അപ്പോസുത്തലാര് 11:12 - സാമി സേദി

¹² സന്തേഗപഡാദെ അവാരോഡൊപ്പ പോയ സാമിനിഗാല് എനാക്ക് സൊല്ലുറ്റു. ഓപ്പാല ഈ ഏസ്സ്‌ഗാറാര് ആറാള്‌മ് എന്നോഡ കയിസര്യാക്ക് ബന്താര്. കൊറ്‌ന്നല്ലോസു ബീ്ഡ്‌ക്ക്‌ത്തെ എമ്മ പോനാദ്.

അപ്പോസുത്തലാര് 11:12 ပူးပေါင်းရင်းမြစ်များ

മത്തായി 1:20

ഓസേപ് അത്തെ നെനേത്ത്‌റ്‌ക്കാട്ടി ആണ്ടവാന് ദൂദാന് കനേസ്‌ല്‌ല് ബന്ത്: <<ദാവീദ് കാല്‌ക്ക് പട്ട ഓസേപെ, മറിയാന എ്ഡ്‌ക്ക്യ നീ സന്തേഗപഡാദെ. സാമിനിഗാല്‌ല്‌ത്തെ അവാള് ബേ്റായിര്‌ക്കുവാദ്.

ഓഗന്നാന് 16:13

ആന സാമിന പറ്റ്യുള്ള സത്ത്യന കാട്ടി തരുവ സാമിനിഗാല് ബര്‌ഗാട്ടി അയാള് നിമാക്ക് സത്ത്യമാനാദ്‌നെല്ല പഡിസി തരുവാന്. അയാള് തന്ന് അദിഗരാത്ത്‌ല് നായനൊഡ്യാദെ താന് കേ്ള്‌ക്കുവാദ്‌ന താനെത്തെ സൊല്ലുവാന്, ബര്യ ഇര്‌ക്കുവാദ്‌ന നിമാക്ക് സൊല്ലിമ് തരുവാന്.

അപ്പോസുത്തലാര് 1:15

ലേസ നാള് കളിന്ത പ്‌റ ഏസ്സ്‌ഗാറാര് ഒന്റു കൂട്ട കൂഡുനാര്. ഒപ്പതപ്പ നൂറ്റിരുവദ് ഏസ്സ്‌ഗാറാര് ഈ കൂട്ടാത്ത്‌ല് ഇന്താര്. അദുക്കുള പത്ത്‌റോസു ഇ്ളാഗി നിന്റ് ഇത്തെ സൊന്നാന്:

അപ്പോസുത്തലാര് 10:23

ഉളാക്ക് ബന്ത് അന്റ് ജാമാത്ത്‌ല് അദ്‌ല് സെറ്റെ തങ്ക്യ പത്ത്‌റോസുക്കു അവാര് സൊന്നാര്. മറ്‌നാള് പത്ത്‌റോസു അയി മൂറാളോഡ പോനാന്. ഓപ്പാലിന്ത് ഒന്റുറാഡ് ഏസ്സ്‌ഗാറാര്‌മ് പത്ത്‌റോസോഡ പോനാര്.

അപ്പോസുത്തലാര് 10:45

ഓപ്പാല് ഇന്ത് പത്ത്‌റോസോഡ ഏസ്സ്‌ന നമ്പിന്ത എഗുദാര്‌മ് ബന്തിന്താര്. സാമി തരുവ സാമിനിഗാല് എഗുദാരല്ലാത്ത ജാദിഗാള്‌ക്ക്‌മ് ഏ്റ്‌നാദ്‌ന കണ്ട് അവാര് അദിസ്യപട്ടാര്.

അപ്പോസുത്തലാര് 11:13

ഒന്റു സാമിദൂദാന് തന്ന് ബീ്ഡ്‌ല് നിന്റ് ഇര്‌ക്കുവാദ്‌ന അയാള് കണ്ടാന് എന്റ് എമാക്ക് സൊന്നാന്. <ഓപ്പാക്ക് ആള് ബ്‌ട്ട് സീമോനു എന്റ് സൊല്ലുവ പത്ത്‌റോസുന ബരുസ്സുഡൊ എന്റ്‌മ്,

അപ്പോസുത്തലാര് 13:2

അവാര് തീനി തിന്നാത്ത പരേസ പരേസി ആണ്ടവാന്‌ന കുമ്മുഡി കൊണ്ടിന്താര്. അദുക്കുള: <<നാന് ബറ്‌ണവാസ്‌നാമ് സവുലുനാമ് എന്ന് ഗിലാസാക്കായി ബ്‌ളിത്ത്‌റ്‌ന്റെ. അദ്‌നാലെ അദ്‌ക്ക് ബേ്ണ്ടി അവാര്‌ന എനാക്ക് അലാക്ക പ്‌റ്‌ത്ത് തരുഡൊ.>> എന്റ് സാമിനിഗാല് അവാര്‌ക്ക് സൊല്ലുറ്റു.

അപ്പോസുത്തലാര് 13:4

സാമിനിഗാല് ബറ്‌ണവാസ്‌നാമ് സവുലുനാമ് സൊല്ലി ബ്‌ഡ്‌ഗാട്ടി അവാര് സലൂക്ക്യ പട്ടണാക്ക് പോനാര്. അദ്‌ലിന്ത് അവാര് കപ്പാല്‌ക്ക് ഏ്റി സുറ്റുമു നീര് ഇര്‌ക്കുവ കുപ്പുറോസു എന്നുവ നാഡ്‌ക്ക് പോനാര്.

അപ്പോസുത്തലാര് 15:7

എഞ്ചോ ഗളിഗെ തറ്‌ക്ക്‌ന പ്‌റ പത്ത്‌റോസു ഇ്ളാഗി ഇത്തെ സൊന്നാന്. <<ഏസ്സ്‌ഗാറാരെ, എഗുദാര് അല്ലാത്ത ജാദിഗാള് നല്ല സേദിന കേ്ട്ട് നമ്പ്യ ബേ്ണ്ടി, അവാര്‌ക്ക് നല്ല സേദിന സൊല്ല്യ എന്നലോ താനെ സാമി എനാന നിമ്മ് പട്ട്‌ലിന്ത് തെരിന്തെ്ഡ്‌ത്താന്. അദ് നിമാക്കെല്ല തെരിമല്ല.

അപ്പോസുത്തലാര് 15:9

അത്തെ നമ്മാമ്, അവാര്‌മ് സാമിക്ക് ഒന്റേ പാസെത്തെ. അവാര് നമ്പ്‌നാദ്‌നാലെ സാമി അവാര് പാവഗാള്‌നെല്ല പൊറുത്താന്.

അപ്പോസുത്തലാര് 28:15

അദ്‌ല ഏസ്സ്‌ഗാറാര് എമ്മ ബന്ത സേദിന കേ്ട്ടാര്. അദ്‌നാലെ അവാര്‌ല് ലേസ ആള്‌ഗാള് അപ്പീസ് സന്തെ എന്നുവ പട്ടണമാട്ട്‌ക്ക്‌മ് ലേസ ആള്‌ഗാള് മൂറു ബീ്ഡ്‌ഗാള് എന്റ് ബ്‌ളിക്കുവ പട്ടണമാട്ട്‌ക്ക്‌മ് എമാന കൂട്ടി പോയ ബന്താര്. അവാര്‌ന കാണ്‌ഗാട്ടി പവുലോസു സാമിക്ക് നണ്ണി സൊന്നാന്. അത്തെ അയാള്‌ക്ക് ദയിര ബന്ത്‌ദ്.

അപ്പോസുത്തലാര് 8:29

<<അയി തേര്‌ക്ക് ഒപ്പ പൊ>> എന്റ് സാമിനിഗാല് പീലിപോസുക്കു സൊല്ലുറ്റു.

റോമഗാറാര് 3:22

ഏസ്സ് ക്‌റ്‌സ്‌ത്ത്‌ന നമ്പുവ നമ്പിക്കേന ബെത്ത് സാമി എല്ലാ ആള്‌ഗാള്‌നാമ് നേര്‌മെഗാറാര് മാഡ്‌ന്റാന്. ക്‌റ്‌സ്‌ത്ത്‌ന നമ്പ്‌ന്റവാര്‌ക്ക്‌ത്തെ സാമി ഇത്തെ ഗേവാദ്. ഈ കാര്യാത്ത്‌ല് സാമി എഗുദാരെന്റൊ എഗുദാരല്ലത്തവാരെന്റൊ പ്‌റ്‌ത്ത് നോഡുവാദില്ലെ.

2 തെസെലോനിക്ക്യഗാറാര് 2:2

ആണ്ടവാന് ബരുവ നാള് ബന്ത്‌റ്‌ന്റ് എന്റ് ഏദാറ്റ നിഗാല് സൊല്ലുറ്റു എന്റൊ, എമ്മ സൊന്നേമ് എന്റൊ, അല്ല പോന എമ്മ അത്തവ എ്ള്‌ത്ത് എ്ള്‌ദ്‌നേമ് എന്റൊ ആരാറ്റ സൊന്നദാന ദ്‌ഡീരന നിമ്മ് മനേസ്സ് പെ്ഡെപെ്ഡേക്കാമ് ബേ്ഡ, അന്തബ്‌ഡാമ് ബേ്ഡ.

ബെ്ളിപട്ട കാര്യ 22:17

സാമിനിഗാല്‌മ് കല്യണ പെ്ണ്ണ്‌മ്, <<ബാന്>> എന്റ് സൊന്റാര്. ഇദ്‌ന കേ്ള്‌ക്ക്‌ന്റവാന്‌മ് <<ബാന്>> എന്റ് സൊല്ലുഡൊ. നീരറാക്കെ എ്ഡ്‌ക്ക്‌ന്റവാന്‌മ് ബരുഡൊ. ഉജുരു കൊഡുക്കുവ നീര് ബേ്ഡ്‌മെന്റ് ആസെപഡ്‌ന്റവാനെല്ല ബെലെ കൊഡുക്കാദെ അദ് ബാങ്കി കുഡിക്കുഡൊ.