അപ്പോസുത്തലാര് 1:7 - സാമി സേദി

⁷ ഏസ്സ് അവാര്‌ക്ക് ഇത്തെ സൊന്നാന്: <<അയി കാല നേരന, എന്ന് അപ്പാന് സാമി സൊന്ത അദിഗരാത്ത്‌ല് ഒരിക്കി ബെത്ത്‌റ്‌ന്റാന്. അദെല്ല നിമ്മ തെരിന്ത്‌റ്‌ക്കുവാദല്ല.

അപ്പോസുത്തലാര് 1:7 ပူးပေါင်းရင်းမြစ်များ

മത്തായി 20:23

ഏസ്സ് അവാര്‌ക്ക്: <<സെരി, നാന് കുഡിക്ക്യ പോവ കജട്ട സെമ്പ്‌ലിന്ത് നിമ്മ കുഡിക്കുവുറു. എന്റാല്‌മ് എന്ന് ഇ്ഡസാരിമ് ബലസാരിമ് കുക്കാസുവാദ്‌ക്കുള്ള അദിഗര എന്ന് കയില് ഇല്ലെ. അദ് എന്ന് അപ്പാന് സാമി ആര്‌ക്ക് കൊഡുക്ക്യ ബെത്ത്‌റ്‌ന്റാനൊ അവാര്‌ക്ക് കെ്ഡേക്കുവു>> എന്റ് സൊന്നാന്.

മത്തായി 24:36

<<അയി ബര്യ പോവ നാള്‌മ് ഗളിഗേമ് എന്നാല്‌ക്കെന്റ് ആര്‌ക്ക്‌മ് തെര്യാമാട്ട. മേലോഗാത്ത്‌ല് ഇര്‌ക്കുവ ദൂദാര്‌ഗാള്‌ക്കൊ സാമി മഗാന്‌ക്കൊ അദ് തെര്യാമാട്ട. അദെല്ല അപ്പാനാന സാമി ഒരുത്താന്‌ക്ക്‌ത്തെ തെരിമ്.

മര്‌ക്കോസു 10:40

എന്റാല്‌മ് എന്ന് ഇ്ഡസാരിമ് ബലസാരിമ് കുക്കാസുവാദ്‌ക്കുള്ള അദിഗര എന്ന് കയില് ഇല്ലെ; അദ് സാമി ആര്‌ക്ക് കൊഡുക്ക്യ ബെത്ത്‌റ്‌ന്റാനൊ അവാര്‌ക്ക് കെ്ഡേക്കുവു>> എന്റ് സൊന്നാന്.

മര്‌ക്കോസു 13:32

<<അയി ബര്യ പോവ നാള്‌മ് ഗളിഗേമ് എന്നാല്‌ക്കെന്റ് ആര്‌ക്ക്‌മ് തെര്യാമാട്ട. മേലോഗാത്ത്‌ല് ഇര്‌ക്കുവ ദൂദാര്‌ഗാള്‌ക്കൊ സാമി മഗാന്‌ക്കൊ അദ് തെര്യാമാട്ട. അദെല്ല അപ്പാനാന സാമി ഒരുത്താന്‌ക്ക്‌ത്തെ തെരിമ്.

ലൂക്കോസു 21:24

അവാര്‌ല് ലേസ ആള്‌ഗാള്‌ന ബാള്‌ല് ബെ്ട്ടി കൊല്ലുവാര്. ലേസ ആള്‌ഗാള്‌ന പ്‌ഡിത്ത് ബേ്റെ നാഡ്‌ക്ക് എ്ഡ്‌ത്ത് പോവാര്. എഗുദാരല്ലാത്ത ജാദിഗാള് ആളുവ കാല മുഡ്യാമാട്ട്‌ക്ക് അയി ജാദിഗാള് എര്‌സലേമ്‌ന മെ്ട്ടിതൊഗേത്ത് തള്ളുവാര്.>>

അപ്പോസുത്തലാര് 17:26

ബൂലോഗാത്ത്‌ല് ഒട്ടുക്കു ഇര്‌ക്ക്യ ബേ്ണ്ടി ഒരുത്താന്‌ലിന്ത് മന്‌സാന് ജാദിന ഒട്ടുക്കു സാമി ഉണ്ടാക്ക്‌നാന്. താന് അവാര്‌ന ഉണ്ടാക്കുവാദ്‌ക്ക് മുദാല് താനെ അവാര് എഞ്ച് കാല ഏദ്‌ലെല്ല പെ്ളേക്കുഡൊ എന്റ്‌മ് എല്ലെ ബെത്താന്.

എപസോസുഗാറാര് 1:10

ഇദ്‌ന എത്തെ തെരിവാദ് എന്റ് സൊന്ന, ഒന്റൊന്റു കാര്യഗാള് ഏദേദ് ഗളിഗേക്ക് നഡാക്കുഡൊ എന്റ് സാമി മുദാല് താനെ നെനേത്തിന്താന്. അദെല്ല നഡാന്ത് മുഡിഗാട്ടി മേലോഗാത്ത്‌ല്‌മ് ബൂലോഗാത്ത്‌ല്‌മ് ഇര്‌ക്കുവാദ്‌ന ഒട്ടുക്കു ക്‌റ്‌സ്‌ത്ത് ആള്‌വാനെന്റ്‌മ് സാമി മുദാല് താനെ നെനേത്തിന്താന്.

1 തിമിത്തോസു 6:15

സാമി മുഡിവു മാഡിര്‌ക്കുവ അദേ നേരാക്ക് താനെ അയാള് മറിസി ബരുവാന്. അയി സാമി ബാഗ്യകേ്ട്ടവാന്‌മ് ഒന്റേ ഒരുത്താനിന്ത് ആള്‌ന്റവാന്‌മ് എല്ലാ രാജാവുഗാള്‌ക്ക് രാജാവുമു ആണ്ട്‌റ്‌ന്റവാര്‌ഗാള്‌ക്ക് ആണ്ടവാന്‌മ്‌ത്തെ.

2 തിമിത്തോസു 3:1

കഡേസി കാലാത്ത്‌ല് എഞ്ചോ കജട്ടഗാള് ബര്‌മെന്റ് നെനേത്ത്‌റ്‌ക്കുഡൊ.