പ്‌റ തമ്മ് സൊല്ലുപഡി നഡാക്ക്‌ന്റവാര്‌ല് ലേസ ആള്‌ഗാള്‌ന എരോദ്യരോഡ സൊല്ലി ബ്‌ട്ടാര്. അവാര് ബന്ത്: <<ഗുരുവെ, നീ സത്ത്യാന നേരെ സൊല്ലുന്റവാന് എന്റ്‌മ്, മന്‌സാര് എത്തെ പെ്ളേത്ത് പോഡൊ എന്റ് സാമി സൊല്ലിര്‌ക്കുവാദ്‌ന അദേപാസെ പഡ്‌സ്‌ന്റവാന് എന്റ്‌മ് എമാക്ക് തെരിവു. ആര്‌നാമ് മൂഞ്ചിമുഗ നോഡാത്തവാന് ആനാദ്‌നാലെ മന്‌സാര് എന്ത്‌ന നെനേക്ക്‌ന്റാര് എന്റ്‌ഗുഡി അഞ്ചാലെ എന്റ്‌മ് എമാക്ക് തെരിന്റ്.
അപ്പോസുത്തലാര് 10:34 - സാമി സേദി34 പത്ത്‌റോസു നായ സൊല്ല്യ പ്‌ഡിത്താന്: <<സാമിക്ക് ആള്‌ഗാള് ഒട്ടുക്കു ഒന്റേ പാസെത്തെ എന്റ് എനാക്ക് തെരിന്ത്‌ദ്. အခန်းကိုကြည့်ပါ။ |
അപ്പോസുത്തലാര് 10:34
23 ပူးပေါင်းရင်းမြစ်များ
അദുക്കുള അന്നാല് താനെ നാന് നിന്ന് പട്ട്‌ക്ക് ആള് ബ്‌ട്ടെ. നീ നല്ല മനേസ്സോഡ എമ്മ് പട്ട്‌ക്ക് ബന്തായി. ഇന്നാല് എമ്മ ഒട്ടുക്കു ഈങ്ക് സാമി പട്ട്‌ക്ക് ബന്ത്‌റ്‌ന്റേമ്. സാമി എമാക്ക് സൊല്ല്യ നിനാക്ക് സൊല്ലി തന്ത്‌റ്‌ക്കുവ കാര്യഗാള്‌ന എമാക്ക് സൊല്ലു. അദ്‌ക്ക്‌ത്തെ എമ്മ ഒട്ടുക്കു ഇദ്‌ക്ക് ബന്ത്‌റ്‌ക്കുവാദ്.>>
അദ്‌നാലെ പണ്ണാഡിഗാളെ, നിമ്മ ഗേവ ഗിലാസാന എത്ത്‌റാക്ക് സൊക്കാന ഗേന്റ്‌റ് എന്റ് നോഡികൊണ്ടു ഗിലാസഗാറാര്‌ന ഗിലാസ ഗേസ്‌ന്. നിമാക്ക് ബേ്ണ്ടി ഗിലാസ ഗേന്റവാര്‌ന മെ്റ്‌ട്ടദേന്. എന്ത്‌ക്കെന്റ് സൊന്ന നിമാക്ക്‌മ് ഗിലാസഗാറാര്‌ക്ക്‌മ് അദാദ് ഗിലാസാന തന്തവാന് മേലോഗാത്ത്‌ലിന്ത് നോഡി കൊണ്ട്‌റ്‌ന്റാന്. അയാള് ആര്‌നാമ് ദൊഡ്ഡവാനെന്റൊ സ്‌ന്നവാനെന്റൊ നോഡി നഡാത്ത്‌ന്റവാനല്ല എന്നുവാദ്‌ന തെരിന്ത്‌റ്‌ന്.
അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.
ကြော်ငြာတွေ