2 പത്ത്‌റോസു 2:1 - സാമി സേദി1 മുന്തെല കാലാത്ത്‌ല് സാമി സൊന്റെന്റ് സൊല്ലി ഉറുട്ടു സൊല്ലുവ സാമിദാസ്‌ഗാള്‌മ് ഇസ്‌റവേല്‌ഗാറാര് പട്ട്‌ല് ഇന്താര്. അദേപാസെ ഉറുട്ടു സൊല്ലി പഡ്‌സ്‌ന്റവാര്‌ഗാള് നിമ്മ് പട്ട്‌ലിന്ത്‌മ് ഉണ്ടാവാര്. അവാര് സത്ത്യ അല്ലാത്ത കെ്ഡ്‌സുവ കാര്യഗാള്‌ന സൂഗാന പഡുസുവാര്. പാവാക്ക് സിക്കിന്ത തമാന തിരിക്കി എ്ഡ്‌ത്ത പണ്ണാഡിന തള്ളി തമ്മ ബേഗ അളിന്ത് പോവാദ്‌ക്കുള്ള ബട്ടെ അവാര് താനെ മാഡ്‌ന്റാര്. အခန်းကိုကြည့်ပါ။ |
2 പത്ത്‌റോസു 2:1
73 ပူးပေါင်းရင်းမြစ်များ
എന്റിന്ത്‌മ് ഏസ്സ്‌ഗാറാര് എന്റ് സൊല്ലി നഡിക്കുവ ബേ്റാള്‌ഗാള്‌ത്തെ തീത്തോസുന പരിസേദനെ സാത്ത്‌റ ഗേസുഡൊ എന്റ് ആസെപട്ടാദ്. ക്‌റ്‌സ്‌ത്ത്‌ന നമ്പി നഡാക്കുവാദ്‌നാലെ നമ്മ മോസെ ബെത്ത സാമി സട്ടാക്ക് അഡിമ്യാഗാദെ പെ്ളേക്ക്‌ന്റാമ്. അത്തെ പെ്ളേക്കുവ നമാന പിന്നേമ് അയി സട്ടാക്ക് അഡിമെഗാള് മാഡി കെ്ഡിസ്യ ബേ്ണ്ടി അവാര് ഓസണോഡ നമ്മ് കൂട്ടാക്ക് ബന്ത്‌റ്‌ന്റാര്.
സത്ത്യാക്ക് എ്ണേഗാത്ത കാര്യഗാള്‌ന പഡുസുവ ആള്‌ഗാള് നിമാന തമ്മോഡൊപ്പ സേത്ത്യ ബേ്ണ്ടിത്തെ നിമാന പിര്യപട്ട് ഊഡെ നുങ്കുവാദ്. അദ് നിമാക്ക് നല്ലാദ് കെ്ഡേക്ക്യ ബേ്ണ്ട്യല്ല, അദ്‌ക്ക് ബദ്‌ല നിമാന എന്നോഡിന്ത് പ്‌റ്‌ത്ത് നിമ്മ താനെ അവാര്‌ക്ക് എ്ണേന്ത് നിമ്മ അവാര്‌ന പിര്യപട്ട് ഊഡെ നുങ്ക്യത്തെ അവാര് അത്തെ ഗേവാദ്.
അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.
അദ്‌നാലെ ഒന്റു സരിഗല തലേക്ക് എ്ണേന്ത് അദ്‌ക്കിര്‌ക്കുവ പല മൂട്ടുമുറിഗാള് ഒട്ടുക്കുമു ഒന്റായി ദൊഡ്ഡുവ പാസെ സത്ത്യമാന ഏസ്സ് ക്‌റ്‌സ്‌ത്ത്‌ന തലെ മാഡി സാമ്യോഡ എ്ണേന്ത് ദൊഡ്ഡുനു. അദ്‌ന തള്ളി ഒന്റുക്കുമു ഉവഗരപഡാത്ത താന്‌താനെ നെനേക്കുവ നെനേവുഗാള്‌ന ബെത്ത്‌മ് താന് കണ്ട കാര്യഗാള്‌ന ബെത്ത്‌മ് തണിമോഡ പെ്ളേക്ക്‌ന്റേന് എന്റ് നെനേത്ത് പെരിമെപട്ട്‌കൊണ്ടു സാമിന കുമ്മുഡാദെ, ദൂദാര്‌ഗാള്‌ന കുമ്മുഡി നഡാക്ക്‌ന്റവാരോഡ എ്ണേന്ത സാമി നിമാക്ക് ബേ്ണ്ടി ബെത്ത്‌റ്‌ക്കുവ സൊത്തു നിമാക്ക് കെ്ഡേക്കമാട്ട.
എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.
അവാര് പുദ്യ ഒന്റു പാട്ട് പാഡ്‌നാര്, <<ബൊക്കുന എ്ഡ്‌ക്ക്യാമ് മുദ്ദുറെഗാള്‌ന പൊട്ടിസ്യാമ് തഗ്‌ദ്യുള്ളവാന് നീത്തെ. എന്ത്‌ക്കെന്റ് സൊന്ന നിനാന അറ്‌ത്ത് കൊന്റാര്. എല്ലാ കുലഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ ജാദിഗാള്‌ലിന്ത്‌മ് ആള്‌ഗാള്‌ന നീ സാമിക്ക് ബേ്ണ്ടി നിന്ന് സോരെന കൊഡുത്തു ബാങ്ക്യെ്ഡ്‌ത്തായി.
ကြော်ငြာတွေ