2 തെസെലോനിക്ക്യഗാറാര് 2:12 - സാമി സേദി

¹² അത്തെ സത്ത്യാന നമ്പാദെ പാവ ഗേവാദ്‌ല് പിര്യപട്ട് നഡാന്തവാര്‌ന ഒട്ടുക്കു സാമിക്ക് ദെ്ണ്ടിക്ക്യ മുഡിമ്.

2 തെസെലോനിക്ക്യഗാറാര് 2:12 ပူးပေါင်းရင်းမြစ်များ

മര്‌ക്കോസു 14:11

ഇദ്‌ന കേ്ട്ട് അവാര് പിര്യപട്ട് നിനാക്ക് പണ തന്റേമ് എന്റ് സൊല്ലി അയാള്‌ക്ക് ബാക്ക് കൊഡുത്താര്. അത്തെ ഏസ്സ്‌ന കാട്ടി കൊഡുക്കുവ സദുവു കെ്ഡേക്ക്യ ബേ്ണ്ടി അയാള് നോഡി കൊണ്ടിന്താന്.

മര്‌ക്കോസു 16:16

അയി സേദിന നമ്പി നീര്‌ക്ക് മുളിഗി ഇ്ളാഗ്‌ന്റവാര് ദെ്ണ്ടണേല് ഇന്ത് തപ്പിസി കഡാക്കുവാര്. നമ്പാത്തവാര്‌ക്ക് ദെ്ണ്ടണെ കെ്ഡേക്കുവു.

ഓഗന്നാന് 3:36

മഗാന്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്‌മ്. ആന മഗാന് പേസ് കേ്ള്‌ക്കത്തവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്കമാട്ട. അവാര് ഒന്റേപെ്ട്ട് സാമി ദെ്ണ്ടണേക്ക് ആളായി തള്ള്‌നാര്.>>

റോമഗാറാര് 1:32

ഇത്തവ കാര്യഗാള് ഗേവ ഇത്തവാള്‌ഗാള് സാവുക്കു തഗ്‌ദ്യുള്ളവാര്‌ത്തെ എന്നുവ സാമിസട്ടന തെരിന്തിന്ത് ഗുഡി അവാര് ഇത്തവ കാര്യഗാള്‌ന ഗേവാദ് താനേമല്ല, ഇത്തവ കാര്യഗാള് ഗേന്റവാര്‌ന പിര്യാമ് പഡ്‌ന്റാര്.

റോമഗാറാര് 12:9

നിമ്മ മനേസ്സാറ സീവാന്‌പഡ്‌ന്റവാര് ആയിര്‌ക്കുഡൊ, കെ്ട്ട കാര്യഗാള്‌ന ബെ്റ്‌ത്ത് തള്ളി നല്ല കാര്യഗാള്‌ക്ക് കെ്ട്ട്‌പട്ട് നഡാന്.

റോമഗാറാര് 2:8

ആന അവനവാന് കാര്യാക്ക് ബേ്ണ്ടി താനെ പെ്ളേത്ത് കൊണ്ടു സത്ത്യാക്ക് കെ്ട്ട്‌പട്ട് നഡാക്കാദെ കെ്ട്ട കാര്യഗാള് ഗേന്ത് കൊണ്ടു പെ്ളേക്ക്‌ന്റവാര് സാമി പഡുവ മൊനേക്ക്‌മ് ദെ്ണ്ടണേക്ക്‌മ് ആളാവാര്.

1 കൊരിന്ത്യഗാറാര് 13:6

സീവാന് ഉള്ളവാന് കെ്ട്ട കാര്യാത്ത്‌ല് പിര്യപഡാദെ സത്ത്യമാന കാര്യാത്ത്‌ല് പിര്യപഡ്‌ന്റാന്.

1 തെസെലോനിക്ക്യഗാറാര് 5:9

സാമി മൊനെ ബന്ത് ദെ്ണ്ടിക്കുവ ദെ്ണ്ടണേക്ക് സിക്ക്യ സാമി നമാന തെരിന്തെ്ഡ്‌ക്കാലെ. ആന നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ന ബെത്ത് തപ്പിസി കഡാക്ക്യത്തെ സാമി നമാന തെരിന്തെ്ഡ്‌ത്ത്‌റ്‌ക്കുവാദ്.

2 തെസെലോനിക്ക്യഗാറാര് 2:10

അത്തെ സത്ത്യമാന സേദിന നമ്പി തപ്പിസി കഡാക്ക്യ മനേസ്സിര്‌ക്കാത്തവാര്ന അയാള് സദിത്ത് പല കെ്ട്ട കാര്യഗാള്‌മ് ഗേന്ത് ഏമാത്തുവാന്.

2 പത്ത്‌റോസു 2:3

അവാര് പണാക്ക് ബേ്ണ്ടി പേരാസെപട്ട്‌കൊണ്ടു ഇല്ലാത്ത കദെന നിമാക്ക് സൊല്ലി നിമാന ബെത്ത് അവാര് പണ സമ്പാരിക്കുവാര്. അവാര്‌ന ദെ്ണ്ടിക്കുവ ദെ്ണ്ടണെന മുന്നുക്കു താനെ സാമി മുഡിവു മാഡിര്‌ന്റാന്. അവാര്‌ക്ക് ബരുവ അളിവുക്കു ഗളിഗെ ആഗമാട്ട.

3 ഓഗന്നാന് 1:11

എനാക്ക് മെച്ച്‌പ്‌ഡിത്തവാനെ, നീയിമ് അയാള്‌ന പാസെ കെ്ട്ടാദ് ഗേഗാദെ. നല്ലാദ് ഗേന്റവാന് സാമിപ്‌ള്ളേമ്‌ത്തെ. കെ്ട്ടാദ് ഗേന്റവാന്‌ക്ക് സാമി ആരെന്റേ തെര്യ.