2 തെസെലോനിക്ക്യഗാറാര് 3:3 - സാമി സേദി

³ ആന ആണ്ടവാന് നമ്പ്യ മുഡിന്റവാന്‌ത്തെ. അയാള് നിമാന ഒറേപ്പുള്ളവാര് മാഡി കെ്ട്ടവാന് കയിലിന്ത് നിമാന സൂസാരിത്ത് ബെക്കുവാന്.

2 തെസെലോനിക്ക്യഗാറാര് 3:3 ပူးပေါင်းရင်းမြစ်များ

മത്തായി 5:37

അദ്‌നാലെ ഇര്‌ക്ക്‌ന്റ് എന്റ് സൊന്ന ഇര്‌ക്ക്‌ന്റ് എന്റ്‌മ് ഇല്ലെ എന്റ് സൊന്ന ഇല്ലാദേമ് ഇര്‌ക്കുഡൊ. ഇദ്‌ക്ക് മീ്റി സൊല്ലുവ നായഗാളെല്ല കെ്ട്ടവാന്‌ലിന്ത് ബരുവാദ്‌ത്തെ.>>

മത്തായി 6:13

പാവ ഗേവ ആസേക്ക് എമാന സിക്ക്‌സാദെ കെ്ട്ടവാന് കയിലിന്ത് എമാന കാപാറ്റുഡോമെ. എന്ത്‌ക്കെന്റ് സൊന്ന എന്നാല്‌ക്ക്‌മ് എല്ലാ നാഡ്‌ന ആള്‌ന്റവാന്‌മ് മ്‌ഗ്‌ന്ത ബില ഇര്‌ക്ക്‌ന്റവാന്‌മ് മ്‌ഗ്‌ന്ത മദ്‌പ്പിര്‌ക്ക്‌ന്റവാന്‌മ് നീത്തെ, ആമേന്.>

ലൂക്കോസു 11:4

ബേ്റാള് എമാക്ക് പാവ ഗേഗാട്ടി എമ്മ പൊറുത്ത പാസെ എമ്മ ഗേന്ത പാവാനാമ് പൊറുക്കുഡോമെ, പാവ ഗേവ ആസേക്ക് സിക്ക്‌സാദെ എമാന കാക്കുഡോമേ> >> എന്റ് പരേസ്യ സൊന്നാന്.

ഓഗന്നാന് 17:15

അവാര്‌ന ഉലഗാത്ത്‌ലിന്ത് എ്ഡ്‌ക്കുഡൊ എന്റല്ല, കെ്ട്ടവാന് കയിക്ക് സിക്ക്‌സാദെ അവാര്‌ന കാത്ത് കൊള്ളുഡോമെ എന്റ്‌ത്തെ നാന് പരേസുവാദ്.

1 കൊരിന്ത്യഗാറാര് 1:9

തന്ന് മഗാന്‌മ് നമ്മ് ആണ്ടവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ക്ക് എ്ണേന്ത് അയാള്‌ക്ക് ഇര്‌ക്കുവ എല്ലാദ്‌ക്ക്‌മ് പങ്ക്‌ഗാറാര് ആയ ബേ്ണ്ടി നിമാന ബ്‌ളിത്ത്‌റ്‌ക്കുവ സാമി നമ്പ്യ മുഡിന്റവാന്‌ത്തെ.

1 കൊരിന്ത്യഗാറാര് 10:13

പൊദുവുലു മന്‌സാര്‌ഗാള്‌ക്ക് ബരുവ സോദണെഗാള്‌ത്തെ നിമാക്ക് ബന്ത്‌ദ്. നിമാക്ക് താങ്ക്യ മുഡ്യാത്തത്ത്‌റ സോദണെ ബര്യ സാമി ബ്‌ഡമാട്ടാന്. എന്ത്‌ക്കെന്റ് സൊന്ന സാമി നമ്പ്യ മുഡിന്റവാന്‌ത്തെ. നിമാക്ക് സോദണെ ബര്‌ഗാട്ടി അദ്‌ന താങ്കി തപ്പിസി കഡാക്ക്യ സാമി നിമാന ബിലപഡുസുവാന്.

1 തെസെലോനിക്ക്യഗാറാര് 5:24

നിമാന തെരിന്തെ്ഡ്‌ത്ത സാമി നമ്പ്യ മുഡിന്റവാന്‌ത്തെ, അയാള് അദ്‌ന ഗേന്ത് മുഡിക്കുവാന്.

2 തിമിത്തോസു 4:18

എനാന കെ്ഡ്‌സുവ എല്ലാ കാര്യഗാള്‌ക്ക്‌മ് സിക്ക്‌സാദെ പാദ്‌ഗാപ്പോഡ സാമി ആള്യ പോവ നാഡ്‌ക്ക് ആണ്ടവാന് എത്തുസുവാന്. അയി ആണ്ടവാന്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.

1 പത്ത്‌റോസു 5:10

എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.

2 പത്ത്‌റോസു 2:9

ഈ കാര്യഗാളെല്ല നമാക്ക് കാട്ടി തരുവാദ് എന്തെന്റ് സൊന്ന, സാമി ബക്‌തിഗാറാര്‌ന എത്തെ കജട്ടാത്ത്‌ലിന്ത് കാപാറ്റുഡൊ എന്റ്‌മ് കേ്ഡ്‌ഗെ്ട്ടവാര് ഇന്നാല് ദെ്ണ്ടണെ പട്ട്‌കൊണ്ടു ഇര്‌ക്കാട്ടിതാനെ കഡേസി നാള്‌ല ബിദിക്ക് അവാര്‌ന എത്തെ എ്ഡ്‌ത്ത് പോഡൊ എന്റ്‌മ് ആണ്ടവാനാന സാമിക്ക് തെരിന്റ്.

ജൂദാന് 1:24

നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.