2 തെസെലോനിക്ക്യഗാറാര് 1:6 - സാമി സേദി

⁶ ആണ്ടവാന് ഏസ്സ് തന്ന് സക്‌ത്യുള്ള ദൂദാരോഡ തീ കത്തി എരേവ മേലോഗാത്ത്‌ലിന്ത് ഇ്റാഗി ബരുവാന്.

2 തെസെലോനിക്ക്യഗാറാര് 1:6 ပူးပေါင်းရင်းမြစ်များ

കൊലേസ്യഗാറാര് 3:25

അയി ആണ്ടവാന് സ്‌ന്നവാനൊ ദൊഡ്ഡവാനൊ എന്റ് നോഡുവാദില്ലെ. അദ്‌നാലെ നേര്‌മോഡ ഗേന്റവാന്‌ക്ക് അദ്‌ക്ക് തഗ്‌ന്ത കൂലി കെ്ഡേക്കുവ പാസെ നേര്‌മോഡ ഗേഗാത്തവാന്‌ക്ക്‌മ് അദ്‌ക്ക് തഗ്‌ന്ത ദെ്ണ്ടണെ ആണ്ടവാന്‌ലിന്ത് കെ്ഡേക്ക്‌മ്.

എവുറായാര് 6:10

നിമ്മ ഗേന്ത കാര്യഗാള്‌നാമ് സാമ്യോഡ നിമ്മ ബെത്ത സീവാന്‌നാമ് മറാന്ത് തള്ള്യ സാമി നേര്‌മല്ലത്തവാന് അല്ല. സാമ്യോഡ സീവാന്‌ബെത്താദ്‌നാലെ സാമിക്ക് പട്ടവാര്‌ന നിമ്മ കയി താങ്കിര്‌ക്ക്‌ന്റ്‌റ്. ഇന്നാല്‌മ് അവാര്‌ന കയിതാങ്കി കൊണ്ടു ഇര്‌ക്ക്‌ന്റ്‌റ്.

ബെ്ളിപട്ട കാര്യ 11:18

ബൂമില് ഇര്‌ക്കുവ എല്ലാ ജാദിഗാള്‌മ് മൊനേക്ക്‌പട്ടാര്. ആന നീ മൊനേക്ക്‌പഡുവ ഗളിഗേമ് ബന്തെജ്ജ്‌റ്റ്. സത്തവാര്‌ന ബിദിക്കുവാദ്‌ക്കുള്ള ഗളിഗേമ്, നിന്ന് ഗിലാസഗാറാരാന സാമിദാസ്‌ഗാള്‌ക്ക്‌മ്, സാമിഗാറാര്‌ക്ക്‌മ്, നിനാക്ക് അഞ്ചി നഡാക്കുവ ദൊഡ്ഡവാര്‌മ് സ്‌ന്നവാര്‌മ് ആന എല്ലാവാര്‌ക്ക്‌മ് കൂലി കൊഡുക്കുവാദ്‌ക്കുള്ള ഗളിഗേമ് ബൂമിന കെ്ഡ്‌സ്‌ന്റവാര്‌ന അളിക്കുവാദ്‌ക്കുള്ള ഗളിഗേമ് ബന്ത്‌റ്‌ക്ക്‌ന്റ്.

ബെ്ളിപട്ട കാര്യ 15:4

ആണ്ടവാനെ, നിനാന അഞ്ചാത്തവാര് ആര് ഇര്‌ക്ക്‌ന്റാര്? നിന്ന് പേര്‌ന മദ്‌സാത്തവാര് ആര് ഇര്‌ക്ക്‌ന്റാര്? എന്ത്‌ക്കെന്റ് സൊന്ന നീ ഒരുത്താന് തനെത്തെ സുത്താപ്പുള്ളവാന്. നീ നേര്‌മ്യോഡ ഗേവാദ്‌ന എല്ലാവാര്‌മ് കണ്ടാദ്‌നാലെ ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌മ് നിന്ന് പട്ട്‌ക്ക് ബന്ത് നിനാന കുമ്മുഡുവാര്.

ബെ്ളിപട്ട കാര്യ 18:20

<മേലോഗഗാറാരെ, ഇത്തെ അവാള്‌ക്ക് അളിവു ബന്താദ്‌നാലെ പിര്യപൊങ്കുനു, സാമിഗാറാര്‌മ് അപ്പോസുത്തലാര്‌മ്, സാമിദാസ്‌ഗാള്‌മ് ആനവാരെ പിര്യപൊങ്കുന്, എന്ത്‌ക്കെന്റ് സൊന്ന അവാള് നിമാന ഗേന്താദ്‌ക്ക് സാമി അവാള്‌ന ദെ്ണ്ടിത്താന്.> >>

ബെ്ളിപട്ട കാര്യ 18:24

സാമിദാസ്‌ഗാള്‌ത്ത്‌മ്, സാമിഗാറാര്‌ത്ത്‌മ് അത്തെ ബൂമില് ബെത്ത് കൊലെ ഗേന്ത എല്ലാവാര്‌ത്ത്‌മ് സോരെ അയി പട്ടണാത്ത്‌ല്‌ത്തെ കണ്ടാദ്.>>

ബെ്ളിപട്ട കാര്യ 19:2

എന്ത്‌ക്കെന്റ് സൊന്ന അയാള് ആള്‌ഗാള്‌ന നേര്‌മോഡാമ് സത്ത്യത്തോഡാമ് ബിദിക്ക്‌ന്റാന്. ബേസ്യാഡി നഡാന്ത് കൊണ്ടു ഉലഗാന കെ്ഡ്‌സ്‌ന പേര്‌കേ്ട്ട ബേസിക്ക് അയാള് ദെ്ണ്ടണെ ബിദിത്താന്, തന്ന് ഗിലാസഗാറാര്‌ന അവാള് കൊന്റാദ്‌ക്ക് സാമി അവാള്‌ന പള്യെ്ഡ്‌ത്ത്‌റ്‌ന്റാന്.>>

ബെ്ളിപട്ട കാര്യ 6:10

<<എല്ലാ ബിലാമ് ഇര്‌ക്കുവ ആണ്ടവാനെ, സുത്താപ്പുള്ളവാന്‌മ് സത്ത്യമുള്ളവാന്‌മ് ആനവാനെ, ബൂമില് ഇര്‌ക്ക്‌ന്റവാര്‌ന ബിദിക്ക്യാമ് എമാന കൊന്റാദ്‌ക്ക് പള്യെ്ഡിക്ക്യാമ് ഇന്നി എഞ്ച് നാളാമ്?>> എന്റ് ദൊഡ്ഡാദ്‌ക്ക് ബ്‌ളിത്ത് സൊന്നാര്.