2 തിമിത്തോസു 1:13 - സാമി സേദി13 നീ എന്നോഡിന്ത് കേ്ട്ട നേരാന കാര്യഗാള്‌ന മനേസ്സ്‌ല് ബെത്ത് അദ്‌ക്ക് കെ്ട്ട്‌പട്ട് കൊണ്ടു ഒന്റൊന്റു കാര്യഗാള് ഗേഡൊ. നമ്മ ക്‌റ്‌സ്‌ത്ത് ഏസ്സോഡ ഒന്റായി ഇര്‌ക്കുവാദ്‌നാലെ ക്‌റ്‌സ്‌ത്ത്‌ന നമ്പി കൊണ്ടുമു അഡ്‌ത്തവാനോഡ സീവാന്‌ബെത്ത് കൊണ്ടുമു ബേ്ഡ്‌മ് ഈ കാര്യഗാള് ഗേയ. အခန်းကိုကြည့်ပါ။ |
2 തിമിത്തോസു 1:13
30 ပူးပေါင်းရင်းမြစ်များ
ആന നിമ്മ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിക്ക് എ്ണേന്ത ദിന്‌സ്‌ല് നല്ലവാരായി നഡാന്ത്‌പ്‌ഡിത്ത് ഗേഡൊ എന്നുവാദ്‌ത്തെ ഇന്നാല് മുക്ക്യമാന കാര്യ. നിമ്മ ഒത്തിമോഡാമ് ഒന്റേ നെനേവോഡാമ് ഇന്ത് നല്ല സേദിന നമ്പുവ കാര്യാത്ത്‌ല്‌മ് സൊല്ലുവ കാര്യാത്ത്‌ല്‌മ് നിമ്മോഡ മുട്ടി നോഡുന്റവാര് മുന്നുക്കു നിമ്മ ഒറേത്ത് നില്ലുഡൊ. നാന് നിമ്മ് പട്ട്‌ക്ക് ബന്ത് നിമാന കണ്ടാല്‌മ് സെരി ഈങ്കിന്ത് കേ്ട്ടാല്‌മ് സെരി ഈ കാര്യന നിമ്മ ഗേന്റ്‌റ് എന്റ് എനാക്ക് കേ്ള്‌ക്കുഡൊ.
ബേസ്യാഡ്‌ന്റവാര്‌ക്ക്‌മ്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഒന്റായി ഉറാങ്ക്‌ന്റവാര്‌ക്ക്‌മ്, ആള്‌ഗാള്‌ന പ്‌ഡിത്തെ്ഡ്‌ത്ത് പോന്റവാര്ക്ക്‌മ്, അഡിമെഗാള്‌ന മാറ്‌ന്റവാര്‌ക്ക്‌മ്, ഉറുട്ടു സൊല്ലി നഡാക്ക്‌ന്റവാര്‌ക്ക്‌മ്, പൊയി സൊല്ലി സത്ത്യ ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്. അവാര്‌ക്ക് താനെ അല്ല, നേര്‌മാന ബുദ്ദിനായാഗാള്‌ക്ക് മീ്റി എന്ത്‌മ് ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്.
നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.
എനാക്ക് മെച്ച്‌പ്‌ഡിത്ത മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെ നമാക്ക് കെ്ഡേക്ക്‌മെന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന പറ്റി സൊല്ല്യ സാമി ആസെപഡി ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.
അയാള് ഏസ്സ്‌ന പറ്റി പഡിത്ത്‌റ്‌ക്കുവ ബുദ്ദിനായന താന് പഡിത്ത്‌റ്‌ക്കുവ പാസെ താനെ ഒറേപ്പായി നമ്പി നഡാക്കുഡൊ. അയി ബുദ്ദിനായഗാള് നമ്പ്യ മുഡിവ ബുദ്ദിനായത്തെ. അത്തെ ആള്‌ഗാള്‌ക്ക് നേര് എന്തെന്റ് പഡിസി കൊഡുക്ക്യാമ് അവാര്‌ന ദയിരപഡിസ്യാമ് അയാള്‌ക്ക് മുഡിമ്. അദോഡൊപ്പ ഈ നായാക്ക് മുട്ടി നോഡ്യ ബന്റവാര്‌ക്ക് ബന്ത്‌റ്‌ക്കുവ തപ്പ് എന്തെന്റ് സൊല്ലി കൊഡുക്ക്യാമ് മുഡിമ്.
എനാക്ക് മെച്ച്‌പ്‌ഡിത്തവാരെ, ഏസ്സ് ക്‌റ്‌സ്‌ത്ത്‌ന ബെത്ത് സാമി നമ്മ് പെ്ളേപ്പ്‌ന എത്തെ കാപാറ്റ്‌ന്റാന് എന്നുവ കാര്യന പറ്റി നിമാക്ക് എ്ള്‌ദ്യ ബേ്ണ്ടി നാന് മുദാല് ആസെപട്ടിന്തെ. അത്തെ നാന് ആസെപട്ട്‌റ്‌ക്കാട്ടി ഏസ്സ്‌ന നമ്പി സാമിക്ക് പട്ടവാര് ആനവാര് ഏസ്സ് സൊന്ന നായഗാള്‌ന ഉറുദ്ദ്യായി നമ്പി പെ്ളേക്കുഡൊ എന്നുവ കാര്യന പറ്റി എ്ള്‌ദുവാദ്‌ത്തെ ദൊഡ്ഡ കാര്യ എന്റ് നാന് നെനേത്തെ. അദ്‌നാലെ അദ്‌ന പറ്റി എ്ള്‌ദ്യ നാന് ആസെപട്ടെ.
ကြော်ငြာတွေ