2 പത്ത്റോസു 2:12 - സാമി സേദി12 ആന ഇവാര് തമാക്ക് തെര്യാത്ത കാര്യഗാള്ന പറ്റി ഗുഡി കുറ്റ സൊന്റാര്. അവാര് ബുദ്ദില്ലാത്ത ബേ്ണ്ട്ഗാള്ന പാസെത്തെ. അയി ബേ്ണ്ട്ഗാള് എന്ത് നെനേക്ക്ന്റൊ അദ്നാത്തെ അയി ബേ്ണ്ട്ഗാള് ഗേന്റ്. ഒന്റു ബേ്ണ്ട്ന പ്ഡിത്ത് എത്തെ കൊല്ലുന്റാമൊ അദേപാസെത്തെ സാമിമ് ഇവാര്ന അളിക്കുവാന്. အခန်းကိုကြည့်ပါ။ |
എന്റ് മന്സാന് ബെത്ത്റ്ക്കുവ ഈ സട്ട്മെ്ട്ട്ഗാളെല്ല ഒന്റുക്കുമു ഉവഗരാഗമാട്ട. ഇത്തവ സട്ട്മെ്ട്ട്ഗാള്ന കേ്ള്ക്ക്ഗാട്ടി ബുദ്ദ്യുള്ള കാര്യത്തെന്റ് നെനേക്ക്ല. ആന അദ്ഗാള്ന പറ്റ്യുള്ള അറുവുഗാളെല്ല സത്ത്യാക്ക് ബെലെ ഇല്ലാദെ മാഡുവ കാര്യഗാള്ത്തെ. അത്തവ കാര്യഗാള്ല് ബക്തിഗാറാര്ന പാസെ നെനേത്ത് ഗേവ സട്ടഗാള്മ് പഡുസുവ ബുദ്ദിനായഗാള്മ് ഇര്ക്ക്മ്. ആന അദെല്ല തപ്പ് ഗേവ മന്സാന്ക്ക് ഇര്ക്കുവ കെ്ട്ട ഗുണഗാള്ന ഇല്ലാദെ മാഡ്യ ഉവഗരപഡമാട്ട.
ആന ഇവാരൊ, സാമി തമാക്ക് മേല് ബെത്ത്റ്ക്കുവ അദിഗരഗാള്ന തെര്യാദെ അദ്ന പറ്റി ബെലെ ഇല്ലാത്താദായി സൊല്ലുവാദ്നാലെ തമാക്ക് എന്ത് ബര്യ പോന്റു എന്നുവ അറുവില്ലാദെ സൊന്റാര്. തമാക്ക് ഒഡ്ഡി ബെത്ത്റ്ക്കുവ കണ്ണിന തെര്യാദെ അദ്ക്ക് സിക്കി അളിന്ത് പോവ അറുവില്ലാത്ത ബേ്ണ്ട്ഗാള്ന പാസെത്തെ ഇവാര്മ് അളിന്ത് പോന്റാര്.