2 തിമിത്തോസു 1:15 - സാമി സേദി

¹⁵ ആസ്യ നാഡ്‌ല ഏസ്സ്‌ഗാറാര്‌ല് പല ആള്‌ഗാള് എനാന തെ്റിന്ത് പോനാര് എന്റ് നിനാക്ക് തെരിമല്ല. പുഗലോസുമു ഗെറ്‌മ്മൊഗനേസ്‌മ് അയി കൂട്ടാക്ക് പട്ടവാര്‌ത്തെ.

2 തിമിത്തോസു 1:15 ပူးပေါင်းရင်းမြစ်များ

അപ്പോസുത്തലാര് 16:6

ആസ്യ നാഡ്‌ല് നല്ല സേദിന സൊല്ല ബേ്ഡ എന്റ് സാമിനിഗാല് പവുലോസാമ്‌ന തഡ്‌ത്ത്‌ദ്. അദ്‌നാലെ പവുലോസാമ് അയി നാഡ്‌ലിര്‌ക്കുവ പുറുഗ്യ, ഗലാത്ത്യ എന്നുവ എ്ഡെഗാള്‌മേലെ പോയി,

അപ്പോസുത്തലാര് 19:10

ഇത്തെ റാഡ് ബര്‌സ്സ ഗേന്തിന്താദ്‌നാലെ ആസ്യ നാഡ്‌ലിന്ത എഗുദാര് ഒട്ടുക്കുമു എഗുദാര് അല്ലാത്ത ജാദിഗാള് ഒട്ടുക്കുമു ആണ്ടവാന് സൊല്ലുസുലാക്കാന കേ്ട്ടാര്.

അപ്പോസുത്തലാര് 19:27

ഇത്തെ ഗേവാദ്‌നാലെ നമ്മ ഗേവ ഗിലാസാക്ക് മോസ പേരാവു. ഇദ് നമാക്ക് ആവാത്ത്‌ത്തെ. അദ്‌താനെ അല്ല ദൊഡ്ഡ അറ്‌ത്തമിസമ്മ സാമി കോയാല്‌ക്ക് ഇര്‌ക്കുവ ബെലേമ് ഇല്ലാദെ ആമ്. ആസ്യ നാഡ്‌ല്‌മ് ഉലഗാത്ത്‌ല്‌മ് ഇര്‌ക്കുവ ആള്‌ഗാള് ഒട്ടുക്കു കുമ്മുഡി നഡാക്കുവ അമ്മ സാമി മദ്‌പ്പ്‌മ് കെ്ട്ട് തള്ളുവു>>

അപ്പോസുത്തലാര് 19:31

ആസ്യ നാഡ്‌ല ലേസ അദിഗാരിഗാള് പവുലോസു എ്ണേവുഗാറാര് ആയിന്താര്. അദ്‌നാലെ പവുലോസു ആള്‌ഗാള് കൂട്ട കൂഡുവ പട്ട്‌ക്ക് പോഗ ബേ്ഡ എന്റ് അവാര് സേദി സൊല്ലി ബ്‌ട്ടാര്.

അപ്പോസുത്തലാര് 2:9

നമ്മ ലേസ ആള്‌ഗാള് പാറ്‌ത്ത്യ, മേദ്യ, ഏലാമ്യ എന്നുവ നാഡ്‌ഗാള്‌ലിന്ത് ബന്തവാര്‌ത്തെ. നമ്മൊപ്പ മെസെപൊത്തേമ്, എഗുദ്യ, കപ്പദോക്ക്യ, പൊന്തോസു, ആസ്യ എന്നുവ നാഡ്‌ഗാള്‌ലിന്ത് ബന്തവാര്‌മ് ഇര്‌ക്ക്‌ന്റാര്.

അപ്പോസുത്തലാര് 20:16

മുഡിന്തദാന ബെന്ത്‌കോസു നോമ്പി നാള്‌ക്ക് മുദാല് എര്‌സലേമ്‌ക്ക് എജ്ജുഡൊ എന്റ് പവുലോസു ബെരേന്താന്. അദ്‌നാലെ ആസ്യ നാഡ്‌ല് തങ്കി ഗളിഗാഗ ബേ്ഡ എന്റ് നെനേത്ത് എപസോസുലു ഇ്റാഗാദെ പോയ പവുലോസു മുഡിവെ്ഡ്‌ത്താന്.

1 കൊരിന്ത്യഗാറാര് 16:19

ആസ്യ നാഡ്‌ല ഏസ്സ്‌ഗാറാര് കൂട്ട നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാര്. അക്കിലാസ്‌മ് പ്‌റ്‌സ്‌ക്കില്ലാമ് അവാര് ബീ്ഡ്‌ല ഏസ്സ്‌ഗാറാര് കൂട്ടത്തോഡ മനേസ്സാറ നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാര്. അവാര്‌മ് നിമ്മാമ് ആണ്ടവാന്‌ക്ക് പട്ടവാര്‌ത്തെ.

പിലിപ്പ്യഗാറാര് 2:21

എന്ത്‌ക്കെന്റ് സൊന്ന മിച്ച ഇര്‌ക്കുവ ആള്‌ഗാളെല്ല മുക്ക്യമായിമ് അവനവാന് ആസെപഡുവ കാര്യനാത്തെ നോഡുന്റാര്. ഏസ്സ് ക്‌റ്‌സ്‌ത്ത്‌ക്ക് മുക്ക്യമാന കാര്യന നോഡുവാദില്ലെ.

2 തിമിത്തോസു 4:16

എനാന പറ്റി സൊന്ന കുറ്റഗാള്‌ക്ക് ബദ്‌ല് സൊല്ല്യ മുദാല് നാന് കോഡിദി മുന്നുക്കു നില്ല്‌ഗാട്ടി നാന് കുറ്റ ഗേഗാത്തവാന് എന്റ് സൊല്ല്യ എന്ന് സാരി ആര്‌മ് ഇര്‌ക്കാലെ. എല്ലാര്‌മ് എനാന കയിബ്‌ട്ടാര്. അദ്‌ക്ക് സാമി അവാര്‌ന ദെ്ണ്ടിക്കാദിര്‌ക്കുഡൊ.