2 തെസെലോനിക്ക്യഗാറാര് 2:11 - സാമി സേദി

¹¹ അദ്‌നാലെ സത്ത്യല്ലാത്താദ്‌ന അവാര് നമ്പ്യ ബേ്ണ്ടി അവാര്‌ക്ക് പൊയിന നമ്പുവ മനേസ്സ് സാമി കൊഡുക്കുവാന്.

2 തെസെലോനിക്ക്യഗാറാര് 2:11 ပူးပေါင်းရင်းမြစ်များ

മത്തായി 24:11

സാമിനിഗാല് സൊന്റു എന്റ് സൊല്ലി ഉറുട്ടു സൊല്ലുവ എഞ്ചോ സാമിദാസ്‌ഗാള് ബന്ത് എഞ്ചോ ആള്‌ഗാള്‌ന ഏമാത്തുവാര്.

മത്തായി 24:5

എന്ത്‌ക്കെന്റ് സൊന്ന <നാന്‌ത്തെ ക്‌റ്‌സ്‌ത്ത്> എന്റ് സൊല്ലികൊണ്ടു എഞ്ചോ ആള്‌ഗാള് എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്.

റോമഗാറാര് 1:28

സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.

1 തെസെലോനിക്ക്യഗാറാര് 2:3

അദ്‌നാലെ എമ്മ സൊന്ന സേദി തപ്പാന കാര്യാത്ത്‌ലിന്തൊ, കെ്ട്ട എ്ണ്ണാത്ത്‌ലിന്തൊ ബഞ്ചിക്കുവ എ്ണ്ണാത്ത്‌ലിന്തൊ സൊന്നാദല്ല എന്റ് നെനേന്.

1 തിമിത്തോസു 4:1

ഇന്നി ബരുവ കാലാത്ത്‌ല് ഒന്റൊന്റാള്‌ഗാള് അവാര്‌ക്ക് ഏസ്സോഡിര്‌ക്കുവ നമ്പിക്കേന ബ്‌ട്ട്‌തള്ളി പൊയി സൊല്ലി സദിക്കുവ നിഗാല്‌ഗാള് സൊല്ലുനാമ് സെയിത്താന് പഡുസുവ കാര്യഗാള്‌നാമ് നമ്പുവാരെന്റ് സാമിനിഗാല് സൊക്കാന സൊല്ലുന്റു.

2 തിമിത്തോസു 4:4

അത്തെ അവാര് സത്ത്യന പഡിസി കൊഡുക്കുവാദ്‌ന കേ്ള്‌ക്കാദെ നേരല്ലാത്ത കദെഗാള്‌ന കേ്ള്‌ക്ക്യ മൊഗേവാര്.