അപ്പോസുത്തലാര് 10:39 - സാമി സേദി

³⁹ എര്‌സലേമ്‌ല്‌മ് എഗുദാര് നാഡ്‌ല്‌മ് ഏസ്സ് ഗേന്താദ്‌ന ഒട്ടുക്കു എമ്മ കണ്ടേമ്. അദ്‌ന എമാക്ക് സൊല്ല്യ മുഡിമ്. പ്‌റ അവാര് അയാള്‌ന കുരുസുക്കു സേത്തി ആണി അഡിത്ത് കൊന്റാര്.

അപ്പോസുത്തലാര് 10:39 ပူးပေါင်းရင်းမြစ်များ

ലൂക്കോസു 1:2

ഈ കാര്യഗാള്‌ന മുദാലിന്തെ കണ്ട്‌മ് നല്ല സേദിന പറ്റി സൊല്ലിമ് കൊഡുത്ത സാമി ഗിലാസഗാറാര് നമാക്ക് സൊല്ലി തന്ത പാസെത്തെ അവാര് എ്ള്‌ദിര്‌ക്കുവാദ്.

ലൂക്കോസു 24:48

ഇദ്‌ന കണ്ട്‌റ്‌ക്കുവ നിമ്മ ഇദ്‌ന പറ്റി അഡ്‌ത്ത ആള്‌ഗാള്‌ക്ക് സൊല്ലുവുറു.

ഓഗന്നാന് 15:27

നിമ്മാമ് മുദാലിന്തെ എന്നോഡ ഇര്‌ക്കുവാദ്‌നാലെ നാന് ആരെന്റ് സൊല്ലുനു.>>

അപ്പോസുത്തലാര് 1:22

ഓഗന്നാന് ഏസ്സ്‌ന മുളുഗുസ്‌ന നാള്‌ലിന്ത് ഏസ്സ്‌ന മേലോഗാക്ക് എ്ഡ്‌ത്ത് പോവ നാള് മാട്ട്‌ക്ക് ഏസ്സ് നമ്മോഡൊപ്പ നഡാന്തിന്താന്. അയി കാല മാട്ട്‌ക്ക് നമ്മോഡ നഡാന്തിന്തവാന് ആയിര്‌ക്കുഡൊ നമ്മ തെരിന്തെ്ഡ്‌ക്ക്‌ന്റവാന്.>>

അപ്പോസുത്തലാര് 1:8

ആന സാമിനിഗാല് നിമാക്ക് ഏ്റ്‌മ്. അന്നാപ്പ് നിമാക്ക് ബില കെ്ഡേക്കുവു. അത്തെ മുദാല് നിമ്മ എര്‌സലേമ്‌ഗാറാര്‌ക്ക്‌മ് എഗുദ നാഡ്‌ല് ഒട്ടുക്കുമു സമര്യ ദേസഗാറാര്‌ക്ക്‌മ് എനാന പറ്റി സൊല്ലുവുറു. അദ്‌ക്ക് പ്‌റ ഉലഗാത്ത്‌ല് എല്ലാ സാരിമ് ഇര്‌ക്കുവ ആള്‌ഗാള്‌ക്ക്‌മ് എനാന പറ്റി സൊല്ലുവുറു.>>

അപ്പോസുത്തലാര് 10:41

ഉജുര്‌ളാഗ്‌ന പ്‌റ ഏസ്സ് എല്ലാവാര്‌ക്ക്‌മ് ബെ്ളിപഡാലെ. ആന അയി ഏസ്സ്‌ന കാട്ട്യ ബേ്ണ്ടി സാമി മുദാല് താനെ തെരിന്തെ്ഡ്‌ത്തിന്ത എമാക്ക്‌ത്തെ കാട്ട്‌നാദ്. അയാള് സത്തവാര് പട്ട്‌ലിന്ത് ഉജുര്‌ളാഗ്‌ന പ്‌റ എമ്മ അയാളോഡൊപ്പ തിന്റ്‌കുഡിത്ത് ഗേന്തേമ്.

അപ്പോസുത്തലാര് 13:31

ഏസ്സ് ഉജുര്‌ളാഗ്‌ന പ്‌റ താന് സാഗാത്താദ്‌ക്ക് മുദാല് തന്നൊപ്പ ഗലീലാല് ഇന്ത് എര്‌സലേമ്‌ക്ക് ബന്തിന്തവാര് കണ്ണ്‌ക്ക് എഞ്ചോ ഗളിഗെ കാട്ട്‌നാന്. അവാര് ഇന്നാല് അയാള്‌ന പറ്റി കണ്ടാദ്‌നെല്ല ഇസ്‌റവേല് ആള്‌ഗാള്‌ക്ക് സൊന്റാര്.

അപ്പോസുത്തലാര് 2:32

ഈ ഏസ്സ്‌ന സാമി സാവുലിന്ത് ഉജുര്‌ളാക്ക്‌നാന്. ഏസ്സ് ഉജുരു ഇ്ളാഗ്‌നാദ്‌ന കണ്ട എമാക്ക് അദ്‌ന നിമാക്ക് സൊല്ലി തര്യ മുഡിവു.

അപ്പോസുത്തലാര് 4:10

അത്ത്യാന നിമ്മാമ്, ഇസ്‌റവേല് ജനഗാളൊട്ടുക്കുമു ഇദ്‌ന തെരിന്ത്‌റ്‌ക്കുഡൊ. നിമ്മ കുരുസുക്കു സേത്തി ആണി അഡിത്ത് കൊന്റ നസറേത്ത്‌ഗാറാന് ഏസ്സ് ക്‌റ്‌സ്‌ത്ത്‌ന സാമി സാവുലിന്ത് ഉജുര്‌ളാക്ക്‌നാന്. അയി ഏസ്സ് പേര്‌ല്‌ത്തെ ഈ മൊണ്ടി നല്ല മുജുവോഡ നിമ്മ് മുന്നുക്കു നിന്റ് ഇര്‌ന്റാന്.

അപ്പോസുത്തലാര് 7:52

നിമ്മ് പാട്ടനാമ് ഏദാറ്റ സാമിദാസ്‌ഗാള്‌ന കൊഡിമെപഡ്‌സാദെ ഇന്ത്‌റ്‌ന്റാര? അദ്‌താനെ അല്ല, നേര്‌മോഡ പെ്ളേക്ക്‌ന്റവാന് ബരുവാന് എന്റ് മുദാല് താനെ സൊല്ലിന്തവാര്‌നാമ് അവാര് കൊന്റു തള്ള്‌നാര്. ആന നിമ്മാമ് ഇന്നാല് അയി നേര്‌മെഗാറാന്‌ന കാട്ടി കൊഡുത്തു അയാള്‌ന കൊന്റു തള്ള്‌ന്‌റ്.

ഗലാത്ത്യഗാറാര് 3:13

ഈ സട്ടപഡി നമാക്ക് തട്ട്‌ന സാപ്പന ക്‌റ്‌സ്‌ത്ത് തീത്ത് നമാന തിരിക്കി എ്ഡ്‌ത്താന്. അദ്‌ക്ക് ബേ്ണ്ടി നമാക്ക് ബദ്‌ല ക്‌റ്‌സ്‌ത്ത് സാപ്പ പ്‌ഡിത്തവാനായി കുരുസുലു നേന്റാന്. എന്ത്‌ക്കെന്റ് സൊന്ന <<മരാത്ത്‌ല് നേല്‌ന്റവാനെല്ല സാപ്പ പ്‌ഡിത്തവാന്>> എന്റ് സാമി സൊല്ലുസുലക്കാത്ത്‌ല് എ്ള്‌ദിര്‌ക്ക്‌ന്റല്ല.

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.