അപ്പോസുത്തലാര് 10:29 - സാമി സേദി

²⁹ അദ്‌നാലെത്തെ നിമ്മ എനാന ബ്‌ളിക്ക്യ ആള് ബ്‌ഡ്‌ഗാട്ടി ബരമാട്ടേന് എന്റ് സൊല്ലാദെ നാന് ബന്താദ്. എനാക്ക് ആള് ബ്‌ട്ടാദ് എന്ത്‌ക്ക് എന്റ് ഇന്നാല് താനെ എനാക്ക് സൊല്ലുനു>>

അപ്പോസുത്തലാര് 10:29 ပူးပေါင်းရင်းမြစ်များ

അപ്പോസുത്തലാര് 10:28

പത്ത്‌റോസു അവാര്‌ക്ക് ഇത്തെ സൊന്നാന്, <<എഗുദാരല്ലാത്ത ജാദിഗാള് പട്ട്‌ക്ക് പോവാദ്‌മ്, അവാരോഡ എ്ണേന്ത് നഡാക്കുവാദ്‌മ് എഗുദാര്‌ക്ക് ആഗ എന്നുവ സട്ട നിമാക്കെല്ല നലമായി തെരിവു. ആന ആര്‌നാമ് കെ്ട്ടവാന് എന്റൊ ആഗാത്തവാന് എന്റൊ നെനേക്ക ബേ്ഡ എന്റ് സാമി എനാക്ക് കാട്ടി തന്ത്‌റ്‌ന്റാന്.

അപ്പോസുത്തലാര് 10:30

അദുക്കുള കൊറ്‌ന്നല്ലോസു ഇത്തെ സൊന്നാന്: <<മൂറു നാള്‌ക്ക് മുദാല് ഉച്ചി കളിന്ത് സുമാര് ഇദേ സമ്യ മൂറു മണിക്ക് നാന് ബീ്ഡ്‌കുളക്ക് പരേസികൊണ്ടിന്തേന്. സട്ടന ദഗദഗാത്ത് മിന്നുവ ഉഡുപ്പു ഇക്കിര്‌ക്കുവ ഒന്റൊരുത്താന് എന്ന് മുന്നുക്കു ബന്ത് നിന്റാന്.

1 പത്ത്‌റോസു 3:15

ആണ്ടവാനാന ക്‌റ്‌സ്‌ത്ത്‌ന നിമ്മ് മനേസ്സ്‌ല് മദ്‌സുഡൊ. നിമാക്കിര്‌ക്കുവ നെഞ്ചഡെന പറ്റി കേ്ള്‌വി കേ്ള്‌ക്ക്‌ന്റവാരോഡെല്ല തണിമോഡാമ് മര്യാദോഡാമ് ബദ്‌ല് സൊല്ല്യ നിമ്മ ഏദ്‌ഗളിഗേമ് ഒരിങ്കിര്‌ക്കുഡൊ. ക്‌റ്‌സ്‌ത്ത് സൊല്ലുപഡിക്ക് പെ്ളേക്കുവാദ്‌നാലെ നിമ്മ ഗേവ നല്ല കാര്യഗാള്‌ന പറ്റി കുറ്റ സൊന്റവാര് തമ്മ സൊന്ന കുറ്റന നെനേത്ത് നാണഗെ്ട്ട് പോയ ബേ്ണ്ടി നിമ്മ് മനേസ്സ് സുത്താപ്പുള്ളാദ് ആയിര്‌ക്കുഡൊ.