അപ്പോസുത്തലാര് 10:19 - സാമി സേദി

¹⁹ അയി ഗളിഗേല് പത്ത്‌റോസു അദുക്കുളാമ് തോറ്റാക്ക് അര്‌ത്ത എന്തെന്റ് തെര്യ ഓരാഡി കൊണ്ടു ഇന്താന്. അയി സമ്യ സാമിനിഗാല്, <<നോഡു, ഇദാഗെ മൂറാള് നിനാന പരാക്ക്‌ന്റാര്.

അപ്പോസുത്തലാര് 10:19 ပူးပေါင်းရင်းမြစ်များ

ഓഗന്നാന് 16:13

ആന സാമിന പറ്റ്യുള്ള സത്ത്യന കാട്ടി തരുവ സാമിനിഗാല് ബര്‌ഗാട്ടി അയാള് നിമാക്ക് സത്ത്യമാനാദ്‌നെല്ല പഡിസി തരുവാന്. അയാള് തന്ന് അദിഗരാത്ത്‌ല് നായനൊഡ്യാദെ താന് കേ്ള്‌ക്കുവാദ്‌ന താനെത്തെ സൊല്ലുവാന്, ബര്യ ഇര്‌ക്കുവാദ്‌ന നിമാക്ക് സൊല്ലിമ് തരുവാന്.

അപ്പോസുത്തലാര് 10:18

<<പത്ത്‌റോസു എന്റ് സൊല്ലുവ സീമോനു ഇര്‌ക്കുവാദ് ഇദ്‌ല്‌ത്തേഗ?>> എന്റ് ദൊഡ്ഡാദ്‌ക്ക് ബ്‌ളിത്ത് കേ്ട്ടാര്.

അപ്പോസുത്തലാര് 10:3

ഒന്റു നാള് ഉച്ചി കളിന്ത് സുമാര് മൂറു മണിക്ക് അയാള്‌ക്ക് ഒന്റു തോറ്റ കാട്ട്‌റ്റ്. ഒന്റു സാമിദൂദാന് തന്ന് അര്‌ഗെ ബരുവാദ്‌ന അയാള് അയി തോറ്റാത്ത്‌ല് സൊക്കാന കണ്ടാന്. സാമിദൂദാന് <<കൊറ്‌ന്നല്ലോസെ>> എന്റ് ബ്‌ളിത്താന്.

അപ്പോസുത്തലാര് 11:12

സന്തേഗപഡാദെ അവാരോഡൊപ്പ പോയ സാമിനിഗാല് എനാക്ക് സൊല്ലുറ്റു. ഓപ്പാല ഈ ഏസ്സ്‌ഗാറാര് ആറാള്‌മ് എന്നോഡ കയിസര്യാക്ക് ബന്താര്. കൊറ്‌ന്നല്ലോസു ബീ്ഡ്‌ക്ക്‌ത്തെ എമ്മ പോനാദ്.

അപ്പോസുത്തലാര് 13:2

അവാര് തീനി തിന്നാത്ത പരേസ പരേസി ആണ്ടവാന്‌ന കുമ്മുഡി കൊണ്ടിന്താര്. അദുക്കുള: <<നാന് ബറ്‌ണവാസ്‌നാമ് സവുലുനാമ് എന്ന് ഗിലാസാക്കായി ബ്‌ളിത്ത്‌റ്‌ന്റെ. അദ്‌നാലെ അദ്‌ക്ക് ബേ്ണ്ടി അവാര്‌ന എനാക്ക് അലാക്ക പ്‌റ്‌ത്ത് തരുഡൊ.>> എന്റ് സാമിനിഗാല് അവാര്‌ക്ക് സൊല്ലുറ്റു.

അപ്പോസുത്തലാര് 15:7

എഞ്ചോ ഗളിഗെ തറ്‌ക്ക്‌ന പ്‌റ പത്ത്‌റോസു ഇ്ളാഗി ഇത്തെ സൊന്നാന്. <<ഏസ്സ്‌ഗാറാരെ, എഗുദാര് അല്ലാത്ത ജാദിഗാള് നല്ല സേദിന കേ്ട്ട് നമ്പ്യ ബേ്ണ്ടി, അവാര്‌ക്ക് നല്ല സേദിന സൊല്ല്യ എന്നലോ താനെ സാമി എനാന നിമ്മ് പട്ട്‌ലിന്ത് തെരിന്തെ്ഡ്‌ത്താന്. അദ് നിമാക്കെല്ല തെരിമല്ല.

അപ്പോസുത്തലാര് 21:4

അദ്‌ല് ലേസ ഏസ്സ്‌ഗാറാര്‌ന കണ്ട പ്‌റ എമ്മ അവാരോഡ ഒന്റു ബാര തങ്ക്‌നേമ്. സാമിനിഗാല് സൊല്ല്യ സൊന്നാദ്‌നാലെ എര്‌സലേമക്ക് പോഗ ബേ്ഡ എന്റ് അവാര് പവുലോസുക്കു സൊന്നാര്.

അപ്പോസുത്തലാര് 8:29

<<അയി തേര്‌ക്ക് ഒപ്പ പൊ>> എന്റ് സാമിനിഗാല് പീലിപോസുക്കു സൊല്ലുറ്റു.

1 കൊരിന്ത്യഗാറാര് 12:11

ആന ഈ ബരഗാളെല്ല കൊഡുക്കുവാദ് ഒന്റേ സാമിനിഗാല്‌ത്തെ. അയാള് തനാക്ക് പ്‌ഡിത്ത പാസെ ഒന്റൊന്റാള്‌ക്ക്‌മ് അദാദ് ബരാന പങ്കി കൊഡുക്കുന്റാന്.

1 തിമിത്തോസു 4:1

ഇന്നി ബരുവ കാലാത്ത്‌ല് ഒന്റൊന്റാള്‌ഗാള് അവാര്‌ക്ക് ഏസ്സോഡിര്‌ക്കുവ നമ്പിക്കേന ബ്‌ട്ട്‌തള്ളി പൊയി സൊല്ലി സദിക്കുവ നിഗാല്‌ഗാള് സൊല്ലുനാമ് സെയിത്താന് പഡുസുവ കാര്യഗാള്‌നാമ് നമ്പുവാരെന്റ് സാമിനിഗാല് സൊക്കാന സൊല്ലുന്റു.