2 പത്ത്‌റോസു 2:14 - സാമി സേദി14 അവാര് പെ്ണ്ണ്‌മക്കാള്‌ന കണ്ടദാന അവാരോഡ എ്ണേന്ത് ബേസ്യാഡി നഡാക്ക്യ ആസെപട്ട് നഡാക്ക്‌ന്റാര്. ഇത്തെ ഒപ്പ പാവ ഗേന്ത് നഡാക്കുവാദ് പറ്റ എന്റ് അവാര് പെ്ളേക്ക്‌ന്റാര്. ദൊഡ്ഡ നമ്പിക്കെ ഇല്ലാത്ത ആള്‌ഗാള്‌ന പാവ ഗേയ സിക്ക്‌സ്‌ന്റാര്. അവാര് ആസെപട്ട കാര്യ എത്തെ കെ്ഡേസുഡൊ എന്റ് അവാര് പഡിത്ത്‌ര്‌ന്റാര്. ഇത്തെ ഗേവാദ്‌നാലെ അവാര് സാമി സാപ്പാക്ക് സിക്കിര്‌ക്ക്‌ന്റാര്. အခန်းကိုကြည့်ပါ။ |
2 പത്ത്‌റോസു 2:14
28 ပူးပေါင်းရင်းမြစ်များ
അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.
അദ്‌നാലെ ഒന്റു സരിഗല തലേക്ക് എ്ണേന്ത് അദ്‌ക്കിര്‌ക്കുവ പല മൂട്ടുമുറിഗാള് ഒട്ടുക്കുമു ഒന്റായി ദൊഡ്ഡുവ പാസെ സത്ത്യമാന ഏസ്സ് ക്‌റ്‌സ്‌ത്ത്‌ന തലെ മാഡി സാമ്യോഡ എ്ണേന്ത് ദൊഡ്ഡുനു. അദ്‌ന തള്ളി ഒന്റുക്കുമു ഉവഗരപഡാത്ത താന്‌താനെ നെനേക്കുവ നെനേവുഗാള്‌ന ബെത്ത്‌മ് താന് കണ്ട കാര്യഗാള്‌ന ബെത്ത്‌മ് തണിമോഡ പെ്ളേക്ക്‌ന്റേന് എന്റ് നെനേത്ത് പെരിമെപട്ട്‌കൊണ്ടു സാമിന കുമ്മുഡാദെ, ദൂദാര്‌ഗാള്‌ന കുമ്മുഡി നഡാക്ക്‌ന്റവാരോഡ എ്ണേന്ത സാമി നിമാക്ക് ബേ്ണ്ടി ബെത്ത്‌റ്‌ക്കുവ സൊത്തു നിമാക്ക് കെ്ഡേക്കമാട്ട.
ഇത്തവ കാര്യഗാള്‌ന പറ്റി പവുലോസു താന് എ്ള്‌ദ്‌ന എല്ലാ എ്ള്‌ത്ത്‌ഗാള്‌ല് സൊല്ലിര്‌ക്ക്‌ന്റാന്. അയി എ്ള്‌ത്ത്‌ഗാള്‌ല് നെപ്പ്‌കെ്ഡേസ്യ മുഡ്യാത്ത പല കാര്യഗാള്‌മ് ഇര്‌ക്ക്‌ന്റ്. പഡിപ്പില്ലത്തവാര്‌മ് നമ്പിക്കേല് ഒറേപ്പില്ലത്തവാര്‌മ് സാമി സൊല്ലുലസുലാക്കാത്ത്‌ല് ബേ്റെ സുലാക്കഗാള്‌ന തപ്പായി പഡുസുവ പാസെ അവാര്‌ക്ക് നാസ ബര്യ ബേ്ണ്ടി ഇദ്‌നാമ് അവാര് തപ്പായി പഡ്‌സ്‌ന്റാര്.
എത്തെന്റ് സൊന്ന, തന്ന് തമ്പി കാണിക്കെ സാമിക്ക് മെച്ച്‌പ്‌ഡിത്ത്‌ദ്, ആന തന്ന് കാണിക്കെ സാമിക്ക് മെച്ച്‌പ്‌ഡിക്കാലെ. അദ്‌നാലെ അയാളോഡ കണ്ണ്‌കഡി ബെത്ത് പാവ ഗേന്ത കയീന്‌ന പാസേമ് സാമിന ബ്‌ഡ പണ ദൊഡ്ഡാദെന്റ് നെനേത്ത് പാവ ഗേന്ത ബിലെയാമ്‌ന പാസേമ് തനാക്ക് സാമി ബെത്ത തലെവാന് മോസെന എദ്‌റ്‌ത്ത് സൊല്ലി കെ്ട്ട് പോന കോരാഗ്‌ന പാസേമ് ഇവാര് അളിന്ത് പോവ പെ്ളേപ്പ് പെ്ളേക്ക്‌ന്റാര്. ഇവാര്‌ക്ക് ബരുവ ആവാത്ത് ദൊഡ്ഡ ആവാത്ത്‌ത്തെ.
ကြော်ငြာတွေ