3 ഓഗന്നാന് 1:9 - സാമി സേദി

⁹ ഇദേപാസെ ബേ്ഡ്‌മാന കാര്യഗാള് ഗേന്ത് കൊഡുക്ക്യ അദ്‌ലിര്‌ക്കുവ ഏസ്സ്‌ഗാറാര് കൂട്ടാക്ക് മുദാല് താനെ ഒന്റു എ്ള്‌ത്ത് എ്ള്‌ദി ബ്‌ട്ടിന്തെ. ആന ദിയോത്തിരിപോസു ദൊഡ്ഡവാനായ ആസെപട്ടിന്താദ്‌നാലെ നമ്മ സൊന്നാദ്‌ന സെറ്റെ ഗുഡി കേ്ള്‌ക്കാലെ.

3 ഓഗന്നാന് 1:9 ပူးပေါင်းရင်းမြစ်များ

മത്തായി 7:8

ബേ്ഡ്‌ന്റവാര്‌ക്കെല്ല കെ്ഡേക്ക്‌മ്, കേ്ട്ട്‌കണ്ട് നോഡുന്റവാര് കണ്ട്‌പ്‌ഡിക്കുവാര്, കൊട്ടുന്റവാര്‌ക്ക് ത്‌റാക്ക്‌മ്.

മര്‌ക്കോസു 9:34

ആന തമ്മ് കൂട്ടാത്ത്‌ല് ആര് ദൊഡ്ഡവാന് എന്നുവാദ്‌ന പറ്റിത്തെ അവാര് ബട്ടേല് ബെത്ത് തറ്‌ക്കിന്താദ്. അദ്‌നാലെ അവാര് സപ്പെന്റിന്താര്.

മര്‌ക്കോസു 9:37

<<ഇദേപാസെ ഇര്‌ക്കുവ മക്കാള്‌ഗാള്‌ല് ഒന്റു മഗാന എന്ന് പേര്‌ല് തങ്കാരിക്ക്‌ന്റവാന് എനാന തങ്കാരിക്ക്‌ന്റാന്. എനാന തങ്കാരിക്ക്‌ന്റവാന് എനാന താനെ അല്ല എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്>> എന്റ് സൊന്നാന്.

ലൂക്കോസു 9:48

എന്റിന്ത് ഇത്തെ സൊന്നാന്: <<എന്ന് പേര്‌ല് ഈ സ്‌ന്ന മഗാന തങ്കാരിത്തദാന എനാന തങ്കാരിത്താദ്‌ക്ക് സമാത്തെ. അദേപാസെ എനാന തങ്കാരിക്ക്‌ന്റവാന് എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്. നിമ്മ് കൂട്ടാത്ത്‌ല് മ്‌ഗ്‌ന്ത തണിമോഡ നഡാക്ക്‌ന്റവാന്‌ത്തെ നേര്‌മായിമ് ദൊഡ്ഡവാന്.>>

റോമഗാറാര് 12:10

ക്‌റ്‌സ്‌ത്ത്‌ന നമ്പിര്‌ക്കുവ നിമ്മ പെ്റ്റപ്‌റാപ്പ്‌ഗാള്‌ന പാസെ ആങ്കീങ്ക് സീവാന്‌ബെത്ത് നഡാന്, ആങ്കീങ്ക് മദിസി നഡാക്കുവ കാര്യാത്ത്‌ല് നിമ്മ മുന്ത്‌നവാര് ആയിര്‌ന്.

കൊലേസ്യഗാറാര് 1:18

എല്ലാദ്‌ക്ക്‌മ് മുമ്പാനായിര്‌ക്ക്യ ബേ്ണ്ടി അയാള് സത്തവാര് പട്ട്‌ലിന്ത് മുദാല് ഉജുര്‌ളാഗ്‌നവാന്‌മ് തന്ന് സരിഗലായിര്‌ക്കുവ ഏസ്സ്‌ഗാറാര് കൂട്ടാക്ക് തലെ ആയിര്‌ക്ക്‌ന്റവാന്‌മ്‌ത്തെ.

2 ഓഗന്നാന് 1:9

ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് കെ്ട്ട്‌പട്ട് നഡാക്കുവാദ് പറ്റാദെ ബേ്റെ കാര്യഗാള്‌മ് ഗേഡൊ എന്റ് പഡ്‌സ്‌ന്റവാരോഡ സാമി ഇര്‌ക്കുവാദില്ലെ. ആന ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് താനെ കെ്ട്ട്‌പട്ട് നഡാക്ക്‌ന്റവാരോഡ അപ്പാന് സാമിമ് മഗാന് ഏസ്സ്‌മ് ഇര്‌ക്ക്‌ന്റാന്.

3 ഓഗന്നാന് 1:8

അദ്‌നാലെ ഏസ്സ് ക്‌റ്‌സ്‌ത്ത്‌ന പറ്റി അവാര് പഡുസുവ കാര്യഗാള്‌ല് നമ്മാമ് പങ്ക്‌ഗാറാരായ ബേ്ണ്ടി ഏസ്സ്‌ന നമ്പി നഡാക്കുവ നമ്മ അവാര്‌ന പാസെ ഇര്‌ക്കുവ ആള്‌ഗാള്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുക്കുഡൊ.