2 തെസെലോനിക്ക്യഗാറാര് 3:14 - സാമി സേദി14 ഈ എ്ള്‌ത്ത്‌ല് എമ്മ എ്ള്‌ദിര്‌ക്കുവ കാര്യഗാള്‌ക്ക് കെ്ട്ട്‌പട്ട് നഡാക്കാത്തവാനൊ നഡാക്കാത്തവാളൊ ഇന്തദാന അവാര് നാണഗെ്ഡ്യ ബേ്ണ്ടി നിമ്മ അവാര്‌ക്ക് എ്ണേഗാദെ അവാര്‌ന പ്‌റ്‌ത്ത് ബെയിന്. အခန်းကိုကြည့်ပါ။ |
2 തെസെലോനിക്ക്യഗാറാര് 3:14
29 ပူးပေါင်းရင်းမြစ်များ
ആന ഏസ്സ്‌ഗാറാന് എന്റ് പേരെ്ഡ്‌ത്ത ഒന്റൊരുത്താന് ബേസ്യാഡ്‌ന്റവാനൊ, ആസെപാഡ്‌ഗാറാനൊ, സെലെന കുമ്മുഡുന്റവാനൊ, നൊണ്ടു സൊല്ലി നഡാക്ക്‌ന്റവാനൊ, കുഡിഗാറാനൊ, പ്‌ഡിങ്കിപറ്‌ക്ക്‌ന്റവാനൊ ആനദാന അവാനോഡ എ്ണേന്ത് നഡാക്ക ബേ്ഡ എന്റ്‌ത്തെ നാന് അര്‌ത്ത മാഡ്‌നാദ്. അത്തെ ഇര്‌ക്ക്‌ന്റവാനോഡ ഒന്റായിന്ത് തീനി ഗുഡി തിന്ന ബേ്ഡ എന്റ്‌ത്തെ നാന് നിമാക്ക് എ്ള്‌ദുവാദ്.
അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ് പാവാക്ക് കെ്ഡേക്കുവ ദെ്ണ്ടണേലിന്ത് സാമി നിമാന കാപാറ്റ്‌നാന്. അദ്‌നാലെ നിമ്മ അദ്‌ക്ക് തഗ്‌ന്ത ദിന്‌സ്‌ല് പെ്ളേക്കുഡൊ. മുന്നുക്കു പാവ ഗേഗാദെ സാമി സൊല്ലുപഡിക്ക് പെ്ളേത്ത പാസെ ഇന്നാല്‌മ് പെ്ളേത്ത് കൊണ്ടേ ഇര്‌ക്കുഡൊ. നാന് നിമ്മ് പട്ട്‌ല് ഇര്‌ക്കാട്ടിമ് നാനില്ലാദിര്‌ക്കാട്ടിമ് നിമ്മ സാമിന അഞ്ചിക്കെപട്ട് കൊണ്ടുമു സദ്‌റ ബെ്ട്ടികൊണ്ടുമു പാവ ഗേഗാദെ പെ്ളേത്ത് കൊണ്ട്‌റ്ക്കുഡൊ.
നിമാന നോഡി നഡാക്ക്‌ന്റവാര് സൊല്ലുവാദ്‌ന കേ്ട്ട് അവാര്‌ക്ക് കെ്ട്ട്‌പട്ട് ഇര്‌ന്. നിമാന പറ്റ്യുള്ള കണാക്ക് അവാര് സാമിക്ക് കൊഡുക്കുഡൊ. അദ്‌നാലെ നിമാന അവാര് സൊക്കാന പാദ്‌ഗാത്ത് ബെത്ത്‌റ്‌ന്റാര്. അവാര് സൊല്ലുവാദ്‌ന കേ്ട്ട് അദേപാസെ നഡാക്കുവാദാന അവാര് പിര്യപിര്യാത്തോഡ തമ്മ് ഗിലാസ ഗേവാര്. ഇല്ലാദെ പോന അവാര് സങ്കഡത്തോഡ തമ്മ് ഗിലാസാന ഗേവാര്. അദ് നിമാക്ക് ഒന്റു ഉവഗരാമ് ആഗമാട്ട.
ကြော်ငြာတွေ