അപ്പോസുത്തലാര് 11:21 - സാമി സേദി

²¹ ആണ്ടവാന് സക്‌തി അവാരോഡ ഇന്താദ്‌നാലെ മൊത്തന ആള്‌ഗാള് സാമിന നമ്പി ആണ്ടവാന് സാരി എ്ണേന്താര്.

അപ്പോസുത്തലാര് 11:21 ပူးပေါင်းရင်းမြစ်များ

ലൂക്കോസു 1:66

ഇദ്‌ന കേ്ട്ടവാരെല്ല ഇദ്‌ന പറ്റി നെനേത്ത് <<ഈ മഗ എത്തവ ആളാവാന്?>> എന്റ് സൊല്ലി അദിസ്യപട്ടാര്: എന്ത്‌ക്കെന്റ് സൊന്ന ആണ്ടവാന് സക്‌തി അയി മഗോഡ ഇന്ത്‌ദ്.

അപ്പോസുത്തലാര് 11:24

അത്തെ എഞ്ചെഞ്ചോ ആള്‌ഗാള് ആണ്ടവാന് സാരി എ്ണേന്താര്. ബറ്‌ണവാസ് നല്ലവാന്‌മ്, നല്ല നമ്പിക്കെ ഇര്‌ന്റവാന്‌മ്, സാമിനിഗാല് ഇര്‌ക്ക്‌ന്റവാന്‌മ് ആയിന്താന്.

അപ്പോസുത്തലാര് 15:19

അദ്‌നാലെ സാമിസാരി ബരുവ എഗുദാര് അല്ലാത്ത ജാദിഗാള്‌ന തൊന്തറെ ഗേഗബേ്ഡ എന്റ്‌ത്തെ എനാക്ക് നിമ്മോഡ സൊല്ല്യ ഇര്‌ക്കുവാദ്.

അപ്പോസുത്തലാര് 2:47

അവാര് സാമിത്തെ ദൊഡ്ഡവാന് എന്റ് ബാര്‌ദിക്കിന്താര്. ആള്‌ഗാള് ഒട്ടുക്കു ഈ ഏസ്സ്‌ഗാറാര്‌ന പിര്യപിര്യാത്ത് മദിസിന്താര്. താന് കാപാറ്റ്‌ന്റവാര്‌നെല്ല ആണ്ടവാന് ഏസ്സ്‌ഗാറാര് കൂട്ടാക്ക് നാള്‌ക്ക്‌മ് സേത്തി കൊണ്ടിന്താന്.

അപ്പോസുത്തലാര് 4:4

അവാര് സൊന്ന സേദിന കേ്ട്ട് എഞ്ചോ ആള്‌ഗാള് ഏസ്സ്‌ന നമ്പ്‌നാര്. നമ്പ്‌നവാര്‌ല് ഗണ്ടാള്‌ഗാള് താനെ ഒപ്പതപ്പ അഞ്ചായിരാക്ക് ആനാര്.

അപ്പോസുത്തലാര് 5:14

എന്റാല്‌മ് ആണ്ടവാന്‌ന നമ്പ്‌ന ഗണ്ടാള്‌മ് പെ്ണ്ണ്‌മക്കാള്‌മ് ഇര്‌ക്കുവ ഒന്റു കൂട്ട അവാര് കൂട്ടാക്ക് എ്ണേന്ത് കൊണ്ടിന്താര്.

അപ്പോസുത്തലാര് 6:7

അത്തെ സാമി സൊല്ലുസുലാക്ക പജാന്ത്‌കൊണ്ടേ ഇന്ത്‌ദ്. എര്‌സലേമ്‌ല് ഏസ്സ് സൊല്ലുപഡി നഡാക്ക്‌ന്റവാര് എഞ്ച്‌ക്കൊ പെരിഗികൊണ്ടുമു ഇന്താര്. എഞ്ചോ എഗുദാര് പൂസാരിഗാള്‌മ് നമ്പ്‌നാര്.

അപ്പോസുത്തലാര് 9:35

ലുദ്ദാല ആള്‌ഗാള്‌മ് സാരോണുല ആള്‌ഗാള്‌മ് ഇദ്‌ന കണ്ടാര്. അദ്‌നാലെ അവാര് മനേസ്സ് ഒട്ടുക്കു ആണ്ടവാന് സാരി തിര്‌ഗ്‌റ്റ്.

1 തെസെലോനിക്ക്യഗാറാര് 1:5

എന്ത്‌ക്കെന്റ് സൊന്ന, എമ്മ നിമാക്ക് സൊന്ന നല്ല സേദി ബെ്റ് നായല്ല, അദ്‌ക്ക് ബദ്‌ല സക്‌ത്യോഡാമ്, സാമിനിഗാല്‌ല്‌മ്, അയി സേദി നേര്‌ത്തെ എന്നുവ ഒറേപ്പോഡാമ്‌ത്തെ സൊന്നാദ്. നിമാക്ക് ഉവഗരപഡുവാദ്‌ക്ക് തഗ്‌ന്ത ദിന്‌സ്‌ല് നിമ്മ് പട്ട്‌ല് എമ്മ എത്തെ പെ്ളേത്തേമ് എന്റ് നിമാക്ക് താനെ തെരിമല്ല.