2 തിമിത്തോസു 2:13 - സാമി സേദി

¹³ നമ്മ നമ്പ്യ മുഡ്യാത്തവാര് ആയിന്താല്‌മ് അയാള് നമ്പ്യ മുഡിന്റവാന്‌ത്തെ. എന്ത്‌ക്കെന്റ് സൊന്ന താന് സൊന്ന ബാക്ക്‌ന തവാറ്‌സമാട്ടാന്.

2 തിമിത്തോസു 2:13 ပူးပေါင်းရင်းမြစ်များ

മത്തായി 24:35

ബാന്‌മ് ബൂമിമ് അളിന്ത് പോമു. ആന നാന് സൊന്ന സൊല്ലുസുലാക്കഗാളൊ അളിന്ത് പോഗമാട്ട.>>

റോമഗാറാര് 3:3

എഗുദാര്‌ല് ലേസ ആള്‌ഗാള് നമ്പാത്താദ്‌നാലെ സാമിമ് താന് സൊന്ന ബാക്ക്‌ന തവാറ്‌സി നമ്പ്യ മുഡ്യാത്താവാന് ആവാന?

റോമഗാറാര് 9:6

സാമി ഗേന്ത് കൊഡുക്കുവെ എന്റ് സൊന്ന സാമി സൊല്ലുസുലാക്ക നഡാക്കാദെ പോറ്റു എന്റല്ല നാന് സൊല്ലുവാദ്. ഇസ്‌റവേല്‌ലിന്ത് പ്‌റാന്തവാരെല്ല ഇസ്‌റവേല്‌ഗാറാരല്ല,

1 കൊരിന്ത്യഗാറാര് 1:9

തന്ന് മഗാന്‌മ് നമ്മ് ആണ്ടവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ക്ക് എ്ണേന്ത് അയാള്‌ക്ക് ഇര്‌ക്കുവ എല്ലാദ്‌ക്ക്‌മ് പങ്ക്‌ഗാറാര് ആയ ബേ്ണ്ടി നിമാന ബ്‌ളിത്ത്‌റ്‌ക്കുവ സാമി നമ്പ്യ മുഡിന്റവാന്‌ത്തെ.

1 തെസെലോനിക്ക്യഗാറാര് 5:24

നിമാന തെരിന്തെ്ഡ്‌ത്ത സാമി നമ്പ്യ മുഡിന്റവാന്‌ത്തെ, അയാള് അദ്‌ന ഗേന്ത് മുഡിക്കുവാന്.

2 തെസെലോനിക്ക്യഗാറാര് 3:3

ആന ആണ്ടവാന് നമ്പ്യ മുഡിന്റവാന്‌ത്തെ. അയാള് നിമാന ഒറേപ്പുള്ളവാര് മാഡി കെ്ട്ടവാന് കയിലിന്ത് നിമാന സൂസാരിത്ത് ബെക്കുവാന്.

എവുറായാര് 6:18

സാമി ബാക്ക് കൊഡുത്താദ്‌മ് സത്ത്യ ഗേന്താദ്‌മ് മാറ്റ്യ മുഡ്യാത്ത റാഡ് കാര്യഗാള്‌ത്തെ. എന്ത്‌ക്കെന്റ് സൊന്ന സാമിക്ക് പൊയി സൊല്ല്യ മുഡ്യാമാട്ട. അദ്‌നാലെ പാദ്‌ഗാപ്പ്‌ക്ക് ബേ്ണ്ടി സാമി പട്ട്‌ക്ക് പോവ നമാക്ക് ഈ റാഡ് കാര്യഗാള് നമ്മ ബെത്ത്‌റ്‌ക്കുവ നെഞ്ചഡേല് ഒറേത്ത് നില്ല്യ ദയിരപഡ്‌സ്‌ന്റ്.