2 പത്ത്‌റോസു 3:4 - സാമി സേദി

⁴ അവാര് ബന്ത്: <<ഏസ്സ് തിരിഗി ബരുവാന് എന്റ് സൊന്ന ബാക്ക് ഏല് നഡാന്ത്‌ദ്? അച്ച്യച്ചനാമ് സത്ത പ്‌റ എല്ലാദ്‌മ് ആദില് ദ്‌ട്ട്‌സ്‌ഗാട്ടി എത്തെ ഇന്ത്‌ദൊ അദേപാസെ താനെത്തെ ഇന്നാല്‌മ് ഇര്‌ക്ക്‌ന്റ്>> എന്റ് സൊല്ലുവാര്.

2 പത്ത്‌റോസു 3:4 ပူးပေါင်းရင်းမြစ်များ

മത്തായി 16:27

മന്‌സാനായി പ്‌റാന്തവാന് തന്ന് അപ്പാന് സാമിക്ക് ഇര്‌ക്കുവ മദ്‌പ്പ്‌ല് തന്ന് ദൂദാര്‌ഗാളോഡ ബരുവാന്. അദുക്കുള ഒന്റൊന്റാള് ഗേന്ത കാര്യഗാള്‌ക്ക് തഗ്‌ന്ത കൂലി അയാള് കൊഡുക്കുവാന്.

മത്തായി 16:28

ഇദ്‌ല് നിന്റ്‌റ്‌ന്റവാര്‌ല് ലേസ ആള്‌ഗാള് മന്‌സാനായി പ്‌റാന്തവാന് തന്ന് നാഡ്‌ക്ക് ബരുവാദ്‌ന കാണമാട്ട്‌ക്ക് സാഗമാട്ടാര് എന്റ് നാന് സത്ത്യമായി നിമാക്ക് സൊന്റെ.>>

മത്തായി 24:28

സാവു ഏദ്‌ല് ഇര്‌ക്ക്‌ന്റൊ അദ്‌ക്ക് സാവു തീനി പാറ്‌ഗാള് ബന്ത് കൂഡുമു>>

മത്തായി 24:48

ആന അയാള് കേ്ഡ്‌ഗെ്ട്ട ഗിലാസഗാറാനായിന്ത, <എന്ന് പണ്ണാഡി ബര്യ ഗളിഗ്യാമ്> എന്റ് മനേസ്സ്‌ല് നെനേത്ത് കൊണ്ടു

മര്‌ക്കോസു 10:6

സാമി എല്ലാദ്‌നാമ് ദ്‌ട്ട്‌സ്‌ഗാട്ടി <അവാര്‌ന ഗണ്ട്‌മ് പെ്ണ്ണ്‌മ് ആയിത്തെ ഉണ്ടാക്ക്‌നാന്.>

മര്‌ക്കോസു 13:19

അയി കാലാക്ക് സാമി ഉലഗാന ദ്‌ട്ട്‌സ്‌നാദ്‌ലിന്ത് ഇന്നാമാട്ട്‌ക്ക് ബരാത്ത ഒന്റു ദൊഡ്ഡ കജട്ട ബര്‌മ്. ഇദേപാസെ ഒന്റു കജട്ട ഇന്നി ബരാമ്‌മാട്ട.

ലൂക്കോസു 12:45

ആന എന്ന് പണ്ണാഡി ബര്യ ഗളിഗ്യാന്റ് എന്റ് മനേസ്സ്‌ല് നെനേത്ത് കൊണ്ടു ഗിലാസഗാറാര്‌നാമ് ഗിലാസഗാറിസ്യാര്‌നാമ് അഡിത്ത്‌പ്‌ഡിത്ത് കൊണ്ടുമു തിന്റ്‌കുഡിത്ത് ബോദേ്റി കൊണ്ടുമു ഇര്‌ക്കുവദാന,

അപ്പോസുത്തലാര് 7:60

അയാള് സന്ത്‌ന ഊന്റികൊണ്ടു ദൊഡ്ഡാദ്‌ക്ക് അഗാറി സൊന്നാന്, <<ആണ്ടവാനെ! അവാര് ഗേന്ത ഈ പാവഗാള്‌ക്ക് അവാര്‌ന നീ ദെ്ണ്ടിക്കാദെ ഇര്‌ക്കുഡോമെ>> എന്റ് സൊന്ന പ്‌റ അയാള് സത്താന്.

1 തെസെലോനിക്ക്യഗാറാര് 2:19

എന്ത്‌ക്കെന്റ് സൊന്ന, നമ്മ് ആണ്ടവാന് ഏസ്സ് ബര്‌ഗാട്ടി അയാള് മുന്നുക്കു നിമാനല്ലാദെ ബേ്റെ ആര്‌ന കാണ്യ എമ്മ ആസെപഡ്‌ന്റേമ്? അയി നാള് എമാക്ക് ബരുവ പിര്യാമ്, പേര്‌പെരിമേക്ക് എമാക്ക് കെ്ഡേക്കുവ ഗിര്യാഡാമ് നിമ്മാത്തെ.

2 പത്ത്‌റോസു 3:12

സാമി ബരുവ നാള്‌ക്ക് ബേ്ണ്ടി നിമ്മ കാത്ത് കൊണ്ടുമു അയി നാള് സട്ടന ബര്യ ബേ്ണ്ടി നിമ്മ ഗേവ കാര്യ നലമായിമ് ഗേഡൊ. എന്ത്‌ക്കെന്റ് സൊന്ന അയി നാള് ബര്‌ഗാട്ടി ബാന് തീയില് ബെന്ത് പോഗാട്ടി അദ്‌ലിര്‌ക്കുവാദെല്ല ഒട്ടുക്കു ബെന്ത് ഉരിഗി പോമു.

ബെ്ളിപട്ട കാര്യ 3:14

<<ലവുദിക്ക്യ പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: ആമേന് എന്റ് സൊല്ലുന്റവാന് സൊല്ലുവാദ് ഇദ്‌ത്തെ. അയാള് സത്ത്യന പറ്റി സൊല്ലുവാദ്‌ല് നമ്പ്യ മുഡിന്റവാന്‌ത്തെ. അയാള്‌ന ബെത്ത്‌ത്തെ സാമി എല്ലാദ്‌നാമ് ദ്‌ട്ട്‌സ്‌നാദ്.