3 ഓഗന്നാന് 1:10 - സാമി സേദി

¹⁰ അദ്‌നാലെ നാന് നിമ്മ് പട്ട്‌ക്ക് ബര്‌ഗാട്ടി അവാന് ഗേവ കെ്ട്ട കാര്യഗാള്‌ന നാന് നിമാക്ക് സൊല്ലുവെ. അയാള് നമാന പറ്റി നേരല്ലാത്ത കാര്യഗാള്‌നത്തെ സൊല്ലി നഡാക്ക്‌ന്റാന്. അദ് പറ്റാദെ ഇദ്‌ക്ക്‌മ് മീ്റ്‌ന കാര്യഗാള്‌നാമ് അയാള് ഗേന്റാന്. ഏസ്സ് ക്‌റ്‌സ്‌ത്ത്‌ന പറ്റി പഡിസ്യ ബന്റവാര്‌ന സേത്തുവാദ്‌മില്ലെ, അവാര്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുക്കുവാദ്‌മില്ലെ. അത്തെ സേത്തി ബേ്ഡ്‌മാന കാര്യഗാള് ഗേന്ത് കൊഡുക്ക്യ മനേസ്സിര്‌ക്ക്‌ന്റവാര്‌ന അത്തെ ഗേയ ബ്‌ഡുവാദ്‌മില്ലെ. അത്തെ ഗേന്റവാര്‌ന ഏസ്സ്‌ഗാറാര് കൂട്ടാത്ത്‌ലിന്ത് മുഡിക്കിമ് ബ്‌ഡ്‌ന്റാന്.

3 ഓഗന്നാന് 1:10 ပူးပေါင်းရင်းမြစ်များ

ലൂക്കോസു 6:22

മന്‌സാനായി പ്‌റാന്ത്‌റ്‌ക്കുവ എന്ന് സൊല്ലുപഡി നിമ്മ നഡാക്ക്‌ന്റവാര് ആയിര്‌ക്കുവാദ്‌നാലെ ആള്‌ഗാള് നിമാന പഗേക്കാട്ടിമ്, നിമാന തമ്മ് കൂട്ടാക്ക് സേത്താദിര്‌ക്കാട്ടിമ്, നിമാന നാണഗെ്ഡ്‌സ്‌ഗാട്ടിമ്, നിമാന കെ്ട്ടവാര് എന്റ് സൊല്ലുഗാട്ടിമ് നിമ്മ ബാഗ്യകേ്ട്ടവാര്.

ഓഗന്നാന് 9:22

എഗുദാര്‌ക്ക് അഞ്ചിത്തെ അവാന് അവ്വ്യപ്പാന് ഇത്തെ സൊന്നാദ്. എന്ത്‌ക്കെന്റ് സൊന്ന, ഏസ്സ്‌ന ക്‌റ്‌സ്‌ത്ത് എന്റ് സൊന്റവാര്‌നെല്ല എഗുദാര് പരേസുവ ബീ്ഡ്‌ക്ക് സേത്ത ബേ്ഡ എന്റ് എഗുദാര് മുദാല് താനെ സട്ട കെ്ട്ടിന്താര്.

അപ്പോസുത്തലാര് 1:15

ലേസ നാള് കളിന്ത പ്‌റ ഏസ്സ്‌ഗാറാര് ഒന്റു കൂട്ട കൂഡുനാര്. ഒപ്പതപ്പ നൂറ്റിരുവദ് ഏസ്സ്‌ഗാറാര് ഈ കൂട്ടാത്ത്‌ല് ഇന്താര്. അദുക്കുള പത്ത്‌റോസു ഇ്ളാഗി നിന്റ് ഇത്തെ സൊന്നാന്:

2 കൊരിന്ത്യഗാറാര് 13:2

നാന് റണ്ടാവാദ്‌മ് നിമ്മ് പട്ട്‌ക്ക് ബന്ത്‌റ്‌ക്കാട്ടി പാവ ഗേന്തവാര്‌ക്ക്‌മ് ബേ്റെ എല്ലാവാര്‌ക്ക്‌മ് നാന് ഇന്നി ബന്ത പൊറുക്കമാട്ടെ എന്റ് സൊല്ലിന്തെ. ഇന്നാല് നാന് ദൂരാത്ത്‌ലിന്ത് കൊണ്ടുമു പൊറുക്കമാട്ടെ എന്റ് അദേ കാര്യന താനെത്തെ സൊന്റെ.

ഗലാത്ത്യഗാറാര് 6:10

നല്ലാദ് ഗേയ സദുവു കെ്ഡേക്കാട്ട്യെല്ല എല്ലാ ആള്‌ഗാള്‌ക്ക്‌മ് നല്ലാദ് ഗേഡൊ. മുക്ക്യമായിമ് നമാന പാസെ ഏസ്സ്‌ന നമ്പിര്‌ക്ക്‌ന്റവാര്‌ക്ക് ഒട്ടുക്കുമു ഗേഡൊ.

1 തിമിത്തോസു 5:13

അവാര്‌ന ഈ കൂട്ടാക്ക് സേത്ത്‌നദാന അവാര് കള്ള ബ്‌ന്ത് നേര മാഡി നഡാക്കുവാര്. അദ് താനേമല്ല ബീ്ഡ് ബീ്ഡ പോയി ബേ്റെ ആള്‌ഗാള് കാര്യാക്ക് തലെ ഇക്കി നൊണ്ടു സൊല്ലിമ് നഡാക്കുവാര്.

2 ഓഗന്നാന് 1:10

ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് കെ്ട്ട്‌പട്ട് നഡാക്കുവാദ് പറ്റാദെ ബേ്റെ കാര്യഗാള്‌മ് ഗേഡൊ എന്റ് പഡിസ്യ ബന്റവാര്‌ന നിമ്മ ബിനാത്താമ് ബേ്ഡ, ബീ്ഡ്‌ക്ക് സേത്താമ് ബേ്ഡ.

2 ഓഗന്നാന് 1:12

ഇദേപാസെ ഇര്‌ക്കുവ എഞ്ചോ കാര്യഗാള് നിമാക്ക് സൊല്ലി തര്യ എനാക്ക് ഇര്‌ക്ക്‌ന്റ്. അദ്‌നെല്ല എ്ള്‌ദി തര്യ നാന് ആസെപഡുവാദില്ലെ. അദ്‌നാലെ നിമ്മ് പട്ട്‌ക്ക് ബന്ത് നിമാന നേരഡി കണ്ട് നിമ്മോഡ നായനൊഡ്യ നാന് ആസെപഡ്‌ന്റെ. അത്തെ നമ്മ ആങ്കീങ്ക് പിര്യപൊങ്കുല.

3 ഓഗന്നാന് 1:3

ഏസ്സ്‌ഗാറാര്‌ല് ലേസ ആള്‌ഗാള് നിന്ന് പട്ട്‌ലിന്ത് ബന്ത് നീ സാമ്യോഡ നല്ല എ്ണേവു ബെത്ത് നഡാക്ക്‌ന്റായി എന്റ് എനാക്ക് സൊല്ലുഗാട്ടി നാന് മീ്റ്‌ന പിര്യപട്ടെ.

3 ഓഗന്നാന് 1:5

എനാക്ക് മെച്ച്‌പ്‌ഡിത്തവാനെ, നീ ഏസ്സ്‌ഗാറാര്‌ക്ക് താനേമല്ല, ഏസ്സ്‌ഗാറാര്‌ല് നിനാക്ക് പളാക്കില്ലാത്തവാര്‌ക്ക് ഗുഡി എത്ത്‌റാഗോ നല്ല ദിന്‌സ്‌ല് നല്ല കാര്യഗാള് ഗേന്ത് അവാര്‌ന കയിതാങ്കിര്‌ന്റായി.