അപ്പോസുത്തലാര് 10:20 - സാമി സേദി

²⁰ നീ അഡി ഇ്റാഗി പൊ, നാന്‌ത്തെ അവാര്‌ന സൊല്ലി ബ്‌ട്ട്‌റ്‌ന്റെ, അദ്‌നാലെ സന്തേഗപഡാദെ പൊ>> എന്റ് പത്ത്‌റോസുക്കു സൊല്ലുറ്റു.

അപ്പോസുത്തലാര് 10:20 ပူးပေါင်းရင်းမြစ်များ

മര്‌ക്കോസു 16:15

അദ്‌ക്ക് പ്‌റ അയാള് അവാര്‌ക്ക് ഇത്തെ സൊന്നാന്. <<നിമ്മ ഉലഗാക്ക് ഒട്ടുക്കു പോയി ആള്‌ഗാള്‌ക്ക് പൂര ഈ നല്ല സേദിന സൊല്ലുഡൊ.

അപ്പോസുത്തലാര് 10:21

പത്ത്‌റോസു അവാര് പട്ട്‌ക്ക് ഇ്റാഗി പോയി. <<നിമ്മ പരാക്കുവ ആള് നാന്‌ത്തെ, നിമ്മ എന്ത്‌ക്ക് ബന്ത്‌റ്?>> എന്റ് അവാര്‌ന കേ്ട്ടാന്.

അപ്പോസുത്തലാര് 11:12

സന്തേഗപഡാദെ അവാരോഡൊപ്പ പോയ സാമിനിഗാല് എനാക്ക് സൊല്ലുറ്റു. ഓപ്പാല ഈ ഏസ്സ്‌ഗാറാര് ആറാള്‌മ് എന്നോഡ കയിസര്യാക്ക് ബന്താര്. കൊറ്‌ന്നല്ലോസു ബീ്ഡ്‌ക്ക്‌ത്തെ എമ്മ പോനാദ്.

അപ്പോസുത്തലാര് 13:4

സാമിനിഗാല് ബറ്‌ണവാസ്‌നാമ് സവുലുനാമ് സൊല്ലി ബ്‌ഡ്‌ഗാട്ടി അവാര് സലൂക്ക്യ പട്ടണാക്ക് പോനാര്. അദ്‌ലിന്ത് അവാര് കപ്പാല്‌ക്ക് ഏ്റി സുറ്റുമു നീര് ഇര്‌ക്കുവ കുപ്പുറോസു എന്നുവ നാഡ്‌ക്ക് പോനാര്.

അപ്പോസുത്തലാര് 8:26

ആണ്ടവാന് ദൂദാന് പീലിപോസുക്കു ഇത്തെ സൊന്നാന്, <<നീ ഒരിങ്കി തെക്ക് സാരി പോവ ബട്ടെമേലെ പൊ, അദ് എര്‌സലേമ്‌ലിന്ത് ഗാസ എന്നുവ നാഡ്‌ക്ക് പോവ ബട്ടേത്തെ ആയിന്ത്‌ദ്.>> (ഈ ബട്ടെ ബ്‌ട്ട്‌തള്ളി ഇര്‌ന്റ്)

അപ്പോസുത്തലാര് 9:15

ആണ്ടവാന് അനനാസ്‌ക്ക് ഇത്തെ സൊന്നാന്. <<എന്റാല്‌മ് നീ പോഡൊ, സവുലുന നാന് എനാക്ക് ബേ്ണ്ടി ഗിലാസ ഗേയ തെരിന്തെ്ഡ്‌ത്ത്‌റ്‌ന്റേന്. നാന് ആര് എന്റ് രാജാവുഗാള്‌ക്ക്‌മ്, ബേ്റെ ജാദിഗാള്‌ക്ക്‌മ്, ഇസ്‌റവേല്‌ഗാറാര്‌ക്ക്‌മ് അയാള് സൊല്ലുവാന്.

അപ്പോസുത്തലാര് 9:17

അദ്‌നാലെ അനനാസ് സവുലു ഇന്ത അയി ബീ്ഡ്‌ക്ക് പോയി അയാള് തലേക്ക് കയി ബെത്ത് കൊണ്ടു: <<അയ്യാ, സവുലെ, നിനാക്ക് കണ്ണ്‌കാട്ട്യാമ്, സാമിനിഗാല് മൂഡ്യാമ് നീ ബരുവ ബട്ടേല് ബെത്ത് നിനാക്ക് ബെ്ളിപട്ട ഏസ്സ് എന്നുവ ആണ്ടവാന് എനാന സൊല്ലി ബ്‌ട്ട്‌റ്‌ന്റാന്>> എന്റ് സൊന്നാന്.

ആക്കോവു 1:6

നിമ്മ സാമിന കേ്ള്‌ക്കാട്ടി മനേസ്സ്‌ല് സന്തേഗപഡാദെ നിമ്മ കേ്ള്‌ക്കുവാദെല്ല നിമാക്ക് കെ്ഡേക്ക്‌മെന്റ് നമ്പികൊണ്ടു കേ്ള്‌ക്കുഡൊ. ആന സന്തേഗത്തോഡ കേ്ള്‌ക്ക്‌ന്റവാന് കാറ്റ് അഡിക്കാട്ടി കീ്ഗ്‌മേല്‌മ് ആഡുവ കഡാല് തെരെന പാസെത്തെ.