2 തിമിത്തോസു 3:11 - സാമി സേദി

¹¹ നാന് കൊഡിമെ പട്ടാദ്‌നാമ്, നാന് കജട്ട പട്ടാദ്‌ഗാള്‌നാമ് നിനാക്ക് തെരിമല്ല. അന്തോക്ക്യ, ഇക്കോന്യ, ലുസുറ എന്നുവ പട്ടണഗാള്‌ല് നാന് എന്തെല്ല കൊഡിമെഗാള് പട്ടേനെന്റ് നിനാക്ക് തെരിമ്. ആന അദ്‌ലിന്തെല്ല ആണ്ടവാന് എനാന കാപാറ്റ്‌നാന്.

2 തിമിത്തോസു 3:11 ပူးပေါင်းရင်းမြစ်များ

അപ്പോസുത്തലാര് 13:14

അവാര് പെ്റ്‌ഗ എന്നുവ പട്ടണാത്ത്‌ലിന്ത് പിസിദ്യ എന്നുവ നാഡ്‌ല് ഇര്‌ക്കുവ അന്തോക്ക്യ പട്ടണാക്ക് എജ്ജ്‌നാര്. ഒയിവു നാള് അവാര് അദ്‌ല എഗുദാര് പരേസുവ ബീ്ഡ്‌കുളാക്ക് പോയി കുക്കാന്താര്.

അപ്പോസുത്തലാര് 13:45

ആള്‌കൂട്ടാന കാണ്‌ഗാട്ടി എഗുദാര്‌ക്ക് കണ്ണ്‌കഡി ആറ്റ്. അദ്‌നാലെ അവാര് പവുലോസു സൊന്നാദ്‌ക്ക് ബണങ്കാദെ തറ്‌ക്കികൊണ്ടു അയാള്‌ന നാണഗെ്ഡ്‌സ്‌നാര്.

അപ്പോസുത്തലാര് 14:8

ലുസുറാല് കാല്‌ക്ക് മുജുവില്ലാത്ത ഒന്റൊരുത്താന് ഇന്തിന്താന്. പ്‌റാപ്പ്‌ല് താനെ മൊണ്ട്യായിന്ത അയാള് ഇന്നമാട്ട്‌ക്ക് നഡാക്ക്യ മുഡ്യാദെത്തെ ഇന്താന്.

അപ്പോസുത്തലാര് 20:19

ലേസ എഗുദാര് എനാന കൊല്ല്യ സട്ട കെ്ട്ട്‌നാര്. അദ്‌നാലെ നാന് മ്‌ഗ്‌ന്ത കജട്ട പട്ടേന്. അയി ഗളിഗേല് നാന്‌ത്തെ ദൊഡ്ഡവാന് എന്റ് കാട്ടാദെ മ്‌ഗ്‌ന്ത കണ്ണനീരോഡ എന്ന് ആണ്ടവാന് ഗിലാസഗാറാനായി എന്ന് ഗിലാസാന ഗേന്തേന്.

അപ്പോസുത്തലാര് 23:10

ഈ തറ്‌ക്ക സേത്തി ദൊഡ്ഡാദ്‌ക്ക് ആറ്റ്. അദുക്കുള അവാര് പവുലോസുന തുണ്ടു തുണ്ട കൊച്ചി തള്ളുവാര് എന്റ് ആയിര പട്ടളഗാറാര് തലെവാന് അഞ്ച്‌നാന്. അദ്‌നാലെ അയാള്‌ന അവാര് പട്ട്‌ലിന്ത് പട്ടളഗാറാര് തങ്കുവ കോട്ടേക്ക് കൂട്ടി പോയ അയി പട്ടള തലെവാന് തന്ന് പട്ടളഗാറാന്‌ക്ക് സൊന്നാന്.

അപ്പോസുത്തലാര് 26:17

എഗുദാര് പട്ട്‌ക്ക്‌മ് എഗുദാരല്ലാത്ത ജാദിഗാള് പട്ട്‌ക്ക്‌മ് നാന് നിനാന സൊല്ലി ബ്‌ഡ്‌ന്റെ. അവാര് കയിലിന്ത് നാന് നിനാന കാപാറ്റുവെ.

അപ്പോസുത്തലാര് 26:22

ആന സാമി ഇന്നമാട്ട്‌ക്ക് എനാന കയി ബ്‌ഡാലെ. അദ്‌നാലെത്തെ നാന് ഇദ്‌ല് നിന്റ് കൊണ്ടു നാന് കണ്ടാദ്‌നാമ് കേ്ട്ടാദ്‌നാമ് പറ്റി താന്തവാരോഡാമ് ഉജാന്തവാരോഡാമ് ഒന്റേ പാസെ സൊന്റേന്. മോസേമ് സാമിദാസ്‌ഗാള്‌മ് നഡാക്ക്‌മെന്റ് സൊല്ലിര്‌ക്കുവ അയി കാര്യഗാള്‌നത്തെ നാന്‌മ് സൊല്ലുവാദ്:

അപ്പോസുത്തലാര് 9:16

എനാക്ക് ബേ്ണ്ടി എന്തെല്ല കജട്ടഗാള് താങ്കുഡൊ എന്നുവാദ്‌ന നാന് താനെ അയാള്‌ക്ക് കാട്ടി കൊഡുക്കുവേന്>> എന്റ് സൊന്നാന്.

റോമഗാറാര് 15:31

എഗുദാലിര്‌ക്കുവ ഏസ്സ്‌ന നമ്പാത്തവാര് കയിലിന്ത് സാമി എനാന കാപാറ്റ്യ ബേ്ണ്ടിമ് നാന് എര്‌സലേമ്‌ല സാമിക്ക് പട്ടവാര്‌ക്ക് എ്ഡ്‌ത്ത് പോവ ദാന അവാര്‌ന പിര്യപ്‌ഡിസ്യ ബേ്ണ്ടിമ് സാമിക്ക് പരേസ്‌ന്.

2 കൊരിന്ത്യഗാറാര് 1:5

ക്‌റ്‌സ്‌ത്ത് പട്ട കൊഡിമെഗാള് എമ്മ് പെ്ളേപ്പ്‌ല് പെരിഗി ബരുവ പാസെ ക്‌റ്‌സ്‌ത്ത്‌ന ബെത്ത് സാമി എമാന പിരാക്കുവാദ്‌മ് പെരിഗി ബന്റ്.

2 കൊരിന്ത്യഗാറാര് 1:7

ഒന്റേ ദിന്‌സ് കജട്ടാക്ക്‌ത്തെ നമ്മെല്ല പങ്ക്‌ഗാറാര് ആയിര്‌ക്ക്‌ന്റാമ്. അദേപാസെ താനെ എമാന പിരാക്കി ബെത്ത്‌റ്‌ക്കുവ അദേ പിരാക്കാക്ക് നിമ്മാമ് പങ്ക്‌ഗാറാര് ആന്റ്‌റ് എന്റ് തെരിവാദ്‌നാലെ എമാക്ക് നിമാന പറ്റി നല്ല നെഞ്ചഡെ ഇര്‌ക്ക്‌ന്റ്.

2 കൊരിന്ത്യഗാറാര് 12:10

അദ്‌നാലെ ക്‌റ്‌സ്‌ത്ത്‌ക്ക് ബേ്ണ്ടി കൊറേവുള്ളവാന് ആയിര്‌ക്ക്യാമ്, നാണഗെ്ഡ്യാമ്, കജട്ടപഡ്യാമ്, കൊഡിമെപഡ്യാമ്, ബുദ്ദിമുട്ടുപഡ്യാമ് നാന് പിര്യ ഉള്ളവാന്‌ത്തെ. എന്തെക്കെന്റ സൊന്ന കൊറേവു ഉള്ളവാന് ആയിര്‌ക്കാട്ടി താനെ ക്‌റ്‌സ്‌ത്ത് സക്‌തിനാലെ നാന് സക്‌ത്യുള്ളവാന്‌ത്തെ.

2 തിമിത്തോസു 4:7

ഒരുത്താന് ജൂദുപ്‌ഡിത്ത് ഓഡുഗാട്ടി നലമായി ഓഡുവ പാസെ എനാക്ക് ഗേയ തന്ത കാര്യഗാള്‌നെല്ല സാമിക്ക് ബേ്ണ്ടി നാന് നലമായി ഗേന്തെ, ഇന്നി ഗേന്ത് മുഡിക്ക്യ ഒന്റുമില്ലെ. ഏസ്സോഡ എനാക്കിര്‌ക്കുവ നമ്പിക്കേന ബ്‌ഡാദിന്തെ.

2 പത്ത്‌റോസു 2:9

ഈ കാര്യഗാളെല്ല നമാക്ക് കാട്ടി തരുവാദ് എന്തെന്റ് സൊന്ന, സാമി ബക്‌തിഗാറാര്‌ന എത്തെ കജട്ടാത്ത്‌ലിന്ത് കാപാറ്റുഡൊ എന്റ്‌മ് കേ്ഡ്‌ഗെ്ട്ടവാര് ഇന്നാല് ദെ്ണ്ടണെ പട്ട്‌കൊണ്ടു ഇര്‌ക്കാട്ടിതാനെ കഡേസി നാള്‌ല ബിദിക്ക് അവാര്‌ന എത്തെ എ്ഡ്‌ത്ത് പോഡൊ എന്റ്‌മ് ആണ്ടവാനാന സാമിക്ക് തെരിന്റ്.