2 തെസെലോനിക്ക്യഗാറാര് 3:7 - സാമി സേദി

⁷ എമ്മ പെ്ളേത്ത് നഡാന്ത പാസെത്തെ നിമ്മാമ് പെ്ളേക്കുഡൊ എന്റ് നിമാക്ക് താനെ തെരിമല്ല. എമ്മ നിമ്മൊപ്പ ഇര്‌ക്കാട്ടി കള്ള ഇല്ലത്തവാര് ആയിന്തേമ്.

2 തെസെലോനിക്ക്യഗാറാര് 3:7 ပူးပေါင်းရင်းမြစ်များ

1 കൊരിന്ത്യഗാറാര് 11:1

നാന് ക്‌റ്‌സ്‌ത്ത്‌ന നോഡികൊണ്ടു പെ്ളേക്കുവ പാസെ നിമ്മാമ് എനാന നോഡികൊണ്ടു പെ്ളേന്.

1 കൊരിന്ത്യഗാറാര് 4:16

അദ്‌നാലെ നാന് ക്‌റ്‌സ്‌ത്ത്‌ക്ക് ബേ്ണ്ടി പെ്ളേക്കുവ പാസെ നിമ്മാമ് പെ്ളേന്.

പിലിപ്പ്യഗാറാര് 3:17

ഏസ്സ്‌ഗാറാരെ, നാന് നലമായി പെ്ളേത്ത് കാട്ടി തന്ത പാസെ നിമ്മൊട്ടുക്കുമു പെ്ളേക്കുഡൊ. എമ്മ നിമ്മ് പട്ട്‌ല് പെ്ളേത്ത് കാട്ടി തന്ത പാസെ പെ്ളേക്ക്‌ന്റവാര്‌ന നോഡിമ് നിമ്മ പെ്ളേക്കുഡൊ.

പിലിപ്പ്യഗാറാര് 4:9

നാന് പഡ്‌സ്‌നാദ്‌മ് നിമ്മ പഡിത്തെ്ഡ്‌ത്താദ്‌മ്, എന്നോഡിന്ത് കേ്ട്ടാദ്‌മ് എന്ന് പെ്ളേപ്പ്‌ല് നാന് ഗേന്താദ്‌ന കണ്ടാദ്‌മ് ആന കാര്യഗാള്‌ന നിമ്മ ഗേഡൊ. അന്നാപ്പ് നിമ്മ്‌ദ്യോഡ പെ്ളേസുവ സാമി നിമ്മോഡൊപ്പ ഇര്‌ക്കുവാന്.

1 തെസെലോനിക്ക്യഗാറാര് 2:10

ഏസ്സ്‌ന നമ്പിര്‌ക്കുവ നിമ്മ് പട്ട്‌ല് എമ്മ പാവ ഒന്റുമു ഗേഗാത്ത മനേസ്സ്‌ഗാറാരായിമ് നേര്‌മെഗാറാരായിമ് ആര്‌ക്ക്‌മ് ഒന്റു കുറ്റകൊറേവു സൊല്ല്യ മുഡ്യാത്തവാര് ആയിമ്‌ത്തെ പെ്ളേത്തേമ് എന്നുവാദ്‌ന സാമിക്ക്‌മ് നിമാക്ക്‌മ് നേര്‌ത്തെ എന്റ് സൊല്ല്യ മുഡിമ്.

1 തെസെലോനിക്ക്യഗാറാര് 5:14

ഏസ്സ്‌ഗാറാരെ, കള്ള ബ്‌ന്ത് നഡാക്ക്‌ന്റവാര്‌ന നിമ്മ മെ്റ്‌ട്ട്‌ന്, ദയിരില്ലത്തവാര്‌ന ദയിരപഡ്‌സ്‌ന്, കുറ്റകൊറേവു ഇര്‌ക്ക്‌ന്റവാര്‌ന കയിതാങ്ക്‌ന്, എല്ലാ ആള്‌ഗാളോഡാമ് മ്‌ഗ്‌ന്ത പൊറിമോഡ ഇര്‌ന്.

2 തെസെലോനിക്ക്യഗാറാര് 3:6

ഏസ്സ്‌ഗാറാരെ, എമ്മ പഡ്‌സ്‌ന സട്ടപഡി പെ്ളേക്കാദെ കള്ള ബ്‌ന്ത് നഡാക്ക്‌ന്റവാര് ആരാറ്റ നിമ്മ് കൂട്ടാത്ത്‌ല് ഇന്തദാന അയാളോഡ എജേഗാദെ ഇര്‌ക്കുഡൊ എന്റ് നമ്മ് ആണ്ടവാന് ഏസ്സ് ക്‌റ്‌സ്‌ത്ത് തന്ത അദിഗരാത്ത്‌ല് എമ്മ നിമാക്ക് കല്‌പനെ തന്റേമ്.

2 തെസെലോനിക്ക്യഗാറാര് 3:9

എമാന കയിതാങ്കുഡൊ എന്റ് നിമാക്ക് സൊല്ല്യ എമാക്ക് അദിഗര ഇര്‌ക്ക്‌ന്റ്. ആന എമ്മ പെ്ളേക്കുവാദ്‌ന കണ്ട് നിമ്മാമ് അദേപാസെ പെ്ളേക്ക്യ ബേ്ണ്ടിത്തെ എമാക്ക് ബേ്ണ്ടി എമ്മ താനെ പാഡ്‌പട്ടാദ്.

1 തിമിത്തോസു 4:12

നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ.

തീത്തോസു 2:7

എല്ലാ ദിന്‌സ്‌ലിര്‌ക്കുവ നല്ല കാര്യഗാള്‌മ് നീ താനെ ഗേന്ത് എത്തെ പെ്ളേക്കുഡൊ എന്റ് അവാര്‌ക്ക് കാട്ടി കൊഡുക്കുഡൊ. നീ പഡ്‌സ്‌ഗാട്ടി നല്ല നെനേവോഡാമ് ആള്‌ഗാള് മദ്‌സുവ ദിന്‌സ്‌ല്‌മ്‌ത്തെ പഡുസുഡൊ.

1 പത്ത്‌റോസു 5:3

നിമ്മ അദ് ഗേഗാട്ടി അവാര്‌ന ആള്യ അദിഗര കെ്ഡേത്ത്‌റ്‌ക്ക്‌ന്റ് എന്റ് നെനേത്ത് ഗേഗാദേന്, അദ്‌ക്ക് ബദ്‌ല അവാര്‌ന നല്ലവാരായി പെ്ളേക്ക്യ ബെക്കുവ ദിന്‌സ്‌ല് നിമ്മ പെ്ളേത്ത് കാട്ടുഡൊ.