3 ഓഗന്നാന് 1:7 - സാമി സേദി

⁷ എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന പറ്റി പഡുസുവ കാര്യഗാള്‌ന പഡിസ്യ ബേ്ണ്ടിത്തെ അവാര് ഒന്റൊന്റു എ്ഡേക്ക് പോവാദ്. ആന അവാര് അത്തെ പോഗാട്ടി ഏസ്സ്‌ന നമ്പാത്തവാരോഡ ഒന്റുമു ബാങ്കാദെത്തെ പോന്റാര്.

3 ഓഗന്നാന് 1:7 ပူးပေါင်းရင်းမြစ်များ

ഓഗന്നാന് 15:21

എന്റാല്‌മ് എനാന സൊല്ലി ബ്‌ട്ടവാന്‌ന അവാര്‌ക്ക് തെര്യാത്താദ്‌നാലേമ് നിമ്മ എന്ന് ആള്‌ഗാള് ആനാദ്‌നാലേമ് ഇദൊട്ടുക്കു നിമാക്ക്‌മ് അവാര് ഗേവാര്.

അപ്പോസുത്തലാര് 20:33

ആരാറ്റ പൊന്നുക്കൊ, ബെ്ള്ളിക്കൊ, സീലെസിലാപ്പ്‌ക്കൊ നാന് ആസെപഡാലെ.

അപ്പോസുത്തലാര് 20:35

ഇത്തെ നാന് നിമാക്ക് ഗേന്ത് കാട്ടി തന്ത്‌റ്‌ക്കുവാദ്‌നാലെ നിമ്മ എല്ലാ കാര്യാത്ത്‌ല്‌മ് മ്‌ഗ്‌ന്ത പാഡ്‌പട്ട് നോയിഗാറാര്‌ന കയിതാങ്കുഡൊ. <ബാങ്കുവാദ്‌ന ബ്‌ഡ കൊഡുക്കുവാദ്‌ല്‌ത്തെ പിര്യപഡുഡൊ> എന്റ് ആണ്ടവാന് ഏസ്സ് സൊന്നാദ്‌ന മറാക്കദേന്.>>

അപ്പോസുത്തലാര് 5:41

ഏസ്സ്‌ക്ക് ബേ്ണ്ടി മാനഗെ്ഡ്യ എ്ഡെ കെ്ഡേത്താദ്‌നാലെ അപ്പോസുത്തലാര് പിര്യപിര്യാത്ത് എഗുദ കോഡിദിലിന്ത് പോനാര്.

അപ്പോസുത്തലാര് 8:4

ജില്ലമ്പുല്ലാത്ത് ആയി പോന ഏസ്സ്‌ഗാറാര് നല്ല സേദിന സൊല്ലികൊണ്ടു എല്ലാ സാരി പോനാര്.

അപ്പോസുത്തലാര് 9:16

എനാക്ക് ബേ്ണ്ടി എന്തെല്ല കജട്ടഗാള് താങ്കുഡൊ എന്നുവാദ്‌ന നാന് താനെ അയാള്‌ക്ക് കാട്ടി കൊഡുക്കുവേന്>> എന്റ് സൊന്നാന്.

1 കൊരിന്ത്യഗാറാര് 9:18

അന്നാപ്പ് എനാക്കുള്ള കൂലി എന്ത്? നാന് നല്ല സേദിന സൊല്ലുഗാട്ടി നല്ല സേദിന സൊല്ലുവ ആള്‌ഗാള്‌ക്കുള്ള അദിഗരാന കാട്ടുവാദില്ലെ. അദ്‌ക്ക് ബദ്‌ല സിലാവുക്കു ഒന്റുമു ബാങ്കാദെത്തെ നാന് നല്ല സേദിന സൊല്ലുവാദ്. ഈ ദിന്‌സ്‌ല് ഗേവാദ്‌ല് ഇര്‌ക്കുവ പിര്യാത്തെ എന്ന് കൂലി.

2 കൊരിന്ത്യഗാറാര് 12:13

നാന് നിമ്മോഡിന്ത് എന്ന് സിലാവുക്കു ബേ്ണ്ടി ബാങ്കി നിമാന ബുദ്ദിമുട്ടുസാലെ. ആന ബേ്റെ ഏസ്സ്‌ഗാറാര് കൂട്ടാത്ത്‌ലിന്ത് നാന് എന്ന് സിലാവുക്കുള്ളാദ് ബാങ്ക്‌നെ. അദല്ലാദെ നാന് ബേ്റെ എന്ത് കുറ്റ ഗേന്തെ? ഈ കുറ്റന പൊറുക്കുഡോമെ.

2 കൊരിന്ത്യഗാറാര് 4:5

എമ്മ എമാന പറ്റി അല്ല സൊല്ലുവാദ്, ഏസ്സ് ക്‌റ്‌സ്‌ത്ത്‌ത്തെ ആണ്ടവാന് എന്റ്‌മ് എമ്മ അയാള് ആസെപഡി നിമാക്ക് ബേ്ണ്ടി ഗിലാസ ഗേന്റവാര് എന്റ്‌മ്‌ത്തെ എമ്മ സൊല്ലുവാദ്.

പിലിപ്പ്യഗാറാര് 2:9

അദ്‌നാലെ സാമി ക്‌റ്‌സ്‌ത്ത് ഏസ്സ്‌ന ഉജുര്‌ളാക്കി, എല്ലാ പദവിപട്ടാക്ക്‌മ് ബ്‌ഡ ഉജാന്ത പദാവിപട്ടന ക്‌റ്‌സ്‌ത്ത് ഏസ്സ്‌ക്ക് കൊഡുത്തു, എല്ലാവാര്‌ന ബ്‌ഡ ദൊഡ്ഡവാന് മാഡ്‌നാന്.

കൊലേസ്യഗാറാര് 1:24

അദ്‌നാലെ ഏസ്സ്‌ഗാറാര് കൂട്ട ആയിര്‌ക്കുവ നിമാക്ക് ബേ്ണ്ടി നാന് പട്ട കജട്ടന നെനേത്ത് നാന് പിര്യപൊങ്കുന്റെ. എന്ത്‌ക്കെന്റ് സൊന്ന ഏസ്സ്‌ഗാറാര് കൂട്ട എന്നുവ തന്ന് സരിഗലാക്ക് ബേ്ണ്ടി ക്‌റ്‌സ്‌ത്ത് പട്ട കൊഡിമെഗാള്‌ക്ക് നാന്‌മ് പങ്ക്‌ഗാറാന് ആന്റെ.

3 ഓഗന്നാന് 1:8

അദ്‌നാലെ ഏസ്സ് ക്‌റ്‌സ്‌ത്ത്‌ന പറ്റി അവാര് പഡുസുവ കാര്യഗാള്‌ല് നമ്മാമ് പങ്ക്‌ഗാറാരായ ബേ്ണ്ടി ഏസ്സ്‌ന നമ്പി നഡാക്കുവ നമ്മ അവാര്‌ന പാസെ ഇര്‌ക്കുവ ആള്‌ഗാള്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുക്കുഡൊ.

ബെ്ളിപട്ട കാര്യ 2:3

നിനാക്ക് പൊറിമോഡ താങ്ക്യ മുഡിന്റ്. എനാക്ക് ബേ്ണ്ടി കജട്ട പട്ട് ഗുഡി നീ സോറ്റു പോഗാദെ ഇര്‌ക്ക്‌ന്റായി എന്റ് എനാക്ക് തെരിമ്.