അപ്പോസുത്തലാര് 11:3 - സാമി സേദി

³ <<പരിസേദനെ സാത്ത്‌റ ഗേഗാത്ത ജാദിഗാള് പട്ട്‌ക്ക് നീ പോയി അവാരൊപ്പ തിന്റ്‌കുഡിത്ത് ഇന്ത് ബന്താദ് എന്ത്‌ക്ക്?>> എന്റ് അവാര് അയാള്‌ന കേ്ട്ടാര്.

അപ്പോസുത്തലാര് 11:3 ပူးပေါင်းရင်းမြစ်များ

മത്തായി 9:11

പരിസാര്‌ഗാള് അദ്‌ന കാണ്‌ഗാട്ടി അയാള് സൊല്ലുപഡി നഡാക്ക്‌ന്റവാര്‌ക്ക്: <<നിമ്മ് ഗുരുവു കന്ത്യ കെ്ട്ടുവ കാസ് പിരിക്ക്‌ന്റവാരോഡാമ് പാവ ഗേന്റവാരോഡാമ് ഒന്റായിന്ത് തീനി തിന്നുവാദ് എന്ത്‌ക്ക്?>> എന്റ് കേ്ട്ടാര്.

ലൂക്കോസു 15:2

ആന പരിസാര്‌ഗാള്‌മ് ബേദബാത്ത്യനാമ്‌ഗാള്‌മ്: <<ഈ മന്‌സാന് പാവ ഗേന്റവാര്‌ന സേത്തി അവാരോഡൊപ്പ തീനി തിന്റാനല്ല>> എന്റ് സൊല്ലികൊണ്ടു ങ്കൊറുങ്കൊറുത്താര്.

ഓഗന്നാന് 18:28

റാവെ താനെ എഗുദാര് തലെവാര്‌ഗാള് ഏസ്സ്‌ന കയ്യപ്പാവു പട്ട്‌ലിന്ത് നാഡ് തലെവാന് കോട്ടേക്ക് എ്ഡ്‌ത്ത് പോനാര്. ആന അവാര് തമ്മ് സട്ട്‌മെ്ട്ട്‌പഡി അയിത്ത്യ പഡാദിര്‌ക്ക്യ ബേ്ണ്ടി കോട്ടെ കുളാക്ക് പോഗാലെ. എന്ത്‌ക്കെന്റ് സൊന്ന അയിത്തപഡാത്തവാര് ആയിന്താത്തെ പെസഗെ സാപ്പാഡ് തിന്ന്യ മുഡിമ്.

അപ്പോസുത്തലാര് 10:23

ഉളാക്ക് ബന്ത് അന്റ് ജാമാത്ത്‌ല് അദ്‌ല് സെറ്റെ തങ്ക്യ പത്ത്‌റോസുക്കു അവാര് സൊന്നാര്. മറ്‌നാള് പത്ത്‌റോസു അയി മൂറാളോഡ പോനാന്. ഓപ്പാലിന്ത് ഒന്റുറാഡ് ഏസ്സ്‌ഗാറാര്‌മ് പത്ത്‌റോസോഡ പോനാര്.

അപ്പോസുത്തലാര് 10:28

പത്ത്‌റോസു അവാര്‌ക്ക് ഇത്തെ സൊന്നാന്, <<എഗുദാരല്ലാത്ത ജാദിഗാള് പട്ട്‌ക്ക് പോവാദ്‌മ്, അവാരോഡ എ്ണേന്ത് നഡാക്കുവാദ്‌മ് എഗുദാര്‌ക്ക് ആഗ എന്നുവ സട്ട നിമാക്കെല്ല നലമായി തെരിവു. ആന ആര്‌നാമ് കെ്ട്ടവാന് എന്റൊ ആഗാത്തവാന് എന്റൊ നെനേക്ക ബേ്ഡ എന്റ് സാമി എനാക്ക് കാട്ടി തന്ത്‌റ്‌ന്റാന്.

അപ്പോസുത്തലാര് 10:32

നീ ഓപ്പാക്ക് ആള് ബ്‌ട്ട് പത്ത്‌റോസു എന്റ് സൊല്ലുവ സീമോനുന ബ്‌ളിത്ത് ബരുസ്സുഡൊ. തോലുഗാള്‌ല് ഒന്റൊന്റു ജാദിഗാള് മാഡുവ ഗിലാസ ഗേന്തിന്ത സീമോനു ബീ്ഡ്‌ല് അയാള് ഇര്‌ക്ക്‌ന്റാന്. അയി സീമോനു ബീ്ഡ് കഡാലോരാത്ത്‌ല്‌ത്തെ> എന്റ് അയാള് സൊന്നാന്.

അപ്പോസുത്തലാര് 10:48

അത്തെ അവാര്‌ന ഏസ്സ് ക്‌റ്‌സ്‌ത്ത് പേര്‌ല് നീര്‌ക്ക് മുളുഗുസ്യ പത്ത്‌റോസു സൊന്നാന്. ലേസ നാള് സെറ്റെ എമ്മോഡ ഇന്ത് പോഡോമെ എന്റ് അവാര് പത്ത്‌റോസുക്കു സൊന്നാര്.

1 കൊരിന്ത്യഗാറാര് 5:11

ആന ഏസ്സ്‌ഗാറാന് എന്റ് പേരെ്ഡ്‌ത്ത ഒന്റൊരുത്താന് ബേസ്യാഡ്‌ന്റവാനൊ, ആസെപാഡ്‌ഗാറാനൊ, സെലെന കുമ്മുഡുന്റവാനൊ, നൊണ്ടു സൊല്ലി നഡാക്ക്‌ന്റവാനൊ, കുഡിഗാറാനൊ, പ്‌ഡിങ്കിപറ്‌ക്ക്‌ന്റവാനൊ ആനദാന അവാനോഡ എ്ണേന്ത് നഡാക്ക ബേ്ഡ എന്റ്‌ത്തെ നാന് അര്‌ത്ത മാഡ്‌നാദ്. അത്തെ ഇര്‌ക്ക്‌ന്റവാനോഡ ഒന്റായിന്ത് തീനി ഗുഡി തിന്ന ബേ്ഡ എന്റ്‌ത്തെ നാന് നിമാക്ക് എ്ള്‌ദുവാദ്.

2 ഓഗന്നാന് 1:10

ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് കെ്ട്ട്‌പട്ട് നഡാക്കുവാദ് പറ്റാദെ ബേ്റെ കാര്യഗാള്‌മ് ഗേഡൊ എന്റ് പഡിസ്യ ബന്റവാര്‌ന നിമ്മ ബിനാത്താമ് ബേ്ഡ, ബീ്ഡ്‌ക്ക് സേത്താമ് ബേ്ഡ.