2 പത്ത്‌റോസു 3:3 - സാമി സേദി

³ എല്ലാദ്‌ന ബ്‌ഡ മുക്ക്യമായി നിമ്മ ഒന്റു കാര്യ തെരിന്ത്‌റ്‌ക്കുഡൊ. അയി കാര്യ എന്തെന്റ് സൊന്ന, തമ്മ് പിര്യാക്ക് കെ്ട്ട കാര്യഗാള് ഗേന്ത് പെ്ളേത്ത് കൊണ്ടു നാണഗെ്ഡിസി നഡാക്ക്‌ന്റവാര് കഡേസി കാലാക്ക് ബരുവാര്.

2 പത്ത്‌റോസു 3:3 ပူးပေါင်းရင်းမြစ်များ

ഓഗന്നാന് 12:48

എന്ന് നായന കേ്ള്‌ക്ക്യ മനേസ്സില്ലാദെ എനാന തള്ള്‌ന്റവാന്‌ന ബിദിക്ക്‌ന്റവാന് ഇര്‌ക്ക്‌ന്റാന്. നാന് സൊന്ന നായഗാള് താനെത്തെ അയാള്‌ന കഡേസി നാള്‌ല് ബിദിക്ക്‌മ്.

2 കൊരിന്ത്യഗാറാര് 4:2

സൂഗാന ഗേവ എല്ലാ നാണഗെ്ട്ട കാര്യഗാള് എമ്മ ഗേവാദില്ലെ. ആള്‌ഗാള്‌ന ഏമാത്തുവ കാര്യഗാളൊ സാമി സൊല്ലുസുലാക്കന തപ്പായി പഡിസി കൊഡുക്കുവാദൊ ഒന്റുമു എമ്മ ഗേവാദില്ലെ. സത്ത്യാന താനെത്തെ എമ്മ ആള്‌ഗാള്‌ക്ക് പഡിസി കൊഡുക്കുവാദ്. അത്തെ സാമി കണ്ണ്‌ക്ക് എമ്മ ആര് എന്റ് എല്ലാ ആള്‌ഗാള്‌ക്ക്‌മ് കാട്ടി കൊഡുക്കുന്റേമ്.

2 തിമിത്തോസു 3:1

കഡേസി കാലാത്ത്‌ല് എഞ്ചോ കജട്ടഗാള് ബര്‌മെന്റ് നെനേത്ത്‌റ്‌ക്കുഡൊ.

എവുറായാര് 1:2

ആന ഈ കഡേസി കാലാത്ത്‌ല് സാമി തന്ന് മഗാന്‌ന ബെത്ത് നമ്മോഡ നായ നൊഡിന്ത്‌റ്‌ന്റാന്. സാമി എല്ലാദ്‌ക്ക്‌മ് അയാള്‌ന ഉള്ളവാന് മാഡി ബെത്ത്‌മ് അയാള്‌ന ബെത്ത് ഈ അണ്ടസരാസരന ദ്‌ട്ടിസിമ് ഇര്‌ന്റാന്.

2 പത്ത്‌റോസു 1:20

ആന മുക്ക്യമായി നിമ്മ തെരിന്ത് ബെക്കുവ കാര്യ എന്തെന്റ് സൊന്ന, സാമി ബൊക്കുലു സാമിക്ക് മന്‌സാരോഡ സൊല്ല്യ ഇര്‌ക്കുവ കാര്യഗാള് സാമി സൊല്ലുവാദ്‌ന മന്‌സാര്‌ഗാള്‌ക്ക് സൊല്ലുന്റവാര് തമ്മ് സൊന്ത ബുദ്ദില് അര്‌ത്ത മാഡി എ്ള്‌ദ്‌ന കാര്യഗാളല്ല.

2 പത്ത്‌റോസു 2:10

മുക്ക്യമായിമ് കാമാക്ക് കണ്ണില്ലാദെ കണ്ടപഡിക്ക് നഡാക്ക്‌ന്റവാര്‌മ് സാമിക്ക് ഇര്‌ക്കുവ അദിഗരാന ബെലേക്ക് എ്ഡ്‌ക്കത്തവാര്‌മ്‌ത്തെ അവാര്. ആര്‌ക്ക്മ് അഞ്ചത്തവാര്‌മ് തമ്മ് പിര്യാക്ക് പെ്ളേക്ക്‌ന്റവാര്‌മ് ആയിര്‌ക്കുവ ഇവാര് മേലോഗാത്ത്‌ല് മദ്‌പ്പിര്‌ക്ക്‌ന്റവാര്‌ന മോസമായി സൊല്ല്യ ഗുഡി അഞ്ചുവാദില്ലെ.

1 ഓഗന്നാന് 2:18

പ്‌ള്ളെഗാളെ, ഉലഗ അളിവാദ്‌ക്ക് പക്ക ആയിര്‌ക്ക്‌ന്റ്. ക്‌റ്‌സ്‌ത്ത് എന്റ് സൊല്ലി ആള്‌ഗാള്‌ന ഏമാത്ത്‌ന്റവാന് ബരുവാനെന്റ് നിമ്മ കേ്ട്ട്‌റ്‌ക്ക്‌ന്റ്‌റല്ല. ക്‌റ്‌സ്‌ത്ത് എന്റ് സൊല്ലി ഏമാത്ത്‌ന്റവാന്‌ന പാസെ ഇര്‌ക്കുവ എഞ്ചോ ആള്‌ഗാള് ഇര്‌ക്കുവാദ്‌നാലെ ഇദ് കഡേസി കാലത്തെ എന്റ് നമാക്ക് തെരിമ്.

ജൂദാന് 1:16

അവാര് തമ്മ് പിര്യാക്ക് പെ്ളേത്ത് തമ്മ് കാര്യഗാള് നഡാക്കാദെ ബര്‌ഗാട്ടി അവാര് ങ്കൊറുങ്കൊറുക്ക്‌ന്റവാര്‌മ് അഡ്‌ത്തവാര്‌ന പറ്റി കുറ്റ സൊല്ലുന്റവാര്‌മായി പെ്ളേക്ക്‌ന്റാര്. അദല്ലാദെ താനെ തമ്മാത്തെ ദൊഡ്ഡവാരെന്റ് സൊല്ലി നഡാന്ത് തമ്മ ആസെപഡുവ കാര്യ നഡാക്ക്യ ബേ്ണ്ടി അഡ്‌ത്തവാര്‌ന ഉജാത്തിമ് സൊല്ലുന്റാര്.

ജൂദാന് 1:18

കഡേസി കാലാത്ത്‌ല് ആണ്ടവാന്‌ക്ക് മെച്ച്‌പ്‌ഡിത്തവാരായി പെ്ളേക്ക്‌ന്റവാര്‌ന നാണഗെ്ഡിസി തമ്മ് പിര്യാക്ക് കാര്യഗാള് ഗേന്ത് പെ്ളേക്ക്‌ന്റവാര് ബരുവാര് എന്റ് മുദാല് താനെ ഈ അപ്പോസുത്തലാര് സൊല്ലിര്‌ക്ക്‌ന്റാരല്ല.