2 തെസെലോനിക്ക്യഗാറാര് 3:15 - സാമി സേദി

¹⁵ ആനാല്‌മ് അയാള്‌ന പോട്ടിഗാറാനായി കാണാദെ അയാള് ഏസ്സ്‌ഗാറാന് ആനാദ്‌നാലെ അയാള്‌ക്ക് ബുദ്ദിനായഗാള് സൊല്ലി കൊഡുക്കുഡൊ.

2 തെസെലോനിക്ക്യഗാറാര് 3:15 ပူးပေါင်းရင်းမြစ်များ

മത്തായി 18:15

<<ഏസ്സ്‌ഗാറാര്‌ല് ഒരുത്താന് നിനാക്ക് പാവ ഗേന്തദാന അയാള് തനിഗെ ഇര്‌ക്കുവ ഗളിഗേല് നീ അയാള് പട്ട്‌ക്ക് പോയി നീ ഗേന്താദ് കുറ്റ എന്റ് സൊല്ലി അയാള്‌ക്ക് ബുദ്ദി ബരുസ്സുഡൊ. അയാള് നീ സൊല്ലുവ നായന കേ്ട്ടദാന നീ അയാള്‌ന ബുദ്ദി സൊല്ലി സാമിസാരി തിര്‌ക്ക്‌നായി.

1 കൊരിന്ത്യഗാറാര് 4:14

നാന് ഇദ് എ്ള്‌ദുവാദ് നിമാന നാണഗെ്ഡിസ്യല്ല, എന്ന് മെച്ച്‌പ്‌ഡിത്ത മക്കാള് എന്നുവ പാസെ നിമാക്ക് ബുദ്ദി സൊല്ല്യത്തെ നാന് ഇദ് എ്ള്‌ദുവാദ്.

1 കൊരിന്ത്യഗാറാര് 5:5

അത്തെ നമ്മ് ആണ്ടവാന് ഏസ്സ് ബിദിക്ക്യ ബരുവ നാള്‌ല് ഉജുരുകെ്ളെ തപ്പിസി കഡാക്ക്യ ബേ്ണ്ടി അയാള്‌ന നിമ്മ സെയിത്താന് കയിക്ക് കൊഡുനു. സെയിത്താന് അയാള് സരിഗലന ദെ്ണ്ടിക്കുഡൊ.

2 കൊരിന്ത്യഗാറാര് 10:8

ആണ്ടവാന് എമാക്ക് അദിഗര തന്ത്‌റ്‌ക്കുവാദ് നിമ്മ് നമ്പിക്കേന കെ്ഡിസ്യല്ല, അദ്‌ന ഒറേപ്പ് മാഡ്യത്തെ. ഈ അദിഗരാത്ത്‌ല് നാന് സെറ്റെ പെരിമെപട്ടാല്‌മ് നാണഗെ്ഡമാട്ടെ.

2 കൊരിന്ത്യഗാറാര് 13:10

ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

ഗലാത്ത്യഗാറാര് 6:1

ഏസ്സ്‌ഗാറാരാന എന്ന് എ്ണേവുഗാറാരെ, നിമ്മ് കൂട്ടാത്ത്‌ല് ആരാറ്റ ഏദൊന്റു പാവാക്ക് സിക്കിന്തദാന സാമിനിഗാല് സൊല്ലുക്കു കെ്ട്ട്‌പട്ട് നഡാക്കുവ നിമ്മ താനെ അയാള്‌ക്ക് നിദാനത്തോഡ സൊല്ലി അയാള്‌ന പാവാത്ത്‌ലിന്ത് ബ്‌ഡിസി എ്ഡ്‌ക്കുഡൊ. ആന നീമ് പാവാക്ക് സിക്കാദിര്‌ക്ക്യ സൂസാരിത്ത് ഇര്‌ക്കുഡൊ.

1 തെസെലോനിക്ക്യഗാറാര് 5:14

ഏസ്സ്‌ഗാറാരെ, കള്ള ബ്‌ന്ത് നഡാക്ക്‌ന്റവാര്‌ന നിമ്മ മെ്റ്‌ട്ട്‌ന്, ദയിരില്ലത്തവാര്‌ന ദയിരപഡ്‌സ്‌ന്, കുറ്റകൊറേവു ഇര്‌ക്ക്‌ന്റവാര്‌ന കയിതാങ്ക്‌ന്, എല്ലാ ആള്‌ഗാളോഡാമ് മ്‌ഗ്‌ന്ത പൊറിമോഡ ഇര്‌ന്.

2 തെസെലോനിക്ക്യഗാറാര് 3:13

ഏസ്സ്‌ഗാറാരെ, നല്ല കാര്യഗാള് ഗേവാദ്‌ല് നിമ്മ സോറ്റു പോഗാദേന്.

2 തെസെലോനിക്ക്യഗാറാര് 3:6

ഏസ്സ്‌ഗാറാരെ, എമ്മ പഡ്‌സ്‌ന സട്ടപഡി പെ്ളേക്കാദെ കള്ള ബ്‌ന്ത് നഡാക്ക്‌ന്റവാര് ആരാറ്റ നിമ്മ് കൂട്ടാത്ത്‌ല് ഇന്തദാന അയാളോഡ എജേഗാദെ ഇര്‌ക്കുഡൊ എന്റ് നമ്മ് ആണ്ടവാന് ഏസ്സ് ക്‌റ്‌സ്‌ത്ത് തന്ത അദിഗരാത്ത്‌ല് എമ്മ നിമാക്ക് കല്‌പനെ തന്റേമ്.

തീത്തോസു 3:10

ഏസ്സ്‌ഗാറാര് കൂട്ടാത്ത്‌ല ഒത്തിമെന ആരാറ്റ ഇല്ലാദെ മാഡ്‌നദാന അത്തെ ഗേയ പാങ്കില്ലെന്റ് ഒന്റു ജമ്പൊ റാഡ് ജമ്പൊ സൊല്ലുഡൊ. എന്റിന്ത് ഗുഡി അയാള് ഗേഗാദെ പോന അയാള്‌ന ഗെരേഗാഗേ ബേ്ഡ.