2 പത്ത്‌റോസു 3:14 - സാമി സേദി14 അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ ഇദ്‌ക്ക് ബേ്ണ്ടി കാത്ത്‌റ്‌ക്കുവാദ്‌നാലെ സാമി കണ്ണ്‌ക്ക് പാവ ഗേഗാത്തവാരായിമ് അഡ്‌ത്തവാര് കുറ്റ സൊല്ലാത്ത ദിന്‌സ്‌ല് പെ്ളേക്ക്‌ന്റവാരായിമ് സാമ്യോഡിര്‌ക്കുവ ഉറാവുല് നിമ്മ്‌ദ്യുള്ളവാര് ആയിര്‌ക്ക്യാമ് നിമ്മ നിമ്മാവാദ് ഓരാഡ്‌ന്. အခန်းကိုကြည့်ပါ။ |
2 പത്ത്‌റോസു 3:14
19 ပူးပေါင်းရင်းမြစ်များ
അത്തെ ഗേന്തദാന കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല്‌മ് കവാഡില്ലാത്തവാരായിമ് കുറ്റകൊറേവു കാണ്യ മുഡ്യാത്ത സാമി മഗാനാര്‌മഗളാരായിമ് നിമാന കാണ്യ മുഡിമ്. എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന സൊല്ലുവ നല്ല സേദിക്ക് നിമ്മ കെ്ട്ട്‌പട്ട് നഡാക്ക്‌ന്റ്‌റല്ല. അത്തെ ഇര്‌ക്കുവ നിമ്മ ബാന്‌ല് പൊരിന്ത്‌റ്‌ക്കുവ ബെ്ള്ളിഗാള്‌ന പാസെ കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ബെ്ള്‌സഗാളായി ഇര്‌ക്ക്‌ന്റ്‌റ്. അത്തെ നാന് കജട്ടപട്ടാദ്‌മ് പാഡ്‌പട്ടാദ്‌മ് ബെ്റ്‌ദാഗാലെ എന്റ് ക്‌റ്‌സ്‌ത്ത് തിരിഗി ബരുവ നാള്‌ല് എനാക്ക് നിമാന പറ്റി പെരിമെപഡ്യ മുഡിമ്.
ഈ സോദെണെഗാള് നിമാക്ക് നേര്‌മായിമ് നമ്പിക്കെ ഇര്‌ക്ക്‌ന്റ് എന്റ് കാട്ട്യ ബേ്ണ്ടിത്തെ. അളിന്ത് പോവ പൊന്നുന ഗുഡി തീക്കിക്കി സോദണെ ഗേവദാന പൊന്നുന ബ്‌ഡ ബെലെ ഇര്‌ക്കുവ നിമ്മ് നമ്പിക്കെനാമ് സോദെണെ ഗേഡൊ. അത്തെ നിമ്മ് നമ്പിക്കെ പോഗാദിന്തദാന ഏസ്സ് ക്‌റ്‌സ്‌ത്ത് ബരുവ നാള്‌ല് നിമാക്ക് പേര്‌മ് പെരിമേമ് മാനാമ് കെ്ഡേക്ക്‌മ്.
എനാക്ക് മെച്ച്‌പ്‌ഡിത്തവാരെ, നാന് ഇന്നാല് നിമാക്ക് എ്ള്‌ദുവ റണ്ടാവാദ് എ്ള്‌ത്ത്‌ത്തെ ഇദ്‌. സാമിക്ക് പട്ട സാമിദാസ്‌ഗാള് എഞ്ചോ ബര്‌സ്സഗാള് മുന്നുക്കു സൊന്ന സൊല്ലു സുലാക്കഗാള്‌നാമ് നിമ്മ് പട്ട്‌ക്ക് ബന്ത അപ്പോസുത്തലാര്‌ന ബെത്ത് ആണ്ടവാന്‌മ് കാപാറ്റ്‌ന്റവാന്‌മ് ആയിര്‌ക്ക്‌ന്റവാന് സൊന്ന കല്‌പനെഗാള്‌നാമ് നിമ്മ നെനേക്ക്യ ബേ്ണ്ടി നാന് ഈ റാഡ് എ്ള്‌ത്ത്‌ന ബെത്ത് നിമ്മ് നേരുള്ള മനേസ്സ്‌ന ബോദ ബര്‌സ്സ്‌ന്റെ.
ഇത്തവ കാര്യഗാള്‌ന പറ്റി പവുലോസു താന് എ്ള്‌ദ്‌ന എല്ലാ എ്ള്‌ത്ത്‌ഗാള്‌ല് സൊല്ലിര്‌ക്ക്‌ന്റാന്. അയി എ്ള്‌ത്ത്‌ഗാള്‌ല് നെപ്പ്‌കെ്ഡേസ്യ മുഡ്യാത്ത പല കാര്യഗാള്‌മ് ഇര്‌ക്ക്‌ന്റ്. പഡിപ്പില്ലത്തവാര്‌മ് നമ്പിക്കേല് ഒറേപ്പില്ലത്തവാര്‌മ് സാമി സൊല്ലുലസുലാക്കാത്ത്‌ല് ബേ്റെ സുലാക്കഗാള്‌ന തപ്പായി പഡുസുവ പാസെ അവാര്‌ക്ക് നാസ ബര്യ ബേ്ണ്ടി ഇദ്‌നാമ് അവാര് തപ്പായി പഡ്‌സ്‌ന്റാര്.
ကြော်ငြာတွေ