2 പത്ത്‌റോസു 3:12 - സാമി സേദി

¹² സാമി ബരുവ നാള്‌ക്ക് ബേ്ണ്ടി നിമ്മ കാത്ത് കൊണ്ടുമു അയി നാള് സട്ടന ബര്യ ബേ്ണ്ടി നിമ്മ ഗേവ കാര്യ നലമായിമ് ഗേഡൊ. എന്ത്‌ക്കെന്റ് സൊന്ന അയി നാള് ബര്‌ഗാട്ടി ബാന് തീയില് ബെന്ത് പോഗാട്ടി അദ്‌ലിര്‌ക്കുവാദെല്ല ഒട്ടുക്കു ബെന്ത് ഉരിഗി പോമു.

2 പത്ത്‌റോസു 3:12 ပူးပေါင်းရင်းမြစ်များ

മത്തായി 16:27

മന്‌സാനായി പ്‌റാന്തവാന് തന്ന് അപ്പാന് സാമിക്ക് ഇര്‌ക്കുവ മദ്‌പ്പ്‌ല് തന്ന് ദൂദാര്‌ഗാളോഡ ബരുവാന്. അദുക്കുള ഒന്റൊന്റാള് ഗേന്ത കാര്യഗാള്‌ക്ക് തഗ്‌ന്ത കൂലി അയാള് കൊഡുക്കുവാന്.

മത്തായി 16:28

ഇദ്‌ല് നിന്റ്‌റ്‌ന്റവാര്‌ല് ലേസ ആള്‌ഗാള് മന്‌സാനായി പ്‌റാന്തവാന് തന്ന് നാഡ്‌ക്ക് ബരുവാദ്‌ന കാണമാട്ട്‌ക്ക് സാഗമാട്ടാര് എന്റ് നാന് സത്ത്യമായി നിമാക്ക് സൊന്റെ.>>

പിലിപ്പ്യഗാറാര് 1:6

ഇത്തവ നല്ല കാര്യഗാള് ഗേയ നിമാക്ക് മനേസ്സ് തന്തവാന് സാമിത്തെ. ഏസ്സ് ക്‌റ്‌സ്‌ത്ത് തിരിഗി ബരുവ നാള് മാട്ട്‌ക്ക് ഈ നല്ല കാര്യഗാള്‌ന ഗേന്ത് മുഡിക്ക്യ അയി സാമി അത്തവ മനേസ്സ് നിമാക്ക് തന്ത് കൊണ്ടേ ഇര്‌ക്കുവാന് എന്റ് എനാക്ക് ഒറേപ്പിര്‌ക്ക്‌ന്റ്.

തീത്തോസു 2:13

എല്ലാദ്‌ക്ക്‌മ് ബ്‌ഡ മ്‌ഗ്‌ന്ത ബില ഇര്‌ക്കുവ നമ്മ് സാമിമ് നമാന കാപാറ്റ്‌ന്റവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത് ബെ്ളിപഡുവ അയി നല്ല നാള്‌ക്ക് ബേ്ണ്ടി നെഞ്ചഡെ ബെത്ത് കാത്ത്‌റ്‌ക്കുവ നമാക്ക്,

2 പത്ത്‌റോസു 3:10

ആണ്ടവാന് തിരിഗി ബരുവ നാള് ഒന്റു ത്‌റ്‌ട്ടാന് ബരുവ നാള് പാസെ ബര്‌മ്. അയി നാള്‌ക്ക് ബാന് ദൊഡ്ഡ ജദ്ദോഡ കാണദ്യായി തള്ള്‌മ്. ബാന്‌ലിര്‌ക്കുവ ജാദിഗാള് ഒട്ടുക്കു തീ ബെന്ത് ഉരുഗി പോമു. അദേപാസെ ബൂമിമ് അദ്‌ലിര്‌ക്കുവാദ് ഒട്ടുക്കുമു ബെന്ത് അളിന്ത് തള്ള്‌മ്.

2 പത്ത്‌റോസു 3:11

അത്തെ ഇദൊട്ടുക്കു അളിന്ത് പോയ ഇര്‌ക്കുവാദ്‌നാലെ നിമ്മ എത്ത്‌റ കുറ്റ സൊല്ല്യ മുഡ്യാത്ത ദിന്‌സ്‌ല് പെ്ളേക്ക്‌ന്റവാര്‌മ് ബക്‌ത്യോഡ പെ്ളേക്ക്‌ന്റവാര്‌മ് ആയിര്‌ക്കുഡൊ?

2 പത്ത്‌റോസു 3:4

അവാര് ബന്ത്: <<ഏസ്സ് തിരിഗി ബരുവാന് എന്റ് സൊന്ന ബാക്ക് ഏല് നഡാന്ത്‌ദ്? അച്ച്യച്ചനാമ് സത്ത പ്‌റ എല്ലാദ്‌മ് ആദില് ദ്‌ട്ട്‌സ്‌ഗാട്ടി എത്തെ ഇന്ത്‌ദൊ അദേപാസെ താനെത്തെ ഇന്നാല്‌മ് ഇര്‌ക്ക്‌ന്റ്>> എന്റ് സൊല്ലുവാര്.

ജൂദാന് 1:21

അദ്‌താനേമല്ല, സാമി നിമാന സീവാന്‌ബെത്ത് നഡാത്ത്യ ബേ്ണ്ടി നിമാന സാമി കയിക്ക് ഒപ്പിസി കൊഡുത്തു കൊണ്ടു നിമാക്ക് കെ്ഡേത്ത എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ബേ്ഡ്‌മാന ഗവ ആണ്ടവാന് ഏസ്സ് ക്‌റ്‌സ്‌ത്ത് പഡ്യ ബേ്ണ്ടി നിമ്മ ഒപ്പ കാത്ത്‌റ്‌ന്.