2 പത്ത്‌റോസു 1:20 - സാമി സേദി

²⁰ ആന മുക്ക്യമായി നിമ്മ തെരിന്ത് ബെക്കുവ കാര്യ എന്തെന്റ് സൊന്ന, സാമി ബൊക്കുലു സാമിക്ക് മന്‌സാരോഡ സൊല്ല്യ ഇര്‌ക്കുവ കാര്യഗാള് സാമി സൊല്ലുവാദ്‌ന മന്‌സാര്‌ഗാള്‌ക്ക് സൊല്ലുന്റവാര് തമ്മ് സൊന്ത ബുദ്ദില് അര്‌ത്ത മാഡി എ്ള്‌ദ്‌ന കാര്യഗാളല്ല.

2 പത്ത്‌റോസു 1:20 ပူးပေါင်းရင်းမြစ်များ

റോമഗാറാര് 12:6

അദ്‌നാലെ സാമി നമാക്ക് ഗേന്ത പ്‌ണ്ണ്യാക്ക് തഗ്‌ന്ത പാസെ പല ദിന്‌സ് ബരഗാള് നമാക്ക് കെ്ഡേത്ത്‌റ്ക്ക്ന്റ്. അദ്‌നാലെ സാമിക്ക് മന്‌സാരോഡ സൊല്ല്യ ഇര്‌ക്കുവ കാര്യഗാള്‌ന സൊല്ലുവ ബര കെ്ഡേത്തവാന് അയാള്‌ക്ക് ഇര്‌ക്കുവ നമ്പിക്കേക്ക് തഗ്‌ന്ത പാസെ അയാള് അയി കാര്യ ഗേഡൊ.

റോമഗാറാര് 13:11

നിമ്മ നല്ല സേദിന നമ്പ്‌ന സമ്യന ബെത്ത് നോഡുന നമ്മ തപ്പിസി കഡാക്കുവ നേര ഇന്നാല് ഒന്റേപെ്ട്ട് അഡ്‌ത്ത്‌റ്‌ക്കുവാദ്‌നാലെ ഇന്നാല് ഇദെല്ല ഗേന്. എന്ത്‌ക്കെന്റ് സൊന്ന നിമാക്ക് ഉറാങ്ക്യളാഗുവ നേര ബന്ത്‌ദ്.

റോമഗാറാര് 6:6

നമ്മ ഇന്നി പാവ ഗേവാദ്‌ക്ക് അഡിമ്യാഗാദെ നമ്മ് പാവ സരിഗലാത്ത്‌ല പാവ ഗേവ പളാക്കന ഇല്ലാദെ മാഡ്യ ബേ്ണ്ടി പാവ ഗേന്ത് നഡാന്തിന്ത നമ്മ് പള്യ പെ്ളേപ്പ്‌ന ക്‌റ്‌സ്‌ത്തോഡൊപ്പ കുരുസുക്കു സേത്തി ആണി അഡിത്ത് തള്ള്‌നാമ് എന്റ് നമ്മ കണാക്കാക്ക്‌ന്റാമ്.

1 തിമിത്തോസു 1:9

ഈ സാമിസട്ട ബെത്ത്‌റ്‌ക്കുവാദ് സാമി പിര്യാക്ക് പെ്ളേക്ക്‌ന്റവാര്‌ക്ക് ബേ്ണ്ട്യല്ല എന്റ് നമാക്ക് തെരിമ്. പിന്നെ ഇദ് ബെത്ത്‌റ്‌ക്കുവാദ് ആര്‌ക്ക് ബേ്ണ്ടി എന്റ് സൊന്ന, സാമി സട്ടാക്ക് മീ്റി നഡാക്ക്‌ന്റവാര്‌ക്ക്‌മ്, സാമിക്കിര്‌ക്കുവ അദിഗരാക്ക് കെ്ട്ട്‌പട്ട് നഡാക്കാത്തവാര്‌ക്ക്‌മ്, സാമിന പറ്റി നെനേവു ഇല്ലത്തവാര്‌ക്ക്‌മ്, കുറ്റഗേന്റവാര്‌ക്ക്‌മ്, കീ്ട്ട്‌ഗഗാറാര്‌ക്ക്‌മ്, സാമി ബക്‌തി ഇല്ലത്തവാര്‌ക്ക്‌മ്, അവ്വ്യപ്പാന്‌ന കൊലെ ഗേന്റവാര്‌ക്ക്‌മ്, കൊലെഗാറാര്‌ക്ക്‌മ്,

2 തിമിത്തോസു 3:16

എല്ലാ സാമി സൊല്ലുസുലാക്കാമ് സാമി മൂസുലിന്ത്‌ത്തെ ബന്താദ്. അദ്‌ന ബെത്ത് ആള്‌ഗാള്‌ന പഡിസ്യാമ്, നൊഡ്യാമ്, ആള്‌ഗാള് ഗേവ കുറ്റഗാള്‌ന കാട്ടി കൊഡുക്ക്യാമ്, എത്തെ നലമായി പെ്ളേക്കുഡൊ എന്റ് കാട്ടി കൊഡുക്ക്യാമ് മുഡിമ്.

2 പത്ത്‌റോസു 3:3

എല്ലാദ്‌ന ബ്‌ഡ മുക്ക്യമായി നിമ്മ ഒന്റു കാര്യ തെരിന്ത്‌റ്‌ക്കുഡൊ. അയി കാര്യ എന്തെന്റ് സൊന്ന, തമ്മ് പിര്യാക്ക് കെ്ട്ട കാര്യഗാള് ഗേന്ത് പെ്ളേത്ത് കൊണ്ടു നാണഗെ്ഡിസി നഡാക്ക്‌ന്റവാര് കഡേസി കാലാക്ക് ബരുവാര്.