2 തെസെലോനിക്ക്യഗാറാര് 3:8 - സാമി സേദി

⁸ എമ്മ ബെ്റ്‌ദെ ഇന്ത് തീനി തിന്നാലെ. അദ്‌ക്ക് ബദ്‌ല നിമാക്ക് ആര്‌ക്ക്‌മ് എമ്മ ബാര ആഗാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് എമ്മ പാഡ്‌മ് പട്ടേമ്, കജട്ടാമ് പട്ടേമ്.

2 തെസെലോനിക്ക്യഗാറാര് 3:8 ပူးပေါင်းရင်းမြစ်များ

മത്തായി 6:11

ഇന്റ്‌ലാദ്‌ക്ക് എമാക്ക് ബേ്ഡ്‌മാന തീനി ഇന്റ് തരുഡോമെ.

അപ്പോസുത്തലാര് 18:3

ഗുഡുസുലു മാഡി ബിക്കുവ ഗിലാസത്തെ അവാര് ഗേന്തിന്താദ്. പവുലോസുമ് അത്തവ ഗിലാസത്തെ ഗേന്തിന്താന്. അദ്‌നാലെ അയാള്‌മ് അവാരോഡ എ്ണേന്ത് അയി ഗിലാസ ഗേന്താന്. അത്തെ അയാള് അയി ഗിലാസ ഗേന്ത് തനാക്ക് പണ സമ്പാരിത്തിന്താന്.

അപ്പോസുത്തലാര് 20:34

എനാക്ക്‌മ് എന്നൊപ്പ ഇര്‌ക്ക്‌ന്റവാര്‌ക്ക്‌മ് ബേ്ഡ്‌മാനാദ്‌ക്കെല്ല എന്ന് ഈ കയില്‌ത്തെ പാഡ്‌പട്ടേനെന്റ് നിമാക്ക് താനെ തെരിമല്ല.

1 കൊരിന്ത്യഗാറാര് 4:12

എമ്മ് ബേ്റ്‌വായിക്ക് ബേ്ണ്ടി എമ്മ അവനവാന് കയില് താനെ പാഡ്‌പഡ്‌ന്റേമ്. എമാന സാപ്പ ഇക്ക്‌ഗാട്ടിമ് അവാര്‌ക്ക് നല്ലാദ് ബര്യ ബേ്ണ്ടി എമ്മ പരേസ്‌ന്റേമ്. എമാന കൊഡിമെപഡ്‌സ്‌ഗാട്ടിമ് എമ്മ അദ്‌ന പൊറിമോഡ താങ്ക്‌ന്റേമ്.

1 കൊരിന്ത്യഗാറാര് 9:4

എമാക്ക് തിന്ന്യാമ് കുഡിക്ക്യാമ് അദിഗര ഇല്ലേഗ?

2 കൊരിന്ത്യഗാറാര് 11:27

നാന് പാഡ്‌മ് പട്ടെ, കജട്ടാമ് പട്ടെ, എഞ്ചോ ജാമാല് ഉറാക്കില്ലദേമ് ഇന്തെ. എ്ഡെക്കെ്ഡേക്ക് തീനില്ലാദെ പജി സത്തെ, കുഡിക്ക്യ നീര് കെ്ഡേക്കാദെ നീരറാക്കേക്ക് പട്ടെ, സളി സത്തെ, എനാക്ക് ബേ്ഡ്‌മാന സീലെസിലാപ്പ്‌മ് ഇല്ലാദെ ഇന്ത്‌ദ്.

2 കൊരിന്ത്യഗാറാര് 11:9

നിമ്മ് പട്ട്‌ല് ഗിലാസ ഗേഗാട്ടി എന്ന് സിലാവുക്കു ബേ്ണ്ടി നിമാന ആര്‌നാമ് നാന് ബുദ്ദിമുട്ടുസാലെ. അദുക്കുള എനാക്ക് ബേ്ഡ്‌മാനദെല്ല മക്കെദോന്യാല ഏസ്സ്‌ഗാറാര്‌ത്തെ തന്താദ്. നിമാക്ക് ഏദ് ദിന്‌സ്‌ല്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി നാന് ഓരാഡ്‌നെ. ഇന്നിമ് ഓരാഡുവെ.

എപസോസുഗാറാര് 4:28

നീ ത്‌റ്‌ട്ടാനായിന്തദാന ത്‌റ്‌ഡുവാദ്‌ന തെ്റിന്ത് തള്ളുഡൊ. അത്തെ ത്‌റ്‌ഡുവാദ്‌ന തെ്റിന്ത് ഏ്ളെമോളേക്ക് ഗുഡി ദാന ഗേയ കെ്ഡേക്കുവാദ്‌ക്കഞ്ച്‌ക്ക്‌മ് നീ നിന്ന് കയില് താനെ പാഡ്‌പട്ട് ഉണ്ടാക്കുഡൊ.

1 തെസെലോനിക്ക്യഗാറാര് 2:9

ഏസ്സ്‌ഗാറാരെ, എമ്മ പട്ട പാഡ്‌നാമ്, എമ്മ പട്ട ബുദ്ദിമുട്ടുനാമ് നിമ്മ നെനേക്ക്‌ന്റ്‌റല്ല. നിമാക്ക് ആര്‌ക്ക്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് ഗിലാസ ഗേന്ത്‌കൊണ്ടുത്തെ സാമിന പറ്റി സൊല്ലുവ നല്ല സേദിന എമ്മ നിമാക്ക് സൊന്നാദ്.

1 തെസെലോനിക്ക്യഗാറാര് 4:11

എമ്മ നിമാക്ക് സൊല്ലി തന്ത പാസെ അഡ്‌ത്തവാര്‌ക്ക് നിമ്മ തൊന്തറെ മാഡാദേമ്, അഡ്‌ത്തവാര് കാര്യാക്ക് തലെ ഇക്കാദേമ് ഇര്‌ക്കുഡൊ. അദ്‌താനേമല്ല, നിമ്മ തിന്നുവ തീനിക്ക് ബേ്ണ്ടി നിമ്മ താനെ പാഡ്‌പഡുവാദ്‌മ് ആയിര്‌ക്കുഡൊ നിമ്മ് മ്‌ഗ്‌ന്ത ആസെ.

2 തെസെലോനിക്ക്യഗാറാര് 3:12

ഇത്തവാള്‌ഗാള് നേറെമൊറെ പാഡ്‌പട്ട് അവനവാന് തീനിക്കുള്ളാദ്‌ന സമ്പാരിക്കുഡൊ എന്റ് ആണ്ടവാന് ഏസ്സ് ക്‌റ്‌സ്‌ത്ത് തന്ത അദിഗരാത്ത്‌ല് എമ്മ കല്‌പനെ ബെത്ത് നിമാക്ക് ബുദ്ദി സൊന്റേമ്.