3 ഓഗന്നാന് 1:6 - സാമി സേദി

⁶ അവാര് ഈങ്ക് ബന്ത് ഇദ്‌ല ഏസ്സ്‌ഗാറാര് കൂട്ടാത്ത്‌ല് ബെത്ത് നീ സീവാന്‌ബെത്ത് ഗേന്ത് കൊഡുത്ത കാര്യഗാള്‌ന പറ്റി സൊന്നാര്. ഇന്നിമ് അവാര് നിമ്മ് പട്ട്‌ക്ക് ബന്ത് പോഗാട്ടി സാമി മനേസ്സ്‌ക്ക് പ്‌ഡിക്കുവ പാസെ അവാര്‌ക്ക് നല്ല നല്ല കാര്യഗാള് ഗേന്ത് കൊഡുത്തു കയിതാങ്കി ബ്‌ഡ്‌ഡൊ എന്റ് നാന് നിനാക്ക് സൊല്ലുന്റെ.

3 ഓഗന്നാന് 1:6 ပူးပေါင်းရင်းမြစ်များ

അപ്പോസുത്തലാര് 15:29

സെലെഗാള്‌ക്ക് മേല്‌സ ബെത്താദ്‌ന തിന്ന ബേ്ഡ, ബേസ്യാഡ ബേ്ഡ, മുട്ടുമുട്ടുത്തു സത്ത ബേ്ണ്ട്‌ഗാള്ത്ത് സോരെ സൂസി തള്ളാത്താദ്‌നാലെ അയി ബേ്ണ്ട്‌ഗാള് കറിന തിന്ന ബേ്ഡ, ഏദ് ബേ്ണ്ട് സോരെനാമ് കുഡിക്ക ബേ്ഡ. ഈ കാര്യഗാള്‌നെല്ല ഗേഗാദിന്ത നിമാക്ക് നല്ലാദ്. നിമ്മ നലമായി ഇര്‌ക്കുഡൊ!>>

അപ്പോസുത്തലാര് 15:3

പ്‌റ ഏസ്സ്‌ഗാറാര് കൂട്ട അവാര്‌ന എര്‌സലേമ് പട്ടണാക്ക് സൊല്ലി ബ്‌ട്ടാര്. അത്തെ അവാര് പൊയിനിക്ക്യ, സമര്യ ദേസമേലെ പോനാര്. അത്തെ പോഗാട്ടി അവാര് എഗുദാര് അല്ലാത്ത ജാദിഗാള് സാമിസാരി ബന്താദ്‌നെല്ല അയി ദേസാല ഏസ്സ്‌ഗാറാര്‌ക്ക് സൊന്നാര്. അയി സേദിന കേ്ട്ട് അവാര് ഒട്ടുക്കു എത്ത്‌റാഗോ പിര്യപട്ടാര്.

അപ്പോസുത്തലാര് 21:5

അവാരോഡ ഇന്ത് പോവ നേര ബര്‌ഗാട്ടി എമ്മ അവാര് പട്ട്‌ലിന്ത് പോനേമ്. അദുക്കുള അവാര്‌മ് അവാര് പെ്ണ്ടച്ച്യാമ്‌മ് മക്കാള്‌ഗാള്‌മ് ഒന്റായി എമ്മോഡ പട്ടണാക്ക് ബെ്ളിഗെ കഡാലോര മാട്ട്‌ക്ക് ബന്താര്. എമ്മ ഒട്ടുക്കു അദ്‌ല് സന്തൂന്റി നിന്റ് പരേസ്‌നേമ്.

റോമഗാറാര് 15:24

അദ്‌നാലെ പെയിന്‌ക്ക് പോഗാട്ടി നിമ്മ് പട്ട്‌ക്ക് ബരുവെ. അത്തെ ബന്ത് നിമാന കാണുവെ എന്റ്‌മ് നിമ്മോഡൊപ്പ ലേസ നാള് ഇര്‌ക്കുവെ എന്റ്‌മ് അദ്‌ലിന്ത് പോഗാട്ടി പോവാദ്‌ക്ക് ബേ്ഡ്‌മാനാദെല്ല തന്ത് കയി താങ്കുവുറു എന്റ്‌മ് നാന് നെനേക്ക്‌ന്റെ.

പിലിപ്പ്യഗാറാര് 4:14

എന്റാല്‌മ് എനാക്ക് ബന്ത ബുദ്ദിമുട്ടുലു നിമ്മ എനാന കയിതാങ്ക്‌നാദ് എത്ത്‌റാഗോ നല്ലാദാറ്റ്.

കൊലേസ്യഗാറാര് 1:10

അദല്ലാദെ താനെ സാമിന പറ്റി തെരിവ അറുവുലു ദൊഡ്ഡവാരായി സാമിക്ക് മെച്ച്‌പ്‌ഡിത്ത ദിന്‌സ്‌ല് നല്ല കാര്യഗാള് ഗേന്ത് ക്‌റ്‌സ്‌ത്ത്‌ന പാസെ നല്ല ഗുണ ഉള്ളവാരായി പെ്ളേക്ക്യ ബേ്ണ്ടിമ് എമ്മ പരേസ്‌ന്റേമ്.

തീത്തോസു 3:13

നായഗാറാന് സേനാസ്‌നാമ് അപ്പലോസുനാമ് ഒന്റുക്കുമു ബുദ്ദിമുട്ടുസാദെ പോവ ബട്ടേക്ക് ബേ്ഡ്‌മാനാദെല്ല അവാര്‌ക്ക് കൊഡുത്തു സൊല്ലി ബ്‌ഡ്‌ഡൊ.

1 പത്ത്‌റോസു 2:20

നിമ്മ കുറ്റ ഗേന്ത് കെ്ഡേസ്‌ന അഡിന താങ്കുവാദ്‌നാലെ നിമാക്ക് എന്ത് പെരിമെ ഇര്‌ക്ക്‌ന്റ്? ആന നല്ലാദ് ഗേന്ത പേര്‌ല് കജട്ട പഡുവാദ്‌ന താങ്കുവദാന സാമി നിമാന പിര്യപഡുവാന്.

3 ഓഗന്നാന് 1:12

ദെമേത്ത്‌റോസുന പറ്റി ആള്‌ഗാളൊട്ടുക്കു നല്ലവാന്‌ത്തെ എന്റ് സൊല്ലുവാദ്‌നാലെ അദ് നേര്‌ത്തെ. എമ്മാമ് അയാള്‌ന നല്ലവാന് എന്റ്‌ത്തെ സൊന്റേമ്. എമ്മ ഉറുട്ടു സൊല്ലുവാദില്ലെന്റ് നിമാക്ക് തെരിമല്ല.