2 തിമിത്തോസു 4:17 - സാമി സേദി

¹⁷ ആന ആണ്ടവാന് എനാക്ക് തൊണെ ഇന്ത് എനാന ബില പഡിസി എന്ന് ഉജുരുക്കു ബന്ത ആവാത്ത്‌ലിന്ത് ആണ്ടവാന് എനാന കാപാറ്റ്‌നാന്. അദ്‌നാലെ എല്ലാ എഗുദാരല്ലാത്ത ജാദിഗാള്‌മ് കേ്ള്‌ക്കുവ ദിന്‌സ്‌ല് നല്ല സേദിന സൊക്കാന സൊന്നേന്.

2 തിമിത്തോസു 4:17 ပူးပေါင်းရင်းမြစ်များ

മത്തായി 10:19

ആന നിമാന അവാര് പ്‌ഡിത്ത് എ്ഡ്‌ത്ത് പോയി കൊഡുക്കാട്ടി എന്ത്‌ന സൊല്ലുഡൊ എന്റൊ, എത്തെ സൊല്ലുഡൊ എന്റൊ നെനേത്ത് അര്‌ക്കപഡബേ്ഡ. നിമാക്ക് സൊല്ല്യ ഉള്ള കാര്യ അന്നാല് താനെ കെ്ഡേക്ക്‌മ്.

ലൂക്കോസു 1:1

നാന് മദിസി നഡാക്കുവ എന്ന് തേപലോസെ, നമ്മ് പട്ട്‌ല് നഡാന്ത കാര്യഗാള്‌ന പറ്റി എ്ള്‌ദ്യ എഞ്ചോ ആള്‌ഗാള് തമാക്കാഗമാട്ട് ഓരാഡിര്‌ന്റാര്.

ലൂക്കോസു 21:15

എന്ത്‌ക്കെന്റ് സൊന്ന നിമ്മ് പോട്ടിഗാറാര് ആര്‌ക്ക്‌മ് മുട്ട്യാമ് തിരിക്കി സൊല്ല്യാമ് മുഡ്യാത്ത ദിന്‌സ്‌ല് സൊല്ല്യ മുഡിവ നായഗാള്‌മ് ബുദ്ദിമ് നാന് നിമാക്ക് തരുവെ.

അപ്പോസുത്തലാര് 23:11

അന്റ് ജാമാത്ത്‌ല് ആണ്ടവാന് പവുലോസു അര്‌ഗെ നിന്റ്: <<അഞ്ചാദെ, നീ എര്‌സലേമ്‌ല് എനാന പറ്റി സൊന്ന പാസെ റോമ പട്ടണാത്ത്‌ല്‌മ് എനാന പറ്റി സൊല്ലുഡൊ>> എന്റ് സൊന്നാന്.

അപ്പോസുത്തലാര് 9:15

ആണ്ടവാന് അനനാസ്‌ക്ക് ഇത്തെ സൊന്നാന്. <<എന്റാല്‌മ് നീ പോഡൊ, സവുലുന നാന് എനാക്ക് ബേ്ണ്ടി ഗിലാസ ഗേയ തെരിന്തെ്ഡ്‌ത്ത്‌റ്‌ന്റേന്. നാന് ആര് എന്റ് രാജാവുഗാള്‌ക്ക്‌മ്, ബേ്റെ ജാദിഗാള്‌ക്ക്‌മ്, ഇസ്‌റവേല്‌ഗാറാര്‌ക്ക്‌മ് അയാള് സൊല്ലുവാന്.

റോമഗാറാര് 15:31

എഗുദാലിര്‌ക്കുവ ഏസ്സ്‌ന നമ്പാത്തവാര് കയിലിന്ത് സാമി എനാന കാപാറ്റ്യ ബേ്ണ്ടിമ് നാന് എര്‌സലേമ്‌ല സാമിക്ക് പട്ടവാര്‌ക്ക് എ്ഡ്‌ത്ത് പോവ ദാന അവാര്‌ന പിര്യപ്‌ഡിസ്യ ബേ്ണ്ടിമ് സാമിക്ക് പരേസ്‌ന്.

2 കൊരിന്ത്യഗാറാര് 12:9

ആന <<എന്ന് പ്‌ണ്ണ്യ നിനാക്ക് മദി, മുഡ്യാമാട്ട എന്റ് നീ സൊല്ലുവ ഗളിഗേക്ക് എന്ന് സക്‌തി തെഗേന്ത് ബന്റ്>> എന്റ്‌ത്തെ ആണ്ടവാന് എനാക്ക് സൊന്നാദ്. അദ്‌നാലെ എനാക്ക് ഇര്‌ക്കുവ കൊറേവുന പറ്റി അദിഗ പെരിമെപഡുവെ. എന്ത്‌ക്കെന്റ് സൊന്ന എന്ന് കൊറേവുനാലെ ക്‌റ്‌സ്‌ത്ത്‌ക്ക് അദിഗ സക്‌തി കാട്ട്യ മുഡിമ്.

എപസോസുഗാറാര് 3:8

ക്‌റ്‌സ്‌ത്ത്‌ന ബെത്ത് ഇന്നമാട്ട്‌ക്ക് സൊല്ലി തരാദിന്ത അയി അറുവു എത്ത്‌റ ദൊഡ്ഡാദ്? ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്കുവ എഞ്ചോ ആള്‌ഗാള് കൂട്ടാത്ത്‌ല് നാന് ദൊഡ്ഡവാനല്ല. അത്തിന്ത് ഗുഡി അയി നല്ല സേദിന സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്താന്.

1 തിമിത്തോസു 1:12

തന്ന് ഗിലാസാന നാന് ഗേവേനെന്റ് നമ്പി എനാന തന്ന് ഗിലാസാക്ക് ബേ്ണ്ടി എ്ഡ്‌ത്ത് ബെത്താദ്‌ക്ക് നാന് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌ക്ക് നണ്ണി സൊന്റെ. അയി ഗിലാസ ഗേയ എനാന ബിലപഡ്‌സ്‌നാദ്‌ക്ക്‌മ് നണ്ണി സൊന്റെ.

2 തിമിത്തോസു 2:1

അദ്‌നാലെ എനാക്ക് മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സ് പ്‌ണ്ണ്യാത്ത്‌ല് നീ ബിലപട്ടവാനായി ഇര്.

2 തിമിത്തോസു 2:9

അയി നല്ല സേദിന സൊല്ലുവാദ്‌നാലെത്തെ നാന് കജട്ട പഡുവാദ്‌മ് ഇന്നാല് ഒന്റു കുറ്റ ഗേന്തവാന്‌ന പാസെ എനാന സങ്കിലിക്കി കെ്ട്ടി ബെത്ത്‌റ്‌ക്കുവാദ്‌മ്. ആന നാന് ജെയില്‌ല് ഇന്താല്‌മ് ബേ്റെ ആള്‌ഗാള് സാമിത്ത് ഈ നല്ല സേദിന പറ്റി സൊല്ലി കൊഡുക്കുവാര്.

2 തിമിത്തോസു 3:11

നാന് കൊഡിമെ പട്ടാദ്‌നാമ്, നാന് കജട്ട പട്ടാദ്‌ഗാള്‌നാമ് നിനാക്ക് തെരിമല്ല. അന്തോക്ക്യ, ഇക്കോന്യ, ലുസുറ എന്നുവ പട്ടണഗാള്‌ല് നാന് എന്തെല്ല കൊഡിമെഗാള് പട്ടേനെന്റ് നിനാക്ക് തെരിമ്. ആന അദ്‌ലിന്തെല്ല ആണ്ടവാന് എനാന കാപാറ്റ്‌നാന്.

2 തിമിത്തോസു 4:5

ആന നീ ഏദ്‌ഗളിഗേമ് സൂസാരിത്ത് നഡാക്കുഡൊ, എല്ലാ കജട്ടനാമ് താങ്കുഡൊ, നല്ല സേദിന സൊല്ലി കൊഡുക്കുഡൊ, സാമി നിനാക്ക് ഗേയ തന്ത്‌റ്‌ക്കുവ ഗിലാസനൊട്ടുക്കു നീ നലമായി ഗേഡൊ.

എവുറായാര് 11:33

അവാര്‌ക്ക് നമ്പിക്കെ ഇന്താദ്‌നാലെ രാജ്യഗാള്‌ന സോലുസ്‌നാര്, നേര്‌മെ ഉള്ള കാര്യഗാള്‌ന ഗേന്താര്, സാമി തരുവെ എന്റ് ബാക്ക് തന്താദ്‌ന കെ്ഡേസ്‌നാര്, സിങ്കഗാള് ബായിന കെ്ട്ട്‌നാര്,

1 പത്ത്‌റോസു 5:8

നിമ്മ അഡക്കൊദുക്കത്തോഡ ഇര്‌ക്ക്‌ന്റവാര്‌മ് സൂസാരിത്തിര്‌ക്ക്‌ന്റവാര്‌മ് ആയിര്‌ന്. എന്ത്‌ക്കെന്റ് സൊന്ന നിമ്മ് പോട്ടിഗാറാന് സെയിത്താന് മൊരേവ സിങ്കന പാസെ ആര്‌ന പ്‌ഡിത്ത് നുങ്ക്യ എന്റ് നോഡികൊണ്ടു സുറ്റ്യറ്റി നഡാക്ക്‌ന്റാന്.

2 പത്ത്‌റോസു 2:9

ഈ കാര്യഗാളെല്ല നമാക്ക് കാട്ടി തരുവാദ് എന്തെന്റ് സൊന്ന, സാമി ബക്‌തിഗാറാര്‌ന എത്തെ കജട്ടാത്ത്‌ലിന്ത് കാപാറ്റുഡൊ എന്റ്‌മ് കേ്ഡ്‌ഗെ്ട്ടവാര് ഇന്നാല് ദെ്ണ്ടണെ പട്ട്‌കൊണ്ടു ഇര്‌ക്കാട്ടിതാനെ കഡേസി നാള്‌ല ബിദിക്ക് അവാര്‌ന എത്തെ എ്ഡ്‌ത്ത് പോഡൊ എന്റ്‌മ് ആണ്ടവാനാന സാമിക്ക് തെരിന്റ്.