പ്‌റ തമ്മ് സൊല്ലുപഡി നഡാക്ക്‌ന്റവാര്‌ല് ലേസ ആള്‌ഗാള്‌ന എരോദ്യരോഡ സൊല്ലി ബ്‌ട്ടാര്. അവാര് ബന്ത്: <<ഗുരുവെ, നീ സത്ത്യാന നേരെ സൊല്ലുന്റവാന് എന്റ്‌മ്, മന്‌സാര് എത്തെ പെ്ളേത്ത് പോഡൊ എന്റ് സാമി സൊല്ലിര്‌ക്കുവാദ്‌ന അദേപാസെ പഡ്‌സ്‌ന്റവാന് എന്റ്‌മ് എമാക്ക് തെരിവു. ആര്‌നാമ് മൂഞ്ചിമുഗ നോഡാത്തവാന് ആനാദ്‌നാലെ മന്‌സാര് എന്ത്‌ന നെനേക്ക്‌ന്റാര് എന്റ്‌ഗുഡി അഞ്ചാലെ എന്റ്‌മ് എമാക്ക് തെരിന്റ്.
2 പത്ത്‌റോസു 2:2 - സാമി സേദി2 പല ആള്‌ഗാള് അവാര് ഗേവ കെ്ട്ട കാര്യഗാള്‌ന പാസെ ഗേവാര്. അവാര് അത്തെ ഗേവാദ്‌നാലെ സത്ത്യാക്ക് ബേ്ണ്ടി പെ്ളേക്കുവാദ്‌ന പറ്റി ബേ്റാള്‌ഗാള് മോസമായി സൊല്ലുവാര്. အခန်းကိုကြည့်ပါ။ |
2 പത്ത്‌റോസു 2:2
36 ပူးပေါင်းရင်းမြစ်များ
അവാര് ബന്ത് ഏസ്സ്‌ന ഇത്തെ കേ്ട്ടാര്: <<ഗുരുവെ നീ മന്‌സാര് എന്ത് നെനേക്ക്‌ന്റാര് എന്റ്‌ഗുഡി അഞ്ചാദെ സത്ത്യന നേരെ സൊല്ലുന്റവാന് എന്റ് എമാക്ക് തെരിവു. അദ്‌നാലെ മന്‌സാര് എത്തെ പെ്ളേത്ത് പോഡൊ എന്റ് സാമി സൊല്ലിര്‌ക്കുവാദ്‌ന ആര്‌നാമ് മൂഞ്ചിമുഗ നോഡാദെ നീ പഡ്‌സ്‌ന്റായി. എമ്മ ഒന്റു കേ്ള്‌ക്ക്‌ന്റേമ്, മോസെ ബെത്ത സാമി സട്ടപഡി റോമ നാഡ് രാജാവുക്കു കന്ത്യ കെ്ട്ടുവാദ് സെര്യ ഇല്ലെ തപ്പ?
ലേസ ആള്‌ഗാള് അദ്‌ന കാദ്‌ക്കിക്കാലെ. അവാര് അദ്‌ന നമ്പാമില്ലെ. ആണ്ടവാന് കാട്ടി തന്ത ബട്ടെന പറ്റി അവാര് ആള്‌ഗാള് മുന്നുക്കു കെ്ട്ട നായഗാള് സൊല്ലി കൊണ്ടിന്താര്. അദുക്കുള പവുലോസു അദ്‌ലിന്ത ഏസ്സ്‌ഗാറാര്‌ന ത്‌റാനോസു പഡുസുവ എ്ഡേക്ക് കൂട്ടി പോനാന്. അദ്‌ല് അവാര് നാള്‌ക്ക്‌മ് തമ്മ തമ്മ ഇദ്‌ന പറ്റി നായ നൊഡിന്ത്‌കൊണ്ടിന്താര്.
ആന ഒന്റു കാര്യ നേര് എന്റ് എനാക്ക് തെരിമ്: ഏസ്സ് സൊല്ലുപഡി നഡാക്കുവാദ്‌ന തപ്പെന്റ് അവാര് സൊല്ലുന്റാര്. ആന അത്തെ നഡാന്ത്‌ത്തെ നാന് എമ്മ് പാട്ടനാമ് സാമിന കുമ്മുഡി നഡാക്ക്‌ന്റെ. അദല്ലാദെ താനെ മോസെ എ്ള്‌ദിര്‌ക്കുവ സട്ടഗാള്‌നാമ് സാമിദാസ്‌ഗാള് ബൊക്കുലു എ്ള്‌ദിര്‌ക്കുവ കാര്യഗാള്‌നാമ് ഒട്ടുക്കുമു നാന് നമ്പ്‌ന്റെ.
അദ്‌താനെ അല്ല, നല്ല ബുദ്ദ്യോഡ പെ്ളേക്കുഡൊ എന്റ്‌മ്, ആളാന് നമ്പ്യ മുഡ്യാത്തളാവുക്കു കണ്ടപഡിക്ക് നഡാക്കാദിര്‌ക്കുഡൊ എന്റ്‌മ്, ബീ്ഡ്‌ല കാര്യഗാള്‌ന നോഡുഡൊ എന്റ്‌മ്, അഡ്‌ത്തവാര്‌ന ഗവ പഡുഡൊ എന്റ്‌മ്, ആളാന് സൊല്ലുപഡിക്ക് നഡാക്കുഡൊ എന്റ്‌മ് ഈ പെ്ണ്ണ്‌മക്കാള്‌ന പഡിസ്യ അവാര്‌ക്ക് മുഡിമ്. അത്തെ ഗേന്തദാന സാമി സൊല്ലുസുലാക്കന ആര്‌ക്ക്‌മ് കുറ്റ സൊല്ല്യ മുഡ്യാമാട്ട.
ആന ഇവാരൊ, സാമി തമാക്ക് മേല് ബെത്ത്‌റ്‌ക്കുവ അദിഗരഗാള്‌ന തെര്യാദെ അദ്‌ന പറ്റി ബെലെ ഇല്ലാത്താദായി സൊല്ലുവാദ്‌നാലെ തമാക്ക് എന്ത് ബര്യ പോന്റു എന്നുവ അറുവില്ലാദെ സൊന്റാര്. തമാക്ക് ഒഡ്ഡി ബെത്ത്‌റ്‌ക്കുവ കണ്ണിന തെര്യാദെ അദ്‌ക്ക് സിക്കി അളിന്ത് പോവ അറുവില്ലാത്ത ബേ്ണ്ട്‌ഗാള്‌ന പാസെത്തെ ഇവാര്‌മ് അളിന്ത് പോന്റാര്.
എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.
അദേപാസെ സോദോമു പട്ടണാത്ത്‌ലവാര്‌മ് ഗൊമോറ പട്ടണാത്ത്‌ലവാര്‌മ് അദ്‌ക്ക് സുറ്റീല് ഇര്‌ക്കുവ ഊരുലവാര്‌ഗാള്‌മ് ഗണ്ടെന്റില്ലാദേമ് പെ്ണ്ണെന്റില്ലാദേമ് മൊറെതലെ നോഡാദെ കാണ്‌ന്റവാരോഡെല്ല ബേസ്യാഡികൊണ്ടു നഡാന്ത് തമാന താനെ കെ്ഡ്‌സ്‌നാര്. അദ്‌നാലെ സാമി അവാര്‌ന തീക്കിക്കി അളിത്താന്. അദേപാസെത്തെ ഇവാര്‌ക്ക്‌മ് എന്നാല്‌ക്ക്‌മ് കെ്ഡാദിര്‌ക്കുവ തീക്കിക്കി ദെ്ണ്ടിക്കുവ ദെ്ണ്ടണെ കെ്ഡേക്ക്‌മ്.
ကြော်ငြာတွေ