക്കുവ ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ക്ക് കൊഡുക്ക്യ ബറ്‌ണവാസ്‌ക്ക്‌മ് സവുലുക്കുമു കൊഡുത്തു ബ്‌ട്ടാര്.

അപ്പോസുത്തലാര് 12:2

അയാള് ഓഗന്നാന് അണ്ണാന് ആക്കോവുന ആള്‌ബെത്ത് ബാള്‌ല് ബെ്ട്ടി കൊന്റാന്.

അപ്പോസുത്തലാര് 4:30

നീ കയി നീ്ട്ടി നോയിഗാറാര്‌ന തെ്ള്‌സുഡോമെ. നിന്ന് ഗിലാസാക്ക് സൊല്ലി ബെത്ത്‌റ്‌ക്കുവ ഏസ്സ് പേര്‌ല് അദിസ്യഗാള്‌മ്, അഡ്യാളഗാള്‌മ് ഗേന്ത് കാട്ടുഡോമെ.>>

അപ്പോസുത്തലാര് 9:31

അത്തെ എഗുദ, ഗലീല, സമര്യ എന്നുവ ദേസഗാള്‌ല ഏസ്സ്‌ഗാറാര് കൂട്ടഗാള്‌ക്ക് ഒട്ടുക്കു ഇന്ത തൊന്തറെ ലേസ നാള് മാട്ട്‌ക്ക് തീന്ത് നലമായി ആറ്റ്. സാമിനിഗാല് കയി താങ്ക്‌നാദ്‌നാലെ ഏസ്സ്‌ഗാറാര് കൂട്ട ഒട്ടുക്കു ഒറേത്താര്. അത്തെ അവാര് മൊത്തനാക്ക് പെര്‌ഗ്‌നാര്. അവാര് ഒട്ടുക്കു ആണ്ടവാന് ബക്‌തില് പെ്ളേത്ത് ബന്താര്.